týsdagur 18. november 2014síða 31

31 Mikudagur 12. februar 2014 · Nr. 18 Sosialurin Hugskot og viðmerkingar – send sms til 225000 Mikudagur 19. november 2014 · Nr. 132 ítróttur fótbóltur Fótbóltur livir av at fólk hava eina meining um tað, men eg havi sagt við spæl­ar­ar­nar, at tað einasta, ið er týdn­ingar­ mikið fyri teir er tað, sum eg og Jóannes Jakobsen siga, sigur landsliðsvenjarin, sum vónar at sigurin ikki leggur órealistiskt trýst á landsliðið. – Nú er bara týdningar­ mikið, at vit ikki byrja at seta ov stór krøv til landsliðið. Sum eitt nú at vit skulu vinna í Rumenia, sigur Lars Olsen. Kundu havt sjey stig Landsliðsvenjarin er væl nøgdur við framgongdina, ið landsliðið hevur havt í 2014. Tað byrjaði á Tórsvølli móti Finnlandi, tá vi taptu 3-1, eftir at hava verið á odda 1-0 í hálvleikinum. Síðani taptu vit greitt fyri Norðurírlandi, áðrenn vit fáar dagar seinni reistu okkum leikliga í 1-0 tapinum fyri Ungarn á Tórsvølli. Fløtaskúmið á kakuni kom so í Athen. – Tað hevur verið fram­ gongd. Um vit hyggja við før­oyskum brillum, so kundu vit havt seks ella kanska sjey stig. Taka vit dystin móti Finnlandi, so eru vit frammanfyri 1-0 í hálv­leik­ inum og eru líka við at koma á odda 2-0. Gjørdu vit tað, so fingu vit minst eitt stig í tí dystinum, sigur Lars Olsen og greiðir víðari frá; – Í Norðurírlandi er dyst­ urin oyðilagdur aftaná tjúgu minuttir. Vit reisa okkum í seinna hálvleiki, men uttan at skapa møguleikar. Móti Ungarn spæla vit væl og duga væl at hava bóltin í egn­um rekkjum, men megna ikki at skapa møguleikar. Tað spælið byggja vit víðari upp á í Athen, vísir Lars Olsen á, ið sum heild væl nøgdur við fram­gongdina. – Hetta er tað spælið vit ar­beiða við til tær venj­ing­ar­ nar vit hava. Tað lættasta er at læra fótbóltsspælarar er at verja. Tað torførasta er at arbeiða við bóltinum í sein­ asta triðingum á vøll­inum. Tí er tað deiligt at síggja, at arbeiði lønar seg. Uppaftur betri er tað at síggja, at spæl­ ararnir trúgva uppá mátan hjá okkum at spæla fótbólt uppá, heldur enn at verja og vóna at okkurt hendi í hinum endanum, sigur Lars Olsen og leggur afturat; – Vit kunnu bara fegnast um menningina í føroyska spælinum, men vit mugu ansa eftir, at vit ikki blíva ov nøgd. Nú hava vit ein dyst móti Rumenia fyri framman. eftir tann dystin verða vit mettir eftir avrikinum tann dystin. Soleiðis er fótbóltur. Aldrin aftur Eysturríki Svartasta løtan hjá lands­ liðnum við Lars Olsen sum lands­liðsvenjara var tann 22. mars í 2013. Tá taptu okkara heili 6-0 fyri Eysturríki í Wien. Vit fingu ikki eitt bein til jørðina og spælarar tókt­ust als ikki klárir til upp­gávuna. Nú skulu vit aftur spæla í mars mánaði á úti­vølli. Hesa ferð móti Rumenia. – Tað, sum hendi í Eystur­ ríki var tað ringasta, ið kundi henda. Eg tími slett ikki at hugsa um tað. Eg vóni eis­ini, at tað aldrin hendir aftur. Tað vilja tó altíð verða tíðar­ skeiðir á árinum, har tær smáu tjóðirnar vilja hava tað torført, tí tey hava torførari umstøður, sigur Lars Olsen. Spurningurin er um lands­liðsvenjarin kann for­ langa meiri av spælar­unum í vetrarsteðg­inum hesaferð? – Ja, tað kann eg, men tað er við tí fyrivarni, at spæl­ ararnir í Føroyum hava arbeiði og annað at hugsa um. Venjingin byrjar í feløg­ unum í januar mánaði og sum eg skilji á lagnum, so verð­ur arbeitt við at byrja kapp­ing­ina longu seinast í feburar. Tað merkir so, at vit fáa einar tríggjar ella fýra dystir áðrenn dystin í Rumenia, um veðrið vil tað, vísir Lars Olsen á. Hann sigur at enda, at hann vónar at sigur á Grikka­landi hevur givið okk­ara hugin til at halda seg í gongd í vetrarsetðginum, so menn eru væl fyri til dystin í Bukarest í Rumenia 29. mars. Lars Olsen, sum nú hevur verið landsliðsvenjari í trý ár, ætlar at taka sær av løttum eina løtu, áðrenn fyri­reik­ ing­arnar til dystin móti Rumenia byrja. – Nú fari eg heim at slappa av eina løtu, men vit hava spælarar í donsku kappingini og teimum fari eg at fylgja. Eina ferð í januar, alt eftir nær uppstarturin verður, so fari eg eina rundferð til før­ oysku feløgini, har vit hava spælarar, sigur Lars Olsen at enda. trondur@sosialurin.fo Tað hevur verið framgongd. Hyggja vit við føroyskum brillum, so kundu vit havt seks ella kanska sjey stig