týsdagur 21. oktober 2014síða 21

21 Mikudagur 22. oktober 2014 · Nr. 120 Sosialurin Hugskot og viðmerkingar – send sms til 225000 Boðini fekk eg tíðliga hin 24. september, klokkan var um­ leið 04.00. Telefonin ringdi á kamarinum: ”Nú er babba farin”, ljóðaði veikt í hin­um end­anum á tráðnum. Fjørð­ urin var rógvin, pápi hevði lagt árarnar inn og var farin heim. Pápi var næstyngstur av seks systkjum. Foreldrini vóru Maria og Óli á Lakjuni, bæði úr Fuglafirði. Her var tað eisini pápi kom at bú­ leikast alt sítt lív, við undan­ taki av einum knøppum ári í Grønlandi. Pápi gjørdist trúgv­andi sum ungur drong­ ur og lat seg doypa í Siloa. Sum 14 ára gamal fór hann í smiðjulæru í Meka í Fugla­ firði. Hugurin lá til maskin­ fakið og sum 19 ára gamal hevði hann lokið prógv sum maskinmeistari. Fyrstu árini, eftir lokna útbúgving, silgdi hann sum maskinmaður, bæði úti í heimi, við trolara og hvalabáti í Føroyum. Minnist hvussu spennadi eg helt tað vera, tá ið hann greiddi frá túrunum við m/s ”Kina” og m/s ”Falstria” hjá ØK, um øll londini, ið teir vitj­ aðu, silgdu niðan eftir ánni inn til Vietnam, lastaðu te á Sri Lanka, silgdu gjøgnum eina veit, ið kallaðist Suez, lógu mitt á Miðjarhavinum við maskinbreki eitt heilt døgn. Hetta var spennnandi og forkunnugt fyri ein smá­ drong tá á døgum. Pápi silgdi eisini fleiri ár við føroyskum trolarum, bæði eystanfyri, í Grønlandi og við Flemish Cap. Hann var í Portugal eftir ”Ólavi Halga”, og eins og nógvir ungir menn í Fuglafirði og aðrastaðni frá, var hann við har eina tíð. Eisini frá hesi tíðini hevði hann nógv at fortelja og standa hesar løtur ljóslivandi og klárar fyri mær. Alt eg kann minnast, so arbeiddi pápi á Havsbrún. Hann var við har frá byrjan og var við at leggja lunnar undir hetta, í dag so stóra virki. Við sínum hegni, áhaldni og trúðskapi legði hann, saman við øðrum nógva tíð og orku í hetta arbeiðspláss, sum var hansara í 35 ár. Kann minnast, tá ið skipini komu við fiski, hvussu umráðandi tað var fyri hann at alt koyrdi sum tað skuldi. Tað var hansara ábyrgd, sum rakstrarleiðari, sum hann tók til. Tað lá pápa á hjarta, at vit fingu ein tryggan og góð­ an uppvøkstur. Hesar um­ støður høvdu vit sera góðar í Gjógvarátúni, og síggi eg við stórum takksemi aftur á hesa tíð. Eitt gott heim er als ikki ein sjálvfylgja, hes­ um syrgdu mamma og pápi fyri. Vit børnini vórðu leidd inn á Harrans veg, sum sang­ urin sigur, í kærleika og ikki av noyðslu, og gingu vit í sunnu­dagsskúla í Siloa, sum eisini var hansara andaliga heim. Arvurin verður tungur at lyfta, nú pápi er farin um sýnina. Tað, sum hann hevur lagt í okkum, skulu vit onkurs­vegna royna at leggja í okkara børn, má Harrin geva okkum styrki til tað. Saknurin er stórur, men vit syrgja ikki, sum tey, ið onga vón eiga, tí vit skulu møtast aftur heima í himli, har saknur skal verða vendur til gleði. Friður verður við minnin­ um um pápa. Snorri Minningarorð um pápa mín Hera Jøkladal *Føddur 22. februar 1937 †Deyður 24. september 2014 70 ára føðingardagur 23. oktober fyllir Lena Jacobsen, Selatrað, 70 ár. Dagurin verður hildin leygardagin 25. oktober hjá dóttrini, Mýrivegur 14, í Norðskála, frá kl. 18. 90 ára føðingardagur Leygardagin 25. oktober fyllir Begga Eiriksfoss, ættað av Sandi, búsitandi í Havn 90 ár. Føðingardagurin verðu hildin tann 25. oktober frá kl. 16:00 í Sjóndeplinum, Íslandsvegur 10 A. Øll eru vælkomin. 75 ára føðingardagur 26. oktober verður Árant Hansen, Gøtugjógv, 75 ár. Dagurin verður hildin tann 8. november á Dugna á Kambsdali, frá kl. 17. Øll eru hjartaliga vælkomin! 85 ára føðingardagur Fríggjadagin 31. oktober verður Sigrid Ziskason, Hoy­vík 85 ár. Dagurin verður hildin heima hjá dóttrini á Djúpa­ gilsvegi 34, 188 Hoyvík frá kl. 16.30 – har øll, ið vilja heilsa uppá, eru hjartaliga væl­komin. 70 ára føðingar­dagur 28. okt verður Hilmar Han­sen ( Hilmar hjá Ydda), Sal­tangará, 70 ár. Dagurin verð­ur hild­in leygardagin 1. nov í skótahúsinum við løkin, Runavík frá kl. 18. Øll eru hjartaliga væl­komin.