mánadagur 22. september 2014síða 32

16 nr. 7 I 22. september 2014 Vinnublaðið hjá Miðlahúsinum Tí fingu tey 2012 Luna Brot úr grundgevingunum: »Fyri meira enn 15 árum síðani tók felagið stig til við treiskni og áhaldni at fáa skipað heilsufrøðiligu lóggávuna innan aling á ta kós, sum hon nú er á. Gjøgnum miðvíst arbeiði og áhaldandi press eigur felagið sín stóra leiklut í, at heilsufrøðiligu karmarnir fyri alivinnuni í Føroyum eru heimsins bestu. ...Marknaðarføringin hjá fyritøkuni sjálvari hevur eisini verið sjónlig, bæði heima og uttanlands. Fyritøkan re-brandaði í 2011 sínar vørur, sum eftir hetta eru seldar undir navninum Hiddenfjord. Felagið hevur sett sær sum mál, at kundin bara kann velja millum tvær góðskur: Superior Quality og Sushi-grade, eisini nevnd Ultra-Superior Quality. Tað sigur ikki so lítið um ambitiónirnar hjá fyritøkuni at framleiða vørur av høgari góðsku. Marknaðurin hevur eisini tikið væl ímóti Hiddenfjord-brandinum. Sushi-matstovur lýsa í matskránni og á heimasíðum teirra við, at tær nýta Hiddenfjord-laks. Og sama ár sum Hiddenfjord laksur varð borðreiddur í sambandi við Wimbledon tenniskappingina skrivaði kenda enska blaðið the Telegraph eina grein um alifyritøkuna, har framleiðslan og góðskan á alifiskinum fekk nógv rós. ...Tað ber næstan ikki til at tosa um Luna uttan at koma inn á søguna hjá felagnum. Fyritøkan, sum spretti úr Fiskavirkinum í Gøtu, og sum hevur so langa stolta siðvenju. Og har persónarnir handan fyritøkuna hava roynt eitt sindur av hvørjum, bæði tá tað gongur í alingini í Føroyum, men eisini tá tað gekk minni væl. Teir hava klárað at stýrt skútuni gjøgnum brotaskerini, og tað er tí væl uppiborið, at Luna verður kosið ársins virki á Vinnudegnum 2012. Dómsnevndin og Føroya Arbeiðsgevarafelag ynskja P/F Luna hjartaliga tillukku við heiðrinum. Tá ársins virki verður kosið, hevur dómsnevndin sjálvandi sínar grundgevingar fyri sínum vali. Á hesum síðum taka vit saman um orsøkirnar til valið av ársins virki seinastu fimm árini Jákup Mørk Vinnudagurin Luna (tkr.) 2013 2012 2011 2010 2009 Bruttovinningur 168.319 51.590 88.834 93.193 33.880 EBITDA 142.997 32.231 71.091 79.957 15.917 ársúrslit 6.893 21.141 47.412 57.032 9.312 Eginogn 228.243 153.719 144.578 112.166 58.133 Fíggjarjavni 342.902 311.877 250.765 193.156 136.394 Soliditetur 67 49 58 58 43 LYKLATØL 2013 Vest Pack Brot úr grundgevingunum: »Felagið hevur, síðan verandi eigarar keyptu og løgdu Vestpack og Farpak saman í 2007, miðvíst arbeitt við at betra rakstur og úrslit. Hetta hevur eisini eydnast til fulnar, hóast marknaðurin tíðum hevur verið heldur turbulentur, kortini er botnlinjan batnað munandi hesi árini. Úrslitini hava við sær, at ognar- og eginpeningsavkastið hjá felagnum er millum tey bestu í Føroyum, og tað hevur rós uppiborið, siga dómararnir. Felagið leggur stóran dent á at røkka settum málum, og sjálvt um tey ikki tosa so nógv um tað í fyritøkuni, er tað hetta, sum skapar úrslitini« Dentur varð eisini lagdur á, at ein týðandi styrki hjá fyritøkuni er, at framleiðslan kann ganga skjótt fyri seg, tá hetta er neyðugt, og at tey við hesum vinna sær avgerandi fyrimunir í kappingini við størri útlendskar fyritøkur. Víðari staðfesti dómsnevndin eisini, at Vest Pack seinnu árini hevur økt um virksemið uttanlands, og at tey nú hava millum fjórðing og fimtapart av sølu sínari uttan fyri Føroyar. »Úrslitini hjá Vest Pack kunnu tæna sum fyrimynd hjá okkum øllum: tað ber til at taka kappingina upp við útlendskar framleiðarar og klára seg væl. Vit eru tí fegin um at kunna ynskja Jóan Magnus Olsen og Áka Olsen frá Vest Pack tillukku við heiðrinum sum Ársins Virki 2013.« Vest Pack (tkr.) 2013 2012 2011 2010 2009 Bruttovinningur 18.163 20.103 14.344 14.628 13.612 EBITDA 10.313 12.603 7.260 7.783 6.837 ársúrslit 6.893 8.723 4.045 4.426 3.147 Eginogn 20.250 18.357 15.634 15.089 12.662 Fíggjarjavni 47.844 45.519 37.428 36.276 36.121 Soliditetur 42 40 42 42 35 LYKLATØL