hósdagur 16. oktober 2014síða 17

17 Fríggjadagur 17. oktober 2014 · Nr. 118 Sosialurin Hugskot og viðmerkingar – send sms til 225000 Leo Poulsen Heystfagnaður var fyri­reik­ að­ur í fjør, men av ymsum orsøkum var hann avlýstur. Í staðin verður lagt til brots í ár. Byrjað verður hóskvøldið, tá eitt fyrilestrarkvøld verður fyriskipað. – Byrjað verður klokkan 19.30, tá Rasmus Joensen, eiðis­maður, sum er fluttur til Havnar, fer at hugleiða um seyðahald og fjallgongu á Eiði fyrr. Síðani fer Bergur Hanusson, djóralækni, at greiða eitt sindur frá seyða­ sjúk­um, og at enda verður tað Mortan Johannesen, gastro­ nomur, ið fer at tosa um gastro­nomi og landbúnað, sigur Áki Leitisstein Hansen, trivnaðar- og ferðavinnu­ mennari í Eiðis kommunu. Til fyrilestrarkvøldið hós­ kvøldið fer Sissal Grækaris­ dóttir Magnussen at syngja og spæla. – Fríggjadagin verður pall­ borðsfundur, har evnið verð­ ur »Privatisering av lands­ jørðini«. Við pallborðið fara at sita Jacob Vestergaard, lands­ stýrismaður í land­búnaðar­ mál­um, Bill Justinussen frá Miðflokkinum, Bjørt Sam­ uel­sen frá Tjóðveldi og Helgi Abrahamsen frá Sam­bands­ flokkinum. Hetta er fyri at fáa tveir politikarar, sum eru fyri privatisering og tveir, sum eru ímóti. Hartil koma tveir festarar, Jóhan Thomsen av Eiði og Regin Borðoy millum Fjarða at sita við pallborðið, sigur Áki Leitisstein Han­ sen. Talan um at privatisera landsjørðina hevur verið frammi í seinastuni, og áhugin er rættiliga stórur fyri hesum evni, so roknað verður við, at væl at fólki fer at møta til júst hetta til­ takið. – Pallborðsfundurin byrj­ ar klokkan 18, og tað verður Jón Brian Hvidtfeldt, sum verður orðstýrari, sigur Áki Leitisstein Hansen. Fríggjakvøldið endar í EB- húsinum, har Elis Poulsen fer at senda »Upp á tá« bein­ leiðis. Drúgvur leygardagur Leygardagurin verður pakk­ að­ur við einari rúgvu av til­ tøkum. – Lagt verður fyri klokkan 10 við einari seyðasýning millum hagapartarnar. Hetta er tann árliga seyðasýningin, sum í ár verður hildin sum partur av Heystfagnaðinum, sigur Áki Leitisstein Han­ sen. Heystfagnaðurin er í stóran mun um seyðahald, so tað er bara náttúrligt, at so nógv um júst tað evnið er við á døgunum. – Frá klokkan 14 til 16 verða so nakrir fyrilestrar, og tann fyrsti klokkan 14 verður við Nicolinu Jensen Beder, sum fer at greiða frá, tá hon sum 82 ára gomul byrjaði at kanna um seyðir, ull og tøting kring landið. Tað endaði jú við einari bók, ið nevnist júst tað, sigur Áki Leitisstein Hansen. Síðani fer Eyðfinn Magn­ us­sen at greiða frá hag­tøl­ um um haruveiði, ið hann hev­ur savnað seinastu árini, áðrenn Jóhann Jógv­ans­son fer at greiða frá um festið á Dúvugørðum í Saksun, sum umframt at vera ein bónda­ garður eisini hevur forn­ minnissavn og ferða­vinnu. Magnus á Stongum fer at spæla tónleik undir og eftir fyrilestrarnar. – Samstundis, millum 14 og 16, verður eisini skipað fyri nøkrum tiltøkum fyri børn. Nøkur lokal fólk fara at siga søgur um, hvussu tey upplivdu fjallgongu og seyðafletting fyrr í tíðini. Eisini verður sýnt børnum, hvussu flett verður. Hetta fer fram í bygdarsavninum, Látrinum, sigur Áki Leitis­ stein Hansen. Kappingar Millum klokkan 13 og 14 verð­ ur ein kúgv flett av lokalum monnum. – Hetta verður gjørt, fyri at børn, og eisini vaksin, kunnu síggja, hvussu slíkt fer fram, tí tað er ikki hvønn dag, at børn og vaksin síggja slíkt, sigur Áki Leitisstein Hansen. Gjøgnum dagin verða eisini ymiskar verkstovur børn, har tey læra um, hvussu seyðalívið var fyrr og nú. – Skipað verður eisini fyri flettikapping, har vit vón­andi fáa seks luttakarar. Teir kappast so í einum inn­ leiðandi umfari og so skulu vit fáa tveir at kappast í einari finalu, sigur Áki Leitis­ stein Hansen. Flett verður upp á gamla mátan. – Tað verður flett á borð­ um, og tað skal tummast, skerast niður fyri, vilini skulu dragast og alt skal gerast sum áðrenn krovini vórðu hongd upp og alt tikið innan úr í einum, sigur Áki Leitisstein Hansen. Undir kappingini fara Sámal Ravnsfjall, Signar í Homrum og Hanus G. Johan­ sen at spæla, og eisini fer Døgg Nógsgjógv at syngja. Seinni verður so ein rulli- og kjøtpylsukapping, har kvinnurnar melda seg til við rulli- og kjøtpylsu. – Síðani verða smakk­ royndir givnar til tey vitj­ andi, sum síðani stemma um, hvørjar pyslur tey halda smakka best. Samlaða talið verður so vinnari, sigur Áki Leitisstein Hansen. Serligar framsýningar Heystfagnaður fer fyri tað mesta fram í gamla bygdar­ partinum í neystum og í bygdarsavninum niðri móti havnini. – Serliga framsýningar verða við Siri hjá Árna Bratta­ berg, sum fer at sýna fram Pál-troyggjur, og sølan av teimum fer so til Langhylin í Vági. Sniávlsdóttir fer at sýna fram troyggjur og húgv­ur, og Fríðgerð í Líð fer somu­ leiðis at sýna fram á sølu­ framsýning tað, sum nevnist FÍL framleiðsla, sigur Áki Leitis­stein Hansen. Skipað verður síðani fyri seyðauppboðssølu út á kvøldið, og so verður leygar­ dagurin rundaður av við dansi, har lokalar kreftir fara at hita upp, meðan LM-band fer at standa fyri dansinum, sum varar út á náttina. Sunnudagin verður so morg­un­møti og gudstæn­ asta. – Seinasta tiltakið verður sunnudag seinnapart, tá skipað verður fyri gongutúri runt Eiðisvatn, har greitt verður frá seyðahaldi og landbúna kring vatnið, sigur Áki Leitisstein Hansen. Hann minnir á, at øll eru hjartaliga vælkomin á Heyst­ fagnað á Eiði. – Hetta er fyrstu ferð, vit skipa fyri Heystfagnað á Eiði, og øll eru vælkomin, og alt er ókeypis. Tað einasta fólk skulu gjalda fyri, er tann matur og drekka, tey keypa, sigur Áki Leitisstein Han­sen, trivnaðar- og ferða­ vinnumennari í Eiðis komm­ unu. tíðindi Hendingaríkur heystfagnaður Fyri fyrstu ferð skipar Eiðis kommuna fyri einum heystfagnaði, og nógv áhugavert er á skránni. Byrjað verður longu hóskvøld og hildið fram til sunnudag. Áki Leitisstein Hansen, trivnaðar- og ferðavinnu­ mennari í Eiðis kommunu