týsdagur 14. oktober 2014síða 40

Mikudagur 15. oktober 2014 · Nr. 117 12 Sosialurin Føroysk framleiðsla Gongur væl hjá Bakkafrost Gamla kassa­ virkið er tikið niður og nýggja sett upp, og um ein mánað verður farið undir nýggja, stóra kryvji- og portiónsvirkið, og tilsamans verður talan um 20.000 fer­metrar Leo Poulsen Tað gongur væl hjá Bakkafrost. Ikki bert í alingini, men saniliga eisini í stóru verkætlanini, sum um­ fatar kryvjing og liðug­vøru­fram­ leiðslu hjá felagnum. – Gamla kassavirkið á Glyvrum er tikið niður, og tað nýggja bygt upp. Vit eru eisini farnir undir fram­ leiðslu i nýggja virkinum, hóast tað ikki er heilt liðugt. Tað gongur helst ein mánaður, áðrenn tað er heilt liðugt, sigur Regin Jacobsen, stjóri á Bakkafrost. Talan er um eina stóra og um­ fatandi verkætlan, sum Bakkafrost nú er farið í holt við. – Tað snýr seg í veruleikanum um at savna sjey eindir saman í eina, og hon verður á Glyvrum, sigur Regin Jacobsen. Sum er í dag hava teir kassavirkir á Glyvrum og á Argjum, kryvjingin fer fram í Klaksvík, Kollafirði og á Strondum, og portiónsframleiðslan gongur fyri seg á Glyvrum og í Fuglafirði. – Allar hesar eindir skulu savnast á einum stað, nevniliga á Glyvrum, sigur Regin Jacobsen. Um ein mánað ella so verður farið undir at byggja stóra virkið, og verður samlaða framleiðsluøkið tá tilsamans 20.000 fermetrar til stødd­ar. – Tá skuldi verið klárt at farið undir at stoypa soklar og funda­ mentir, og vit rokna við, at á vári 2015 verður at tekja bygningin. So verður roknað við, at fyrra byggistig stendur klárt at taka i nýtslu á vári 2016, sigur Regin Jacobsen. Tá verður so klárt at fara undir annað byggistig, sum umfatar maskinur og annað í sambandi við portiónsframleiðsluna. – Alt skuldi so verið liðugt seinna­partin av 2016, sigur Regin Ja­cob­sen. Flaggdagin 2015 Eitt annað, sum liggur í kortunum, er nýggi stóri brunnbáturin, sum verður bygdur í Turkalandi. – Hann skal eftir ætlan verða klárur flaggdagin, 25. apríl, komandi ár. Tá skal hann leverast og tá verður hann fullkomiliga liðugur, so tað bara verður at sigla hann heim, sigur Regin Jacobsen. Og nýggi brunnbáturin verður stórur. – Hann verður sum nýggju upp­ sjóvarskipini, og hann fer at kunna taka 450 tons av laksi, sum er nógva ferðir meiri, enn bátarnir hjá okkum taka í dag, sigur Regin Jacobsen. Hann sigur, at ætlanin er at royna at avlúsa fisk við feskvatni í nýggja brunnbátinum . – Í løtuni verður vatnbrunnur bygdur til sóttreinsað vatn, sum skjótt og lætt kann fyllast í nýggja brunnbátin, ið so kann avlúsa fiskin í feskvatni.. sigur Regin Jacobsen. Virkar hetta væl, er ætlani at byggja fleiri tangar, sum taka eini 4-5.000 tons av vatni, sum síðani verður sóttreinsað. – Tað verður annars nýtt so ógvuliga nógv ymisk kemikaliir, eitt nú brint yvir ilt, til at avlúsa við, men feskt vatn er jú tað besta – um hetta virkar væl, sigur Regin Jacobsen. Nýggi brunnbáturin er ógvuliga framkomin. – Hann fær resirkulerað vatnið, eins og smoltstøðirnar kunnu, og tað merkir, at hann fiskatrivnaður og góðska verður enn betri, sigur Regin Jacobsen. Á heysti í 2016 verður so kryvj­ ing og liðugvøruframleiðsla hjá Bakkafrost at vera savnað á einum stað á landi, og tað fer at tryggja kappingarføri hjá felagnum fram­ yvir. – Tað er nakað, vit síggja fram til, sigur Regin Jacobsen, stjóri á Bakkafrost. Nýggi brunnbáturin, Hans á Bakka, verður 10 ferðir størri enn vanligu brunnbátarnir í dag; til støddar sum nýggju uppsjóvarskipini Bygningurin longst til vinstru er nýggja kassaverkstøðin, sum nú verður klødd uttan. Og soleiðis fer at síggja út, tá alt arbeiðið er liðigt á Glyvrum.