mánadagur 22. september 2014síða 38

22 nr. 7 I 22. september 2014 Vinnublaðið hjá Miðlahúsinum ogi Bech Jensen, sum starvast á Fróðskaparsetri Føroya, har hann er pro­fessari í orku­ verkfrøði á Náttúru­vísinda­ deildini, samstundis sum hann eisini er professari við Newcastle University í Bretlandi, verður ein av fyri­ lestrar­haldarunum á vinnu­ degnum í ár. Maðurin, sum hevur drúgvar royndir innan vinnugransking, fer at røða um evnið, hvussu lærdir háskúlar kunnu hjálpa vinn­uni við kanningararbeiði og strategiskari vøru­ menning. – Eg fari at røða um hetta evnið við støði í teimum royndum, eg havi gjørt mær í sam­starvi við fyritøkur kring um í Evropa og Asia, sigur Bogi Bech Jensen. Drúgvar altjóða royndir Professarin sigur, at nakrar av fyritøkunum, sum hann hevur samstarvað við og sum hann hevur arbeitt nógv saman við, antin sum konsulentur ella innan gransking eru, Höganäs (Svøríki), Grundfos, Brüel & Kjær Vibro og Dong Energy (Danmark), Toyota (Japan), Envision Energy (Kina) og Siemens (UK og Kanada). Umframt at vera útnevndur professari við Fróðskaparsetur Føroya og á Newcastle University, er Bogi eisini doktari í verkfrøði á Newcastle University. Bogi Bech Jensen er stjóri í menningar­ fyri­tøkuni, Defined Energy, og hann hevur eisini lisið leiðslu á Harvard Business School í USA. Tolin og áhaldandi Tað er eftir, at Bogi flutti heimaftur til Føroya at búgva í vár, at hann hevur tikið við starv­inum á Náttúruvísundadeildini á Fróð­ skapar­setri Føroya. – Í starvinum fáist eg mest við undirvísing og gransking, og her verður eisini nokso nógv planlegging. Alt hetta tekur tíð, men eg eri tolin og áhaldin, og eg eri spentur upp á hesa uppgávu og avbjóðing, sigur pro­fessarin, ið byrjaði sína virknu lívsleið á skips­dekki. Tímdi ikki skúlan Sum barn og ungdómur tímdi Bogi Bech Jensen ikki at ganga í skúla, og tá hann fór til skips, ætlaði hann sær ongantíð í lívinum í skúla aftur. So avgjørdur var 16 ára gamli drongurin í Havn, tá hann hevði lagt níggju ár í Kommunuskúlanum og eitt ár á FHS aftur um seg. Skúlin hevði ikki verið nakað at reypa av. Próvtølini vóru ikki góð, og tað vóru royndir­ nar frá skúlanum heldur ikki. Men, nú skuldi skúlin vera ein farin tíð, og langt um leingi kundu arbeiðslívið og dreym­urin um sjólívið førast út í lívið. Tað skuldi tó vísa seg at ganga heilt øðrvísi, enn ungi havnardrongurin hevði torað at droymt um. Sjómaður í fýra ár Bogi byrjaði sum ungur á dekkinum á flaka­ trol­aranum Ennibergi, og hann var bæði við gomlu og tá nýggju Krúnborg. – Tá eg hevði siglt í eini tvey ár, fór eg á Maskinmeistaraskúla og gjørdist maskinmeistari. Síðan sigldi eg aftur í eini tvey ár, áðrenn eg fór á Maskin­meistara­ skúlan at undirvísa og seinni á Fróð­skapar­ setur Føroya at lesa. Av setrinum fór Bogi Bech Jensen til Newcastle at lesa víðari, og lesturin á læru­ stovn­inum har endaði við, at hann seinni fekk starv sum lektari og undirvísingarleiðari á Newcastle University. – Í 2010 flutti eg til Danmarkar, har eg gjørdist lektari og deildarleiðari hjá DTU, Danmarks Tekniske Universitet, og her var eg til í mars í ár, tá eg flutti heimaftur til Føroya, sigur hann. Vinnudagurin Bogi Bech Jensen heldur, at tað serliga eru royndir hansara innan gransking og menn­ ing hjá eitt nú Toyota, har hann fekst við menn­ing av el-motorum og hjá Siemens-fyri­ tøkuni, sum hava fingið fyrireikararnar av vinnu­degnum at venda sær til hansara um at halda fyri­lesturin. Á vinnudegnum fer professarin í orkuverkfrøði, Bogi Bech Jensen, at røða, hvussu lærdir háskúlar kunnu hjálpa vinnuni við eitt nú kanningararbeiði og strategiskari vørumenning. – Eg trúgvi, at tað serliga eru royndir mínar innan gransking og menning, sum eru orsøkin til, at eg eri biðin at geva eitt íkast á vinnudegnum, sigur Bogi Bech Jensen, professari Vilmund Jacobsen Professarin sum byrjaði á dekkinum á Ennibergi B Vinnudagurin Alt hetta tekur tíð, men eg eri tolin og áhaldin, og eg eri spentur upp á hesa uppgávu og avbjóðing