hósdagur 13. november 2014síða 38

6 Mentanarblaðið hjá Miðlahúsinum 7 • 14. november 2014 6 mentanarsíðan Barna Beinta Johannessen Bøkurnar hjá Helle eru spennandi at lesa, samstundis sum tær taka upp álvarsom evni. Og triðja bókin er onki undantak í so máta, hvørs serliga evni er um trongskygni og um sálarligar trupulleikar, ið børn kunnu dragast við. Vit fylgja høvuðspersónunum Barbaru og Bergi og vinfólkum teirra, meðan tey royna at loysa gátuna um, hvør tað er, sum hevur verið í smáttuni á Ternuryggi. Tey kenna ongan, sum roykir, og kortini finna tey eina skál við sigarettstubbum á borðinum í smáttuni, og tá hetta endurtekur seg, mugu tey fáa greiði á, hvat hetta er. Samstundis fáa børnini ein hvøkk, tá Jóhanna ein dagin svímar, meðan tey svimja. Hon verður innløgd fyri etingarólag, og onkur má hjálpa teimum at skilja, hvat hetta er, og hvussu tey kunnu hjálpa Jóhannu. EIN UPPLIVING Sjálv sigur Helle, at endamálið við bókunum fyrst og fremst er at geva lesarunum eina uppliving, eina spennandi og stuttliga løtu, meðan lisið verður, men eisini okkurt at hugsa um. – Lokaða landið leggur upp til kjak um støðuna hjá teimum sálarveiku, um etingarólag, og sum heild um fólk, sum ‘vit’ halda eru øðrvísi. Alt er ikki altíð, soleiðis sum vit halda. Við at seta okkum inn í støðuna, kunnu vit gerast klókari og kanska eisini broyta hugburð og atburð, sigur Helle. SÁLARSJÚK OG ZOMBIES Helle sigur, at tað stundum kann vera ringt at lata sínar persónar gera nakað, sum hon sjálv heldur er ómoralskt og uttan fyri mark. – Men eg royni tilvitað, meira og meira at bróta míni egnu mørk, tá ið eg skrivi. Ein persónur, sum bara er fittur, er ikki menniskjaligur og gevur ikki lesaranum nakað at hugsa um, sigur Helle. Helle heldur, at vit øll hava okkurt í okkum, sum vit royna at dylja og viðgongur, at hon sjálv mangan hevur gjørt ella sagt okkurt, sum hevur fingið hana at krympa tærnar aftaná. – Ein vinkona, sum var tann fyrsta, ið las handritið, spurdi meg, um eg ikki var bangin fyri, hvat fólk fóru at siga ella halda um meg? Eg spurdi hana, hvat hon meinti við, og hon svaraði: Jú, tá ið tú skrivar um tey sálarsjúku og umtalar tey sum dreygar (zombies). So mátti eg greiða henni frá, at børnini ikki siga tað, sum eg meini, men at eg royni at skriva tað, sum summi børn – og vaksin – siga og hugsa. Persónarnir í bókunum eru ikki Helle. Teir liva sítt egna lív, við tí góða og við tí illa. ÍSPUNNAR SØGUR Hóast søgurnar um tey í 5.B eru real­ ist­iskar samtíðarsøgur, so eru tær ís­punnar. – Um nakar kennir seg aftur í søgunum, er tað rein tilvild. Harafturímóti er tað ikki tilvildarligt, at eg gjarna vil hava bæði spenning, álvara og humor við, sigur Helle. BÓKAÚTGÁVA OG SKATTAVEIÐA Samstundis sum triðja bókin hjá Helle kemur út, er ein skattaveiða farin í gongd, har børn kunnu leita eftir GPS- skattum ella sokallaðum Geocaches. – Fyrsta bókin, Vikarurin, viðger evnið Geocaching, og tí helt eg tað vera stuttligt at brúka hetta til okkurt serligt, nú nýggja bókin kom út, sigur Helle. Skattaveiðan, sum byrjaði 3. november og endar fríggjadagin 21. november, er fyri øll, men hon er eisini ein kapping fyri tey 8-12 ára gomlu. Vinnararnir verða avdúkaðir á Bókadøgunum 2014, sum verða í Norðurlandahúsinum vikuskiftið 22.-23. november – men hvat kunnu børnini vinna? – Bøkurnar sjálvandi! Men høv­ uðs­vinningurin er, umframt bøk­ ur­nar, eisini ein handhildin GPS og møguleikan fyri at koma við íblástri til fjórðu bókina um Tey í 5.B, svarar Helle. Lokaða landið Helle Thede Johansen fór í 2010 undir at skriva um børnini í 5. B, og nú er triðja bókin, Lokaða landið, júst komin Helle Thede Johansen, sum hevur skrivað bøkurnar “Tey í 5.B”, hevur krógvað tilsamans fimm skattir á støðum, har hendingar í bókunum fara fram. ØLL KUNNU VERA VIÐ Hóast skattaveiðan er í Hoyvík og í Havn, stendur tað øllum børnum í Føroyum í boði at fara á skattaveiðu. Hetta er kanska gott høvi at fara ein stuttleikatúr til Havnar við foreldrunum ella ommum og abbum. Skattaveiðan er samstundis ein kapping fyri tey 8-12 ára gomlu. Leinkja til skattakort og vegðleiging eru at finna á heimasíðuni hjá bæði Bókadeild Føroya Lærarafelags (bfl.fo) og STROK (strok.fo). Helle Thede Johansen er í hesum døgum aktuell við bókini Lokaða landið, sum er triðja bókin í røðini um tey í 5.B. Higartil eru tríggjar bøkur komnar út í røðini um Tey í 5.B: Vikarurin, Vinurin og Lokaða landið. Á skattaveiðu við teimum í 5.B Hevur tú hug at fara á skattaveiðu í slóðini hjá Bergi, Barbaru og hinum í 5.B?