týsdagur 30. september 2014síða 31

31 Mikudagur 12. februar 2014 · Nr. 18 Sosialurin Hugskot og viðmerkingar – send sms til 225000 Mikudagur 1. oktober 2014 · Nr. 111 ítróttur fótbóltur Inn við Atla Gregersen Rógvi og Kaj Leo á vippuni – Um vit hyggja eftir út­tøk­ uni seinast, so valdi Lars Olsen at taka 3 málverjar, 3 vinstra bakkar, 2 høgra bakkar, 5 miðverjar, 4 sen­tralar miðvallarar, 4 vengur og 3 áleyparar. Alex Mellemgaard fekk ein skaða og Jóan Símun Edmunds­ son kom inn í staðin, so har fór ein vinstri bakkur út og ein áleypari inn. Um vit hyggja eftir hesum tøl­unum og hyggja eftir hvar tað allarhelst er yvir- og undir­ mannað, so er tað allarhelst yvir­mannað í verjuni og undir­mannað á sentrala mið­ vøllinum. Hein Vatnsdal við hesaferð – Eg vænti at Lars fer at taka Heina Vatnsdal út aftur, tí Heini manglaði sum inn­skift­ ari seinast, har hann setti Rógva Baldvinsson inn sum defen­sivan miðvallara. Eisini hava vit sæð, at leik­arar uttan­lands hava havt ein skjótari veg framat á lands­ lið­num, so tað er kanska ikki óhugs­andi at Karl A. Løkin kann vera uppá tal til tann verjukenda miðvøllin. Hann hevur ikki spælt tað stóra í Næstved vegna skaða, so tað er ikki sannførandi til hesa út­tøkuna. Jóan Símun verður við – Síðani vænti eg, at Jóan Símun Edmundsson verður við í staðin fyri Alex Mellem­ gaard. Síðani er spurningurin hvussu umfatandi skaðin hjá Odmari Færø er, og um tað verður Jóhan T. Davidsen, Hørður Askham, Rógvi Baldvins­son ella onkur heilt annar ið tekur plássi í mið­verjuni saman við Sonna Ragnari Nattestad. Sonni Ragnar var ivasamur seinast, og tí vænti eg at tað er grund­gev­ingin fyri at so nógvir miðverjar vóru út­ tiknir seinast. So er tað tann seinasti brikk­urin sum er ringur at svara uppá, og tað er; um 23 leikarar skulu takast út, og hini tingini omanfyri skulu ganga upp, so má ein vongur ella ein áleypari detta út afturat og tað verður Kaj Leo í Bartalsstovu, Pól Jóhannus Justinussen, Klæmint A. Olsen ella Arnbjørn T. Hansen. Eg vænti tað verður ein áleyp­ari sum verður offraður. Atli Gregersen manglaði seinast – Fyrst og fremst haldi eg, at Atli Gregersen manglar í mið­verjuni. Hann er ikki skjót­asti leikari í Føroyum, men hann er ein leiðari við nógvum royndum og hevur góðan bóltførleika, vinnur tað mesta í luftspælinum og er eisini sera klókur. Eg dugi ikki at síggja hvussu hann hevur spælt seg av lands­ lið­num, og hevði verið ein per­fektur makkari til unga Sonna Ragnar Nattestad. – Ein verjukendur mið­ vall­ari manglar afturat og har nevndi eg møguleikar sum Heina Vatnsdal og Karl A. Løkin. Síðani sakni eg fleiri leikarar á bonkinum, sum kunnu koma inn og skapa okkurt sjálvir teir seinastu 10, 15 ella 20 minuttirnar, tá vit hava brúk fyri einum málið ella fyri at forstýra mót­støðu­liðini tað seinastu løtuna. – Har eiga vit leikarar sum Kristin R. Mouritsen, Dánjal á Lakjuni, Levi Hanssen og Andreas Lava Olsen (sum er skaddur í løtuni). Kristin og Dánjal eru báðir ein marra fyri eina verju, tí tú veitst ongantíð hvat teir finna uppá og báðir hava speed. Levi Hanssen leverar altíð til stórar dystir og Andreas Lava Olsen kann oyðileggja eina og hvørja verju við sínum fysikki og sínum óortudoksa spælistílið. Vit mangla X-Faktor á liðnum og tað hava allir hasir fýra. landsliðið Vit tippa hesa landsliðsúttøkuna: Málverjar: Gunnar Nielsen, Teitur M. Gestsson og Tórður Thomsen Høgri bakkar: Jónas Tór Næs og Bárður Hansen Vinstri bakkar: Viljormur Davidsen og Ári Mohr Jónsson Miðverjar: Jóhan Troest Davidsen, Sonni Ragnar Nattestad, Rógvi Baldvinsson og Odmar Færø ella Hørður Askham (um Odmar er skaddur, verður Hørður við) Miðja: Fróði Benjaminsen, Hallur Hansson, Brandur H. Olsen, Róaldur Jakobsen og Heini Vatnsdal Vengur: Pól Jóhannus Justinussen, Gilli Sørensen, Kaj Leo í Bartalstovu og Christian Lamhauge Holst Framherjar: Páll Klettskarð, Jóan Símun Edmundsson og Klæmint A. Olsen ella Arnbjørn Hansen Ólavur Larsen VIT TIPPA André Olsen VIT TIPPA – Trúgvi at vit koma at síggja onkrar broytingar í mun til seinasta dyst. Hugs­andi er, at ein nýggj­ ur verjuleikari og at ein nýggjur miðvallarleikari verða úttiknir. Orsøkin til tað, er tí at dysturin móti Finnlandi ikki eydnaðist heilt so væl sum væntað frammanundan. Verjukendur miðvallari manglar Dugi at ímynda mær at hann velur eina meira verju­kenda miðvallara­ typu saman við Fróða Benjamin­sen á sentrala mið­vøll­inum, og til tað eru fleiri boð. Heini Vatnsdal, Sølvi Vatnhamar, Klæmint Matras, Hans Jørgen Djur­huus og Karl Løkin eru allir góð boð. Har­afturat er eitt ann­að boð at geva unga Brandi Hendriks­son Olsen møgu­ leikan á mið­vøll­inum. Hann taldist mill­um bestu leikararnar á U-21 lands­ lið­num, sum fyri góðum mánaða síðani vann 1-0 móti Montenegro. Tíverri taldist Lars Olsen tó ikki mill­um áskoðararnar tá. Atli Gregersen við Harafturat vænti eg at hann tekur ein stýrandi mið­verja út eisini. Atli Gregersen úr Víkingi hevur góðar royndir at visa á fyrr í summar, so hann er besta boðið av teimum, ið ikki eru í hóp­ inum í løtuni. Eg trúgvi at tað verða tríggir leikarar, ið glíða út úr hópinum í mun til seinast. Av tí at ein royndur verjuleikari helst kemur inn, verður tað helst Hørður Askham, ið glíður út úr miðverjuni. Harafturat vænti eg at Alex Mellemgaard verð­ur valdur frá, av tí at landsliðsvenjarin frammanundan hevur tveir vinstra bakkar at ráða yvir. Rógvi og Kaj Leo á vippuni – Tað seinasta plássið er tó torført at gita um, tí allarhelst verður Jóan Símun Edmundsson tik­ in út til hópin hesa ferð. Hann kom við sein­ast, av tí at Alex Mellem­ gaard gjørdist skaddur. Eg trúgvi at teir, ið eru mest á vippuni til sein­ asta plássið eru Rógvi Baldvins­son og Kaj Leo í Bartals­stovu. Orsøkin til tað, er at vit í Føroyum kenna illa til støðið í trið­ bestu norsku deildini. – Aðrir leikarar, ið kunnu koma uppá tal til lands­liðið eru eisini Finnur Justinus­sen og Árni Fredriks­berg, ið báðir hava havt gott kapp­ingar­ ár í Effo-deildini. Fótbóltspanelið hjá Rás2 vil hava Víkinga liðskiparan, Atla Gregersen, aftur á føroyska landsliðið Myndir: Álvur Haraldsen