hósdagur 13. november 2014síða 11

11 Fríggjadagur 14. november 2014 · Nr. 130 Sosialurin Hugskot og viðmerkingar – send sms til 225000 stuttleikasentur – Eg hvakk við, tá eg sá aldurspyramidurnar í nýggja Atlasinum. Her er heilt galið, samfelagið bløðir út og ungdómurin rýmir. Her má gerast nakað nú, heldur Birgar Johannesen í Havn, sum rópar varskó og hevur eina ætlan Eirikur Lindenskov –  Vit eiga at gera nakað nú, og býráðið má og skal raðfesta tað fram um alt annað! So bersøgin er havnar­ mað­urin og eldsálin Birgar Johannesen um støð­una hjá teimum ungu í høvuðs­ stað­num. – Ungdómurin bløðir og býurin bløðir, tí tey ungu tíma ikki at vera her. Tann­áringar­nir mangla so at siga alt. – Eg hvakk við, tá eg sá Birgir Kruse greiða frá um aldurspyramidurnar í nýggja Atlasinum. Hatta vísir jú, sum hann eisini segði, at ung­dómurin er burtur. Eg gjørdist so skakkur av has­um, at eg fekk ikki sovið, sigur Birgar Johannesen. Mikukvøldið í síðstu viku skipaði Tórshavnar komm­una fyri einum borgarafundi í Skúlanum við Løg­mannabreyt. Birgar Johanne­sen var á fundinum – sum hann ikki er serliga fegin um. – Har var lætt og ele­ gant lopið um tann­ár­ingar­ nar. Eg veit væl, at tú kanst siga, at tey hava Margarin­ fabrikk og Djóna­stovu og so allar ítróttar­møgu­ leikarnar í Gunda­dali. Men tað er langt frá nóg mikið, heldur Birgar Johannesen, sum sjálvur hev­ur gjørt eitt uppskot um at byggja Kommunuskúlan um til eitt stuttleikasentur við nógvum tilboðum til tey ungu. Hann hevur latið gjørt eina skitsu, sum vísir, hvussu stórur ein bygn­ ingur kann vera í fimm hæddum, sum tó ikki fyllir meira, enn bygn­ing­urin, sum stendur har í dag. – Hetta er bara eitt hug­ skot. Um onkur hevur eitt betri hugskot, so er tað fínt. Eg haldi bara, at vit skulu rað­festa ungdómin allar­fremst, og tað skal gerast nú, sigur Birgar Johannesen. – Kaikantar, ringvegir, ellisheim, kloakkir og annað kann saktans bíða eitt ár, heldur hann. – Vit mugu skapa ung­ dóm­inum umstøður, so hann trív­ist. Tað kann ikki vera mein­ingin, at SMS skal vera staðið hjá ungdóminum, heldur hann. – Tí skal raðfesting numm­ar eitt vera ungdómurin. Vit skulu gera tað, sum skal til, so ungdómurin hevur nakað at fara til. Vit hugskotini, vit skulu bara seta okkum niður og finna út av, hvat skal gerast – og so fáa gjørta, heldur Birgar Johannesen. Hann vísir á, at allir býir á okkara stødd í hinum norður­londunum hava slík sentur at fara til. – Eg hoyri, hvussu tey ungu tosa. Eg geri mær ómak at lurta eftir teimum, bæði mín­um egnu abbabørnum og øðrum ungdómi. Tað ber ikki til, at vit í 2014 ikki hava nakað at bjóða teimum ungu. Og so vendir Birgar Johannesen aftur til pyra­ mid­una, sum Birgir Kruse vísti á í nýggja Atlasinum. – Eg fór heilt niður við flagginum, tá eg sá hatta. Men eingin ger nakað við tað. Vit mugu spyrja tey ungu, um tey eru nøgd, ella ikki. Hetta má takast upp nú, og vit mugu seta spakan í beinan­vegin. Vit mugu bara droppa allar aðrar útreiðslur í eitt fíggjarár, heldur Birgar Johannesen. Men pengar eru ikki til enda­málið, og hóast hann hevur luftað ætlanina fyri borgarstjóra og býráðs­ lim­um, so er eingin áhuga. Hin­vegin er býráðið samt um at nýta 350 milliónir til at fylla upp havnarlagið uttan fyri Skansan. – Hatta dugi eg slett ikki at síggja nakað skil í. Havnar­lagið er skralltómt hvønn einasta dag. Tað síggja vit. Skipini liggja har eina løtu, so eru tey burtur aftur. Eg dugi slett ikki at síggja logikk­in í hasum – og tað vil eg heldur ikki gera meg klókan uppá. – Eg haldi bara, at vit skulu bjarga ungdóminum og harvið bjarga samfelagnum og býnum. Vit hava eina risa­avbjóðing fyri framman, heldur Birgar Johannesen. – Alt gott um, at Reinsaríið nú er gjørt til spælistað. Slíkt hjálpir sjálvandi, men eitt slíkt hús hevur sínar av­markingar, og tað er av­markað til tónleikatiltøk, vísir Birgar Johannesen á. Hann heldur at um arki­tektar og fólk við skili fyri býarskipan seta seg saman, so finna tey skjótt eina skila­góða loysn. – Vit kunnu bara fara uttan­lands at hyggja. Allir býir á okkara stødd hava eina rúgvu av tilboðum til tey ungu. Birgar Johannesen hevði ynskt sær, at tey ungu, sum fóru uttanlands, fóru við tí í huga, at tey skulu flyta aftur til Havnar, tí her er nógv at koma heimaftur til. Men so­leiðis er tað tíverri ikki, sigur hann. – Hvussu nógvir handlar eru í Havn, sum til dømis selja brúkt klæði, spyr Birgar Johannesen. – Eg kann telja fleiri – einar fimm, seks, sigur hann. – Har eru fimm í miðbýnum og ein uppi á Sandvíkarhjalla. – Tað stutta av tí langa er, at vit raðfesta ungdómin alt ov lágt. Hann skal hava hægstu raðfesting, hægri enn kai­ kantar, ringvegir, ellis­heim og kloakkir, sigur Birgar Johannesen, sum held­ur, at Tórs­havnar komm­una skal taka seg saman og gera nakað nú! eirikur@sosialurin.fo Ungdómurin skal hava hægstu raðfesting – Eftir­gjørdi bygningurin kemur ikki at síggja út sum myndin vísir. Her eru nógvir møgu­leikar og skal hann sjálvandi verða nógv snøgg­ari, sigur Birgar Johannesen Ungdómurin burtur – Eg hvakk við, tá eg sá Birgir Kruse greiða frá um aldurspyramidurnar í nýggja Atlasinum. Hatta vísir jú, sum hann eisini segði, at ung­dómurin er burtur. Eg gjørdist so skakkur av has­um, at eg fekk ikki sovið, sigur Birgar Johannesen