týsdagur 7. oktober 2014síða 30

Mikudagur 8. oktober 2014 · Nr. 114 30 Sosialurin Hugskot og viðmerkingar – send sms til 225000 ítróttur fótbóltur fótbóltur Oktober og fótbólturin eru ikki vinir Jóannes Hansen Sunnudagin var triði síðsta umfar í landskappingini. Hetta viku­skiftið hevur lands­kapp­ingin frí. Tað kemst av, at Føroyar leygar­ dagin skulu spæla lands­dyst í Belfast, og at Føroyar týs­ dagin í næstu viku á Tórsvølli fáa vitjan av Ungarn. Annað vikuskifti verður næstsíðsta umfar, og leygar­ dagin 25. oktober verður punktum sett fyri hetta kapp­ingarárið. At spæla fótbólt í Før­ oy­um í oktober riggar ikki. Hetta hevur ofta verið at hoyrt, og eftir illveðurs­um­ farið síðsta sunnudag vóru teir fleiri, sum enn eina ferð mintu á, at meðan fót­bólts­ líkindini í september oftast eru av teimum bestu, so er tað heilt øðrvísi, tá ið tað 23. september er farið um heystjavndøgur, og mikkjals­ messa, 29. september, er farin afturum. Tveir av teimum, sum høvdu hetta frammi í viku­ skift­inum, hava verið við í mong ár og vita tískil av roynd­um, hvat teir tosa um. Annar teirra er ÍF veteran­ urin Bartal Eliasen, sum harm­aðist um, at avgerandi um­før skulu vera í so vána­ ligum umstøðum, eftir at ÍF sunnudagin tapti 5-0 á úti­ vølli ímóti Víkingi. Í 3-2 sendingini segði hann: – Umstøðurnar vóru sjálv­ andi tær somu hjá Víkingi og okkum, og eingin ivi var um, at Víkingur var nógv tað betra liðið. Men tað er harmu­ligt, at tað heldur enn fót­bóltsspælið er veðrið, sum ger av, hvat fyri slag av dysti talan verður um. Saknar forum Í ítróttarsendingini 3. hálv­ leikur á Rás2 sunnu­kvøldið var B68 venjarin Jógvan Martin Olsen inni á tí sama: – Mær leingist eftir møgu­leikanum saman við ábyrgdar­persónum kring landið at vera við til at við­ gera, hvussu vit síggja upp á tingini, og hvat vit halda kundi verið betri. Eftir kapp­ ingar­lok er á hvørjum ári eftir­met­ingar­fundur, men tá er eingin møgu­leiki at viðgera yvir­skipaðu treytir­ nar. Fundurin er í tveir tímar, og tá ið umboð fyri FSF skulu hava 3-4 framløgur, so sigur tað seg sjálvt, at tað ikki er høvi gjølla at viðgera nakað. Hví kemur tú við hesum sjónarmiðnum júst nú? – Hetta varð borið fram í sambandi við eftirmetingina av dystinum á Skála, har vit í B68 vitjaðu, og har tað endaði 1-1. Bæði liðini eru flutt niður, so spenningurin var eingin. Men tað er hugkveikjandi at síggja, at tað til dyst í bestu deildini eru 20-30 áskoðarar. Samstundis spældu NSÍ og KÍ avgerandi dyst um fjórða plássið við Løkin. Tá ið man veit, hvussu stórur áhugin fyri hesum liðunum er, so var tað veðrið, ið var orsøk til, at tað vóru lutfalsliga fáir áskoðarar. Eg skilji tað væl, tí veðrið var so vánaligt, og tað ber aftur spurningin við sær, um vit í Føroyum skulu spæla í landskappingini í oktober. Møguleikar Jógvan Martin Olsen heldur, at tað hevði verið gagnligt, um FSF og føroyskur fót­ bólt­ur góvu sær stundir at enda­venda spurninginum, hvussu stór besta deildin skal vera, og hvussu nógvum um­førum tað er pláss fyri. – Síðani 1988 hava tað ver­ ið tíggju lið í fremstu deild­ ini. Nógvu tey fyrstu árini spældu tey tvær ferðir ímóti hvørjum øðrum, og harvið vóru tað átjan umfør. Í 2005 varð hetta broytt, og síðani hevur kappingin verið 27 um­før. Liðini hava dystast tríggjar ferðir ímóti hvørjum øðrum. Hvussu heldur tú, at kapp­ingin skuldi sæð út? – Eg havi ikki nakað enda­ ligt boð upp á tað. Mær hevði dámað væl at fingið møgu­ leikan saman við øðrum at við­gjørt tann spurningin. Eitt nú um tað skulu vera átta lið í bestu deildini ella um tað skulu vera tólv lið í bestu deildini, ella um vit skulu halda fram við tíggju liðum. Spurningurin er eis­ ini, um liðini skulu hitt­ast tríggjar ferðir, ella um tey skulu hittast tvær ferðir ella kanska fýra ferðir. Møgu­ leik­arnir eru nógvir. Bartal nevndi í 3-2, at hann hevði einki ímóti at spæla bæði mitt í viku og í vikuskiftinum, tá ið tað er ljóst og veðrið oftast er gott. Eg skilji hann væl, tí uttan mun til hvussu deildin verður skipað, so vísa royndirnar, at tað er ikki heppið at spæla fótbólt í Føroyum í oktobar. Nýggjar tíðir Jógvan Martin Olsen var hjálpar­venjari á landsliðnum hjá fyrst Allani Simonsen og síðani Henrik Larsen. Teir vóru báðir heitir talsmenn fyri, at føroyska fótbóltsárið varð longt soleiðis, at dystar­ venjingin var betri, tá ið lands­liðið spældi í oktober og november og í mars og apríl. Seinni var Jógvan Martin Olsen sjálvur lands­ liðs­venjari. Eru viðurskiftini ikki tey somu nú, sum tey vóru, tá ið tit vildu hava kappingina longda og fegnaðust um tað, tá ið hetta varð gjørt í 2005? – Sjálvandi kenni eg væl hasa søguna, tí eg var sjálvur partur av henni. Men umstøðurnar eru heilt øðr­vísi nú, enn tær vóru, tá ið Allan Simonsen tók við sum venjari fyri tjúgu árum síðani, og sum tær eisini vóru fyri tíggju árum síðani, tá ið avgerðin varð tikin at leingja um kappingina. Tá var tað soleiðis, at fótbólturin lá so at siga bakk frá kappingarenda í september og fram til síðst í januar ella fyrst í februar, tá ið feløgini aftur fóru at fyrireika seg til eitt nýtt kappingarár. Nú venja flestu feløgini størsta partin av árinum. Eftir kappingarlok er stuttur steðgur, men longu í november verður nógv gjørt við eitt nú styrkis­ venjing, sigur Jógvan Martin Olsen. Nú fluttu tit í B68 niður. Dugir tú ikki at ímynda tær møguleikan, at tað fer at verða sagt, at tú vilt broyta kappingina, so hon fer at fevna um tólv feløg, og B68 harvið varðveitir plássið í bestu deildini? – Kanska onkur fer at siga soleiðis, men hetta hevur nógv størri týdning enn so. Eg havi verið venjari í tjúgu ár,og frammanundan spældi eg í nógv ár. Mínar royndir siga mær, at tá ið vit koma inn í oktober, so fer lívið í annað gir ella tað fær annað fokus. Áhugin fyri at venja og spæla fótbólt minkar, tí fjall og fletting fylla meiri, og tað kennist sera lítið moti­ver­ andi, tá ið kappingin liggur still i fyrst tríggjar vikur og so aftur tvær vikur, tá ið vit eru komin so langt út á árið. Soleiðis er tað í hvussu so er úti á bygd, og tað eru jú bygdirnar, sum manna nógv tey flestu plássini á liðunum í bestu deildini – bæði á bygd og í bý! Jógvan Martin Olsen leingist eftir møguleikanum hjá ábyrgdarpersónum at fáa góðar stundir at viðgera framtíðar karmarnar kring føroyska fótbóltin – Mær hevði dámað væl at fingið møguleikan saman við øðrum at viðgjørt tann spurningin. Eitt nú um tað skulu vera átta ella tólv lið í bestu deildini, ella um vit skulu halda fram við tíggju liðum, sigur Jógvan Martin Olsen Mynd: Álvur Haraldsen