hósdagur 13. november 2014síða 46

14 Mentanarblaðið hjá Miðlahúsinum 7 • 14. november 2014 S ambært tølunum hevur minsti part­ ur­in av ullini verið fluttur óvirkaður av land­inum. Útflutningstølini vísa, at nógv mesta vøran var bundin. Gjøgnum tíðirnar eru gjørdar neyðugar tillagingar av vøruni líka frá hosubindingini í 1600-talinum heilt fram til dagin í dag, nú Guðrun & Guðrun eru ímynd­in av dagførdu føroysku bindingini. Úti í heimi eru vit kend fyri okkara binding – meðan fá kennast við føroysku ullina. Og at búgva og virka í ein­um landi, har uml. 35% av kvinnunum eru í bindi­ klubba, meiri enn helvtin av kvinnunum duga at binda og knapt tveir seyðir eru pr íbúgva er í heimshøpi eina­ stand­andi. Spurningurin er, hvat skal til fyri at vit í dag megna at dagføra og gagnnýta fjøltáttaðu vitanina og før­leik­arnir, sum liggja í bindingini. Shetland Í mun til menning av okkara egna, er vert at hyggja at tí, sum fer fram úti í heimi. Beint sunnan fyri okk­ um liggja smáu shetlandsoyggjarnar. Mynstrini og litsamansetingarnar harfrá eru heimskend og síggj­ast javnan í ymiskum hami á pallinum hjá stóru móta­hús­ in­um, tá vetrarmótin verður vístur. Eisini kunnu tey breggja sær av at hava skjótasta bindara í heiminum, nevni­liga Hazel Tindall, sum í 2004 vann heitið Worlds Fas­test Knitter. Metið vann hon við bert at brúka tríggj­ ar minuttir at binda 255 eygu á stokkum nr. 4. (www. hazel­tindall.com). Ísland Íslendingar fyri norðan duga at fáa væl burt­ur­úr. Umframt marknaðarføring av ullini og Lopa­troyggj­ uni í ymiskum hami eru tey eisini í ferð við at menna ferðavinnuna at taka ímóti bindarum. Høv­uðs­mál­bólk­ ur­in eru amerikanarar, sum bæði sleppa at klemma ein seyð – myndin verður sjálvandi løgd á facebook bein­an­ vegin – binda bul á gamlan máta við ekt­að­um ísl­endsk­ um bindikonum og keypa tógv upp í rúgvur beinleiðis frá spinnariínum. Alt við fram­úr markn­að­arføring og til ein góðan prís (www. Ice­lan­dic­knitter.com) Eins og tey eru von at seta sær høg mál, arbeiða hart og taka kjansir, duga íslendingar at síggja nýggjar møgu­leikar. Við tiltøkum sum The Loop-festival, Design March og Nordic Fashion Biennale koma fólk úr øllum heim­inum til Íslands, tí tað er har, tað sker. Á vegnum markn­aðarføra tey siðbundna binding sum Ála­foss og Lopi, tað siðbundna í nýggjum hami sum Far­mers Market (farmersmarket.is) ella við íblástri úr sagnunum sum t.d. kópakonuteppini og lállurnar hjá Vik Prjónsdottir (vikprjonsdottir.com) eins og tey heinta ”rockstjørnur” innan binding til Íslands fyri at menna støðið og vekja enn størri áhuga millum bindarar. Annað, sum íslendingar hava fram um okkum er góðu skúlarnir innan skapandi økið. Í Reykjavík er m.a. Lista­háskóli Íslands við design, list, tónleiki, arkitekturi og frálæru í listaundirvísing og Mynd­lista­skól­inn, sum hev­ur tvey ára teks­til­deild. Har undirvísir m.a. Stein­unn, sum áð­ ur var seniordesignari hjá Gucci og La Perla, men nú býr og arb­eið­ir í Reykja­vík, har hon hevur sítt egna merki. Innanhýsis á skúlanum verð­ ur arbeitt tvørfakligt og spjaðir hetta seg út í samfelagið, har ma. Knit­ting Iceland hevur skipað fyri Knit to the Music Tour í samstarvi við Iceland Airwaves Music Festival. Katrina í Geil Gamla orðatakið sigur, at ”Ull er Føroya gull” – ellavar tað kanska bindingin, sum var gullið? Bindingin, sum virðismenti ullina, so hon gjørdist áhugaverd fyri útheiminum. Bindingin, sum støðugt hevur funnið nýggjar leiðir til at brúka ullina. Og nú, tá tosa verður so nógv um at gagnnýta ullina betur, er tað kanska bindingina, vit skulu satsa uppá fyri at finna nýggjar loysnir til frumkendu føroysku ullina? Danska Iben Høj er heimskend fyri síni framúr femininu bundnu pløgg á tekniskt sera høgum støði Svenska Sandra Backlund skapar 3D listaverk í rørslu "Filigram - alive and knitting" eftir Katrinu í Geil, 2005 – ella var tað bindingin? ”Ull er Føroya Gull”