mánadagur 6. oktober 2014síða 24

Mánadagur 6. oktober 2014 · Nr. 113 24 Sosialurin Hugskot og viðmerkingar – send sms til 225000 ítróttur fótbóltur Fýra tey fremstu løgdu hesa ferð sjógv millum seg og hini, og hóast HB enn eina ferð vann sannførandi sigur, so kennist vónin vera horvin um, at tað skal eydnast at fáa fatur á B36, sum fyri níggjundu ferð fór av vølliunum við fullari úrtøku eftir tepran sigur gullið á Svangaskarði Jóannes Hansen Tað er bæði hugaligt og strevið at halda við B36. Tá ið 20. umfar var av, segði støðu­ talvan, at tað vóru sjey stig aftur til næsta av­bjóð­aran, og harvið var møgu­leiki fyri, at FM heitið skuldi koma til høldar í gjár. Síðani vunnu bæði KÍ og Víkingu í Gunda­ dali, og harvið minkaði mun­ urin til fýra stig aftur til HB, sum kiksaði í Klaksvík. Ampin hjá teimum í B36 leguni hevur í heyst verið, at B36 skuldi kiksa eina ferð aftrat, og at tað harvið á síðsta leikdegi skuldi enda við rimmar finalu millum grannafeløgini í Gundadali. Eftir at hava verið topplið mest sum alt árið hevði tað kenst vera total eyðmýking á málstrikuni at mist gullið til argasta kappingarneytan. Hóast B36 í heyst aftur og aftur og aftur í gjár hevur spælt við eld, so sigur støðu­ talvan undan næst­síðsta um­fari, at sannlíkið er sera stórt fyri, at tey í B36, sum hava nervar at fara saman við sínum spælarum inn á Toftir annan sunnudag, fáa høvi at vera eygnavitni til, at teirra felag fer at vinna FM fyri tíggjundu ferð. Í gjár vann B36 1-0 á EB/ Streymi. Hetta var níggjunda ferðin í ár, at talan var um B36 sigur við einum máli. Undanfarnu tvær ferðir­nar hevur oddaliðið reist seg á útivølli, eftir at mótstøðu­ liðini hava verið framman­ fyri. Hesa ferð legði Lukasz Cieslewicz, sum fýra tey sein­astu árini hevur verið lykla­spælari, B36 framum ímóti EB/Streymi. At vinna sann­førandi 1-0 sigur ljóðar at vera ikki sørt í andsøgn við seg sjálvt. Men tað vóru møguleikar til væl størri sigur. Tá ið so B36 ikki tók av, og Arnbjørn Hansen var í hinum endanum, so lúrdi møgu­leikin fyri útjavnandi mál­inum og harvið rimmar finalu á síðsta leikdegi. Í B36 skýlinum var fjáltur, og lættin kendist vera ógvu­ liga stórur, tá ið dóm­arin bríkslaði fyri síðstu ferð. 1-0 sigur, fýra stig aftur til HB og á næstsíðsta leik­degi útidystur á Svanga­skarði ímóti longu niður­flutta B68 sær ikki so galið út! Av­bjóð­ ingin hevur seinastu nógvu vikur­nar verið at fokusera á næstu upp­gávuna. Tann av­ bjóð­ingin verður ikki minni næstu dagarnar, tí tað er rættiligur FM fepur í B36 leguni. Andrew í hopla HB hevur í alt heyst hildið press­ið á grannunum, og aftur í gjár vann HB. Hesa ferð var tað á útivølli ímóti AB, sum undan steðginum legði seg framum. Miðskeiðis í 1. hálvleiki legði Jobin Drangastein AB fram­um, og heimaleiðslan helt sær í ein tíma: – Fyrr í summar vunnu vit ímóti HB í Gundadali, og leiðslu­málið gav okkum mót um, at tað skuldi eydnast eina ferð aftrat. Vit arbeiddu hart og nógv, og pressspælið riggaði. Í 2. hálvleiki setti HB okkum undir ógvusligt trýst. Vit megnaðu at standa ímóti í tjúgu minuttir, men so gekk orkan undan. Teir vunnu alt fleiri næstdystir, og tað var trupult hjá okkum at koma aftur í verjustøðu, sigur Jobin Drangastein. Andrew av Fløtum var stóri maðurin á HB lið­num. Í smáar tjúgu min­uttir var hann tríggjar ferðir á blett­ inum í AB brots­teig­inum, og harvið skoraði hann reint hattrikk. 35 ára gamli veteranurin er framvegis álitið í fram­ rættaða partinum. Ein av teimum, sum hevur víst, at hann kann lyfta arvin, er Kristin R. Mouritsen. Hann var millum liðfelagarnar í gjár, men Kristin er á veg av land­inum í útbúgv­ ingar­ørindum, og tí verður hann neyvan at síggja í HB troyggj­uni næsta kapp­ ingarár. Kristin segði soleiðis eftir 3-1 sigurin á AB: – Hóast teir í 1. hálvleiki pressaðu okkum, so høvdu vit møguleikar. Eftir steðgin hildu vit fram at dríva á, og tá spældu vit okkum til nógvar møguleikar. Tað tók sína tíð, áðrenn vit fingu hol á, men vit vístu góðan hug­ burð, og tað gav úrslit. At tað var Andrew, sum skoraði tríggjar ferðir, talar fyri seg. Hann er ein fínur spælari, og hann hevu framvegis mál­tev. Hvussu langt hesin sigurin ber okkum, fer tíðin at vísa. Vit kunnu ikki gera annað enn at savna okkum um tað, sum vit hava ávirkan á. Næstu ferð verður tað ímóti NSÍ, og tað verður stór avbjóðing, meðan tað á pappírinum sær lættari út hjá B36, sum skal inn á Toftir. Vit vóna sjálvandi, at FM heitið verður avgjørt í finalu ímóti B36! Hóast tapið ímóti HB so varð tað í gjár staðfest, at AB eisini næsta kappingarár verður í bestu deildini. Hetta verður fyrsta ferðin yvir­ høvur, at argjamenn vera við í fremstu røð í trý ár á rað: – Undan kappingarbyrjan ætlaðu vit okkum at kappast longri frammi, men nú tað lagaði seg soleiðis, sum tað gjørdi, so eru vit nøgdir. Vit hava framvegis møguleika at fáa fatur á ÍF, og tað fara vit at arbeiða fyri næstu vik­urnar, segði Jobin Drangastein. Klæmint vann á Pálli Í vindinum við Løkin kapp­ aðust NSÍ og KÍ um fjórða plássið og harvið rættin til europeiska luttøku. NSÍ vann 2-0, og harvið skal nógv venda øðrvísi eftir kapp­ingarenda, enn tað ger nú, um NSÍ skal missa fjórða plássið. Mikukvøldið gav Lars Olsen Páll A. Klettskarði lands­liðsboð, meðan tað hesa ferð ikki var pláss fyri Klæminti A. Olsen. Í gjár vóru teir báðir á vøllinum, og tað var avgerandi i leingi tøttu uppgerðini, at Klæmint gagnnýtti sín møguleika, og at Páll ikki gagnnýtti sínar møguleikar, og haraftrat varð skrásettur fyri sjálvmál, eftir at Klæmint royndi seg við frísparki úr átjan metrum. Ein hálvur tími var farin, tá ið Páll varð skrásettur fyri sjálvmálið. Klæmint smekk­aði til, og bólturin tók í KÍ spælaran og snýtti Meinhardt Joensen í KÍ mál­inum. Frammanundan hevði Páll eftir innlegg frá Hjalgrími Elttør úr vinstru havt tveir stórar møguleikar, men bólturin fór við síðuna av málinum hjá Andras Gango. Hóast teir høvdu vindin ímóti, so sá tað út til, at klaksvíkingar fyrstu løtuna eftir steðgin høvdu tak á, men tað gekk, sum tað hevur gjørt hvørja ferð í ár, tá ið KÍ hevur verið aftan­ fyri. Tað eydnaðist ikki at venda gongdini til sigur, og sum 2. hálvleikur leið varð NSÍ greitt omaná. Eftir fram­ legging frá Andy Olsen var vrakaði lands­liðs­spæl­arin og toppskjúttin í Effo-deild­ ini Klæmint A. Olsen á blett­ inum, tá ið hann stútaði til 2-0. NSÍ hevði fleiri aðrar stórar møguleikar, men Mein­ hardt Joensen var stinnur. – Fyrsta tíman var tað javnt, men vit tóku ikki av, og so vórðu vit sektaðir, stað­festir KÍ venjarin Eyðun Klakstein. – Teir høvdu bóltin nógv í fyrra hálvleiki, men tað var avgerandi, at vit skoraðu. Eftir steðgin rokeraðu vit á mið­vøllinum, og at enda kundi sigurin verði uppaftur størri, var viðmerkingin hjá væl nøgda Trygva Morten­ sen, sum fyri aðru ferð á rað sá sínar menn vinna á øðrum liði enn einum av trimum teimum niðastu. – Nú eru bæði NSÍ og EB/ Streymur frammanfyri okk­ um í kappingini um fjórða plássið, men vit hava fram­ vegis møgu­leikan, og eg rokni við, at hetta verður ikki av­gjørt fyrr enn á síðsta leik­ degi, sigur Eyðun Klakstein. Allan Enghamar HB-fjeppari Klassamunur allan vegin í gjøgnum. Bert óheld og kleyvarskapur at HB ikki skorar fyrr í dystinum og fleiri mál. Vit koyra á so leingi vit hava møguleika á røkka meistara­ heitinum dreingir, kom nú! fjeppara sms Bárður Olsen AB-fjeppari vit vòru tad betra lidid í fyrra hàlvleiki og førdu vid 1-0 HB sòdu ikki út til at stríđast fyri FM. Seinni hàlvleikur kom eitt nýtt HB liđ à vøllin og var so at siga eitt stòrt press á okkara mál, ikki nògv at gera men vit hava gjørt okkara fyri framhaldandi luttøku í bestu deildini. Gott kempa dreingir! fjeppara sms Kristian Joensen KÍ-fjeppari So bleiv ei heldur nakað Europa Cup pláss til okkum komandi ár. Ordiliga keðiligt, men vit koma sterkt aftur fjeppara sms Nú liggur John Andersen NSÍ-fjeppari Fantastiskt at fáa 3 stig í dag.. Og hini úrslitini lagaðu seg til okkara fyrimun. Nú eru vit 3 stig frammanfyri liðið á 5. plássið... Latum okkum fáa hatta evropa cup plássið í hús!!! fjeppara sms