hósdagur 13. november 2014síða 13

13 Fríggjadagur 14. november 2014 · Nr. 130 Sosialurin Hugskot og viðmerkingar – send sms til 225000 V it hava sitið og blaðað í atlas­ inum seinastu dagarnar saman við børnunum, sum eru 11 og 17. Okk­um dámar sera væl bygnaðin og ymsu kortini, ikki minst tí at fremstu síðurnar við frágreiðingum um ymsu sløgini av kortum gevur eina góða fatan av, hvat kortini og talvurnar kunnu brúkast til. Nýggja heimsatlasið hevur fleiri nýggj kort av Føroyum, sum Føroya Dátusavn hevur teknað. Hini kortini eru øll frá kenda kortútgevaranum Collins í hegnisligari týðing hjá Erlu Olsen. Tað er ein fragd at blaða seg út í heim við útgangsstøði í Før­ oy­um. Fyrst til okkara nærmastu grann­ar í útnorði, síðani til hini Norður­londini, Evropa og víðari heilt til Ný Sælands, sum liggur hinu­megin jørðina frá okkum. Á baksíðuni stendur, at Atlas til heim og skúla hvessir forvitnið. Hes­um eri eg samd í, vildi eisini sagt, at tað hvessir vitið. Meira enn eitt atlas Umframt øll vanligu kortini, polit­ isk, hæddar, o.s.fr., sum eru bulur i einhvørjum atlasi, er ein rúgva av øðrum kortum um Før­oy­ar, eitt nú við sjóvar­fallinum, ístíðar­lands­ lagnum, fugla­bjørgum, áseyða­tali, avfalli og vatn­orku og plantu­sløg­ um. Tað er eisini ein ørgrynna av áhugaverdum evniskortum um viður­skifti i Føroyum og úti í heimi. Serliga tey føroysku evniskortini heftu vit okkum við. Her er t.d. kort við íbúgvahagtølum, sum fólka­tali og fólkasamanseting yvir tíð. Hetta er sera gott tilfar til skúla­næm­ingar at arbeiða við. Tey eru næstan av­ vand at brúka bøkur, men hendan vænti eg fer at fanga tey, fáa tey høvi at nýta hana. Málsliga linjan er greið Í fororðinum ger útgevarin vart við, at Staðarnavnanevndin hevur góð­kent føroysku staðarnøvnini og at Málráðið hevur vegleitt og givið ráð í mun til landanøvn og landa­ frøðilig fyribrigdi. Hetta er ein greið og skilagóð linja eftir mínum tykki. Tað ber ikki til, at hvør almennur stovnur og hvør Hanus og Janus hevur egnar meiningar í sambandi við slíkar útgávur, tí má tað haldast til eina almenna linju. Hetta forðar vónandi fyri, at nýggja atlasið verð­ ur fyri somu vanlagnu, sum tað 20 ára gamla atlasið, sum nærum drukn­aði í málkjaki. Eg vænti, at vit eisini fara at kjak­ast um mangt í nýggja atlas­ in­um, eitt nú hvørt tað er rætt, at Ístan­bul stavast við Í heldur enn I, sum flestu okkara eru von at brúka, at Nicosia kann stavast við c, tá Kanada má stavast við K og at Svalbarð skal hava ð og ikki d, sum tað hevur á Svalbardsvegnum í Havn. Men spurningurin eigur tá at vendast Málráðnum og Staða­ navna­nevndini og nýtist ikki at verða størri partur av umrøðuni av hesum Atlasinum. Við tíðini fara vit vónandi at nærkast eini tjóðar­ semju um starvseting, sum flestu kunnu góðtaka og venja seg við. Okkurt kundi verið betri Samlað er talan um eina sera snøgga og væl frágingna útgávu. Tað er tó altíð okkurt, sum kundi verið betri. Fyri meg eru í øllum førum tvey týdningarmikil viðurskifti, sum eg vildi ynskt vóru øðrvísi. Annað er støddin á stavunum í navnaskránni. Teir eru alt ov smáir. Eg klári ikki at lesa teir við vanligu brillum mín­ um. Við lesibrillum og góðum ljósi klári eg so dánt, men tað fari eg neyvan at tíma at fáast við, hvørja ferð eg skal sláa okkurt upp. Eg eri fullgreið um, at størri stavir merkja fleiri síður, 4-8 síður kanska, men tað hevði verið prísin vert í mun til manglandi nyttuvirðið nú. Hitt er keypsprísurin, 475 kr. Tað er í so nógvir pengar, hóast útgávan er framúr. Eg havi skilt, at av tí at talan er um eitt atlas, sum í vøruskráum verður roknað sum eitt amboð, sum er mvg-skyldugt, og ikki ein bók, sum er mvg-undantikin, so skal lands­kassin hava nærum 100 kr. í mvg av hvørjari bók. Spell, at tað ikki bar til at sleppa undan slíkari for­malistiskari bólking. Útgáva til øll Alt í alt haldi eg, at hendan útgávan er ein sannur fongur fyri bæði heim og skúla. Nýggja atlasið eigur eftir mínum tykki at liggja undir hvørjum jólatræi jólaaftan, og allir skúlar áttu at bílagt fleiri eintøk, gjarna heil flokkssett, alt fyri eitt. Eitt gott ráð er at fara til bókadagarnar í Norðurlandahúsinum 22. og 23. november, tí har fæst Atlas til heim og skúla fyri serprís. Hjá okkum fer nýggja atlasið at standa á heiðursplássi saman við bókunum hjá Símun – altso Tey Byggja Land hjá J. Símun Hansen – um ikki tað fer at liggja frammi mesta av tíðini, og tað fellur ikki hvørjari útgávu í lut. Mánadagin 17. november gevur Nám út nýtt føroyskt heimsatlas. Útgávan, sum hevur verið ávegis í fleiri ár, kallast Atlas til heim og skúla. Hon fer at avloysa 20 ára gamla Heimsatlasið, sum helst er kendast fyri málsligu linjuna, sum fekk so ilt í mangan føroying. Annika Sølvará Atlas til heim og skúla hvessir vitið ummæli Tað er eisini ein ørgrynna av áhuga­verdum evnis­kortum um viður­skifti i Føroyum og úti í heimi. Serliga tey føroysku evnis­ kortini heftu vit okkum við. Her er t.d. kort við íbúgva­hagtølum, sum fólka­tali og fólka­saman­ seting yvir tíð Annika Sølvará