mánadagur 17. november 2014síða 21

21 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 17. november 2014 · Nr. 131 ítróttur fótbóltur Okkara grannar fyri norðan, Ísland taptu, men okkara grannar í Noregi, Skotlandi, Onglandi og Danmark vunnu. Liktinstein, Malta og San Marino fingu hvør sítt minniligt úrslit, og Rumenia er nú oddalið í okkara bólki Misjøvn norðurlendsk úrtøka Heri Simonsen Íslendski EM-dreymurin var út fyri einum lítlum aftur­ stigi, tá íslendingar í gjára­ kvøldi taptu 1-2 ímóti einum sterkum kekkiskum liði á útivølli í Plzen. Íslend­ingar fingu annars eina dreyma­ byrjan, tá Ragnar Sigurðsson stútaði teir framum longu í 9. minutti. Kekkar javnaðu tó beint undan steðginum, og íslendingar vóru so óhepnir at gera sjálvmál, tá eitt korter var farið av seinna hálvleiki. Niðurlond reistu seg við einum knúsandi 6-0 sigri á Lettlandi í Amsterdam, sam­ stundis, sum turkar vunnu 3-1 á Kasakstan. Kekkia er á odda eftir fýra umfør í bólki A við 12 stigum. Íslendingar hava níggju stig, og Niður­ lond hava seks stig. Íslend­ ingar hava tó tveir dystir ímóti botnliðnum, Kasakstan komandi ár, og ein heima­dyst ímóti Lettlandi, so vónirnar eru kortini ikki heilt sørar hjá okkara frændum at røkka EM-enda­spæl­inum í Fraklandi í 2016.  Minniligur danskar sigur Danmark vann ein minni­ ligan 3-1 sigur á Serbia á úti­ vølli, aftaná at hava verið aftan­fyri 0-1 í steðginum. Í seinna hálvleiki syrgdi Niklas Bendtner fyri við tveim­um málum, og Simon Kjær við einum máli, at Dan­mark fekk øll stigini við sær úr Beograd. Danir hava nú sjey stig fyri fýra dyst­ir, meðan Portugal hev­ ur seks stig fyri tríggjar dystir í bólki I. Christiano Ronaldo tryggjaði Portugal øll trý stigini við einsamalla sigurs­mál­inum á heimavølli ímóti Armenia. Einsamalla málið ger Ronaldo til mest skor­andi lands­liðs­spælaran, tá um mál í EM-kappingum ræður. Ronaldo hevur nú skotið 23 EM-mál fyri Portugal. Grannar okkara fyri eyst­an, Noreg er komið á slóð­ina aftur. Í bólki H vann Noreg 1-0 á Azerbaidjan á útivølli. Einsamalla málið skeyt Håvard Nordtveit við einum góðum stútara mið­ skeiðis í fyrra hálvleiki. Í sama bólki gjørdist Malta fjórða smá­tjóðin, sum fekk stig í hesum umfarinum í EM-undan­kappingini. Maltesar fingu ein góðan 1-1 javn­leik á útivølli í Sofia ímóti Bulgaria. Italia og Kroatia leiktu javnleik 1-1. Italia og Kroatia hava 10 stig eftir fýra umfør, norðmenn hava níggju stig. Bulgarar hava bert fýra stig, meðan Malta hevur fingið sítt fyrsta stig. Azerbaidjan hevur enn sítt fyrsta stig til góðar. Skotar halda lív í vónini Skotland heldur lív í vónini at røkka EM-endaspælinum við einum 1-0 sigri á Ìrlandi á Celtic Park leikvøllinum í Glasgow. Shaun Maloney skeyt einsamalla máli, tá eitt stórt korter restaði av dyst­inum. Pólland vann ein góðan 4-0 sigur á útivølli ímóti Georgia, meðan Týsk­ land bert vann 4-0 á heima­ vølli ímóti Gibraltar. Lagt var annars upp til, at Týskland fór at vinna tveysiffrað. Pól­ land hevur 10 stig fyri fýra dystir. Skotland, Írland og Týskland hava sjey stig fyri dystir í bólki D. Í bólki B eru Belgia og Bosnia komin illa frá byrjan. Belgiumenn fingu bert javnleik 0-0 ímóti Wales á heimavølli. Ísraelsmenn vunnu 3-0 á Bosnia á heima­ vølli, meðan Kýpros vann heili 5-0 á Andorra. Ísrael hevur níggju stig fyri tríggj­ ar dystir. Walisar hava átta stig fyri fýri dystir, Kýpros hevur fingið seks stig fyri fýra dystir, belgiumenn hava fimm stig fyri tríggjar dystir, meðan Bosnia hevur bert tvey stig fyri fýra dystir.  Fagnaður í Liktinstein og San Marino Leygardagin var líkt til, at Liktinstein og San Marino høvdu funnið inspirasjón í tí føroyska avrikinum niðri í Grikkalandi. Í bólki E megn­aði San Marino at fáa ein minni­ligan 0-0 javnleik ímóti Estlandi. Talan er um fyrsta stigið hjá San Marino í 12 ár. Í sama bólki vann Ong­land 3-1 á Slovenia á Wembley leik­vøllinum í London. Wayne Rooney varð heiðr­aður fyri sín landsdyst nummar 100, og hann skeyt sítt lands­liðs­mál nummar 44 við einum brots­sparksmáli. Stóra hetjan gjørdist tó Danny Welbeck hjá Arsenal, sum við tveimum góðum mál­um í seinna hálvleiki tryggj­aði Onglandi sigurin. Sveis vann 4-0 á Litava á heima­vølli. Ongland er greitt oddalið í bólki E eftir fýra umfør. Onglendingar hava 12 stig, meðan Sveis, Slovenia og Litava hava seks stig hvør. Franz Burgmeier gjørdist stóra hetjan hjá Liktinstein í G, tá hann við einum flottum frísparksmáli tryggj­aði Liktinstein ein minni­ligan 1-0 sigur á Moldova á útivølli. Í sama bólki leiktu Montenegro og Svøríki javnleik 1-1. Zlatan Ibrahimovic legði Svøríki á odda tíðliga í dystinum. Eitt ivasamt brotsspark til Monte­negro, og ein ivasamur offside-dómur ímóti Svøríki ímóti dystarenda gjørdu, at svensk­arar ikki fingu meir enn tað eina stigið við sær úr Montenegro. Eysturríki vann 1-0 á Russlandi, og er nú odda­lið í bólki G við 10 stigum eftir fýra umfør. Svøríki hev­ ur seks stig, Montenegro og Russland hava fimm stig, og Liktinstein hevur eina góða úrtøku við fýra stigum eftir fýra dystir.  Rumenskur og ungarskur fagnaður Í Finnlandi er landsliðs­ venjarin, Mixu Paatelainen komin undir trýst eftir enn eitt tap. Í okkara bólki, bólki F syrgdi Zoltan Gera fyri, at Ungarn enn er væl við í kapp­ingini at røkka EM- enda­spæl­inum. Zoltan Gera skeyt einsa­malla málið í 1-0 sigr­inum hjá Ungarn á Finn­landi. Í Bukarest vann Rumenia á Norður­írlandi, sum misti síni fyrstu stig í hesi undan­kappingini. Paul Papp syrgdi við tveimum málum fyri, at Rumenia vann 2-0 á Norður­írlandi. Rumenia er nú oddalið í bólki F við 10 stigum. Norður­írland hevur níggju stig, Ungarn hevur sjey stig, Finnland hevur fýra stig, Føroyar hava trý stig, meðan Grikkaland hevur bert eitt skallut stig. Norðurírar undirstrika tó eftir tapið í Bukarest, at hini úrslitini lagaðu seg í bólk­ inum, ikki minst takkað verið føroyska sigrinum á Grikka­landi. 29. mars møtast Ungarn og Grikkaland í Buda­pest, Norður­írland og Finnland møtast á Windsor Park í Belfast, og Rumenia tekur ímóti Føroyum. heris@sosialurin.fo Danmark vann ein minni­ligan 3-1 sigur á Serbia á úti­vølli, aftaná at hava verið aftan­fyri 0-1 í steðginum