týsdagur 30. september 2014síða 30

Mikudagur 1. oktober 2014 · Nr. 111 30 Sosialurin Hugskot og viðmerkingar – send sms til 225000 ítróttur fótbóltur Tróndur Arge Føroyar skulu spæla móti Norðurírlandi í Belfast tann 11. oktober og Ungarn tann 14. oktober á Tórsvølli. Í tí sambandið verður landsliðið úttikið í kvøld klokkan átta, eftir at 24. umfar er avgreitt. Seinast tók lands­liðs­ venj­arin 24 spælarar út. Alex Mellemgaard bleiv skaddur og í hansara stað kom Jóan Símun Edmundsson, sum annar var meldaður frá skaddur. Til seinastu landsliðs­út­ tøkuna var B36 serliga væl mannað, meðan Víkingarnir stóu eftir við bara tveimum landsliðsspælarum. Ónøgdir Víkingar Eftir seinastu landsliðs­út­ tøku vóru serliga víkingarnir ónøgdir við at bara tveir av teirra spælarum fingu lands­liðsboð. Umframt Hall Hansson, so fekk Bárður Hansen landsliðsboð á fyrsta sinni. Hóast ein debutant á landsliðnum, so mettu víkingarnir, at teir í Atla Gregersen, Erlingi Jacobsen, Hanusi Jacobsen, Hans Jørgen Djurhuus, Sølva Vatnhamar, Andreas Lava Olsen og Finni Justinussen høvdu uppiborið fleiri enn tvey umboð á landsliðnum. Serliga eru tað úrslitini í Evropa tvey tey farnu ár­ini, sum hava fingið fólk at tosa um fleiri víkingar á lands­ liðnum, tí teir dystirnir eru teir, sum líkjast mest einum lands­dysti fyri føroyska lands­liðið. Hetta eru tí góðir dystir at meta seg eftir. Avrikið móti Finnlandi ikki góðtikið Føroyar vóru á odda, Tórs­ vøllur rungaði og venjararnir tosa um, at landsliðið nú skal spæla fótbólt – við undir­ striku á spæla. Jú, tað var stuttligt at vera á Tórs­vølli so leingi føroyska liðið var í dystinum, men eftir­metingin av dystinum var ikki so góð sum kenslan tað sunnu­ kvøldið. Tað gekk illa hjá føroyska liðnum at verja og spældi Gunnar Nielsen ikki upp til sítt besta, so var Finnland á odda við fleiri málum í fyrra hálvleiki. Føroyska liðið fekk ikki tamarhald á bóltinum og tað var sjáldan at okkara megnaðu at flyta bóltin runt. Christian L. Holst var tó vakin, tá finska verjan spældi hann púra leysan. Annars komu vit heldur ikki til teir stóru møguleikarnar. Vit taptu samanlagt greitt 3-1 fyri einum liðið, sum ikki hevur tær stóru stjørnurnar. Hetta hevur byrt í kjakið um vit eru ov bláoygdir, tá vit halda at vit kunnu spæla upp við hini liðini, held­ur enn at verja og spæla upp á umstillingar. Tað er nak­að, sum Víkingur hevur klárað til UG í Evropa og í steypa­ kapp­ingini. Helst er tað her, at orsøkin til fáu víkingarnar á lands­liðnum skal finnast. Spæli­stílurin passar ikki til nýggja landsliðið. Fleiri fáa møguleikan Tað eru bara tríggir dagar mil­lum dystirnar móti Norður­írlandi og Ungarn. Vit spæla leygarkvøld í Belfast og týs­kvøld á Tórsvølli. Um Lars Olsen hevur lært nakað seinastu tvey árini, so er tað at okkara ikki megna at spæla tveir landsdystir upp á so stutta tíð. Tí verða fleiri broytingar á liðnum frá fyrra dystinum til tann seinna dystin. Hetta merkir so, at fleiri fáa møguleikan hesa­ferð. Vit hava spurt André Olsen og Ólav Larsen, sum eru við í Fótbóltspanelinum, sum er á Rás2 fríggjadag seinna­part, hvørjar broyt­ ingar teir vænta at síggja til lands­liðsúttøkuni. Tað var tí spennandi at fylgja landsliðsúttøku, sum verð­ur beinleiðis á Rás2 miku­kvøldið klokkan 20. trondur@sosialurin.fo Í kvøld verður føroyska A-landsliðið úttikið til dystirnar móti Norðurírlandi og Ungarn. Lars Olsen hevur ikki verið í Føroyum síðani landsdystin móti Finnlandi, men væntandi verður onkur broyting í úttøkuni Fótbóltspanelið vil hava Atla Gregersen á landsliðið Atli aftur á Teir 24, sum vóru úttikinir til landsdystin móti Finnlandi vóru: Málverjar: Gunnar Nielsen, Teitur M. Gestsson og Tórður Thomsen Verjuleikarar: Jónas Tór Næs, Viljormur Davidsen, Jóhan Troest Davidsen, Sonni Ragnar Nattestad, Hørður Askham, Bárður Hansen, Rógvi Baldvinsson, Odmar Færø, Ári Mohr Jónsson og Alex Mellemgaard (Meldaði frá vegna skaða) Miðvallarar: Fróði Benjaminsen, Hallur Hansson, Kaj Leo í Bartalstovu, Brandur H. Olsen, Róaldur Jakobsen, Pól Jóhannus Justinussen, Gilli Sørensen og Christian Lamhauge Holst Framherjar: Páll Klettskarð, Klæmint A. Olsen og Arnbjørn Hansen (Jóan Símun Edmundsson kom við upp á avboð) Fylg landsliðsúttøkuni beinleiðis á Rás2 Mikukvøld 1. oktober kl. 20.00