hósdagur 2. oktober 2014síða 8

Fríggjadagur 3. oktober 2014 · Nr. 112 8 Sosialurin Hugskot og viðmerkingar – send sms til 225000 tíðindi Jón Brian Hvidtfeldt Argumentini fyri nýggja Sjó­vinnu­ húsinum hjá Tórshavnar Kommu­ nu broytast alsamt. Hálvan august sam­tykti Tórshavnar Býráð at brúka 73,9 milliónir krónur afturat til at umvæla gomlu Saltsøluna á Vestaru Bryggju í Havn. Tær stív­liga 74 almennu milliónirnar koma omaná aðrar 20 milliónir, sum Tórshavnar Kommuna longu hevur brúkt til at umvæla bygn­ ing­in. Sambært almennu frá­greið­ ingini hjá Tórshavnar Kommunu er enda­málið við íløguni at ”stimbra og menna vinnulívið.” Kommunan vísir á, at við nýumvælda bygn­ ing­in­um á Vestaru bryggju ”gev­ur kommunan sjóvinnuni møgu­leika at húsast undir somu lon. Karm­ ar­nir verða framúr góð­ir. Har­við leggur Tórshavnar Kommu­na lunn­ar undir eitt virkið og vakið vinnu­lív.” Víðari førir kommunan fram, at Sjóvinnuhúsið kann brúk­ast til eitt nú oljuvinnu, off­shore, umsiting og menning av virðis­ øk­ing og marknaðarføring av fiska­vørum, havtøkni, hav­kann­ ing­um, reiðaravirksemi, lív­tøkni, sjóvinnuráðgeving, aling og gransking, kt-menning til sjó­vinnu, íverksetan og ymiskt skeiðs­virk­ semi innan sama økið. Almenna umrøðan av málinum fekk í august Kommunala Eftir­ litið til at biðja Tórshavnar Kom­ munu um eina frágreiðing í máli­ num. Eftirlitið vildi fáa greiðu á, í hvønn mun íløgan tænir einum kommunalum endamáli. Og nú fær pípan eftir øllum at døma eitt annað ljóð. Argumentið Á fýra síðu drúgvari frágreiðing til Kommunala Eftirlitið, dagfest 22. sep­tem­ber, greiðir kommunan frá síni ætlan við Sjóvinnuhúsinum. Kommunan vísir á, at hon afturi í 1994 keypti bygningin frá einum trotabúgvi fyri 1,5 millión krónur. Endamálið við keypi­ num var at tryggja sær, at onk­ur annar ikki fór avstað við bygn­ inginum og møguliga fór at brúka hann til annað endamál enn tað, sum kommunan ynskir skal vera á havnalagnum. Hesi 20 árini hevur kommunan lut­víst brúkt bygningin til verkstað, smiðju, goymslu og starvs­fólka­høli hjá nøkrum av starvs­fólku­num hjá Tórshavnar Havn. Somu­leiðis er ein partur av bygninginum leigaður út til nakrar vinnu­ fyritøkur. Víðari vísir Tórshavnar Kommu­na á, at øll hesi árini er lítið gjørt við bygningin. Tí ásann­aði kommunan, afturi í 2012, at okkurt mátti gerast við bygningin, skuldi hann ikki fara fyri skeyti. Um­væl­ ingar­arbeiði fór í gongd, fyrst og fremst uttan, og takið varð skift og nýggj­ur sonevndur klima­skerm­ur varð settur á fasadurnar. Ar­beiðið varð liðugt á heyst í fjør. Um somu tíð leggur Tórshavnar Havn á tíðindafundi fram stór­ slign­ar ætlanir við nýggja Vinnu­ húsi­num á Vestaru Vág, sum gamli bygningurin hjá Saltsøluni skal brúkast til. Hesar ætlanir eru seinni ítøkiliggjørdar undir navni­ num Sjóvinnuhúsið. Eftir hesi ætlan, ið varð løgd fram á tíðindafundi í august í fjør, hevur Tórshavnar Kommuna síða­ni sett pengar av til at umvæla bygn­ingin innan. Sum nevnt er higar­til talan um 74 milliónir krón­ur, ið koma oman á tær longu brúktu 20 milliónirnar. Frágreiðingin til Kommunala Eftir­litið hevur tó eitt heilt annað fokus. Kommunan vísir á, at tað er ein natúrligur partur av kommu­ nala virkseminum at røkja og viðlíkahalda egnar ognir. Víðari verður víst á, at tað var neyðugt at umvæla bygningin innan, soleiðis at hann kann nýtast soleiðis, sum hann altíð hevur verið nýttur. Løg­deildin hjá kommununi skriv­ ar beinleiðis í frágreiðingini til Kommunala Eftirlitið, at ”tað kommunala endamálið við um­væl­ ing­ini er sostatt fyrst og fremst, at kommunan við­líka­held­ur ein bygning, sum annars vildi farið fyri skeyti við tí virðismissi fyri kommunu­kassan, sum hetta hevði havt við sær.” Sagt við øðrum orðum, so er høvuðs­argumentið fyri kom­mu­ na­lu íløguni á higartil 94 milliónir krónur, at tað er neyðugt fyri at forða fyri, at kom­mu­na­la ognin fer fyri skeyti. Ein kommunal ogn, ið sambært kommununi sjálvari varð keypt frá einum trotabúgvi fyri 1,5 millión krónur. Alternativið Í frágreiðingini til Kommunala Eftir­litið vísir Tórshavnar Kom­mu­ n­a á týdningin av at kommunan sjálv hevur tamarhald á, hvat virk­semi fer fram við havnalagið. Tað hevur týdning, at virksemið í bygningum á havnalagnum sam­ svar­ar við almennar ásetingar um virksemi á havnalagnum, argu­ men­ter­ar kommunan. Sambært kommununi er tí ikki skilagott at selja gamla saltsølubygningin, sum kommun­ an keypti í 1994. Tí verður bygn­ ing­urin seldur, so fylgir lendið und­ir bygninginum við. Og tá kann kommunan við tíðini missa tamar­haldið á økinum, til dømis um keyparin einaferð í framtíðini velur at brúka økið til okkurt ann­ að. Henda eitt sindur fastlæsta støða verður váttað á Um­hvørvis­ stovuni, sum millum ann­að um­sit­ ur matrikulering og ting­lýs­ing. – Yvirskipað kanst tú siga, at tað ber ikki til at selja ein bygning, uttan at undirlendið fylgir við, sig­ur Petur Nielsen, stjóri á Um­ hvørvis­stovuni. Hann dugir tó ikki at svara, hvørt tað kann hava nakran týdn­ ing fyri málið, at kommunan fyri 20 árum sjálv keypti bygningin, sum tá stóð á eini leigugrund hjá Tórs­havnar Kommunu. Henda støðan, har kommunan av tinglýsingarávum ikki kann selja bygningin og varðveita lend­ ið undir bygninginum, verður í frágreiðingini til Kommunala Eftirlitið brúkt sum argument fyri 100 mió eftir 1.5 mió Alment sigur Tórshavnar Kommuna seg vilja skapa bestu karmar til maritima vinnulívið. Mótvegis kommunala eftirlitinum brúkar kommunan argumentið um viðlíkahald. Triði møguleikin, sum annars verður brúktur til tað mesta av vinnuligum virksemi á havnaøki, verður ikki tikin upp á tungu. Rokningin til skattaborgarar í Havn táttar í 100 milliónir Hetta trotabúgvið, sum Tórshavnar Kommuna keypti fyri 1,5 millión krónur í 1994, skal nú umvælast fyri 94 milliónir. Sambært kommununi er orsøkin fyrst og fremst at viðlíkahalda ein bygning, sum annars vildi farið fyri skeyti