hósdagur 23. oktober 2014síða 23

23 Fríggjadagur 24. oktober 2014 · Nr. 121 Sosialurin Hugskot og viðmerkingar – send sms til 225000 ítróttur Víkingur skal oppa seg Víkingur - B68 Lars Müller leygardagin kl. 14.00 Sunnudagin var Víkingur partur av 3-3 oyggjauppgerð á útivølli ímóti longu niður­ flutta Skála. Í morgin er aftur oyggjauppgerð á skránni. Mótstøðuliðið longu niður­flutta B68, sum vitjar í Sarpu­gerði. Toftamenn vóru øgiliga uppsettir fyrsta tíman ímóti B36. Jógvan Martin Olsen hevur boðað frá, at hann ikki heldur fram sum venjari á Svangaskarði, og nú er spurningurin, um tofta­menn í farvæl dystinum fyri venjaranum og bestu deildini enn eina ferð megna at spenna seg út. Hjá Sigfríði Clementsen og hansara monnum hevur tað týdning, at finaluavrikið verður soleiðis, at tað undir­ strikar, at tað er nakað í tí, tá ið tað verður sagt, at í løtuni er Víkingur kanska besta liðið í landinum, og at tað harvið ikki er við síðuna av, tá ið tað verður sagt, at teir ljósa­bláu eru sera gott boð upp á FM heitið í 2015. Víkingur hevur tvær ferðir fyrr í ár vunnið á tofta­ monnum. 1-0 í Gøtu og 3-1 á Toftum. ÍF argar ofta NSÍ NSÍ - ÍF Petur Reinert leygardagin kl. 14.00 Støðutalvan sigur, at tá ið bólt­urin fer á rull tíðliga seinna­partin í morgin liggja euro­peisku atgongumerkini hjá NSÍ. Avbjóðararnir eru EB/Streymur og KÍ, sum hitt­ast við Margáir. Um NSÍ vinnur fulla úrtøku ímóti ÍF, so verða europeisku at­ gongu­merkini verandi við Løkin. Um tað endar við javn­leiki bæði við Løkin og við Margáir, so varðveitir NSÍ euro­peiska plássið. Um NSÍ ikki vinnur og annað liðið vinnur í Streymnesi, so verður tað vinnarin í Sunda­ lag­num, sum strýkur avstað við europeiska plássinum. Tølini siga, at tað oftast er tætt, tá ið talan er um oyggja­uppgerð millum NSÍ og ÍF. Fyrr í ár endaði tað 2-2 við Løkin, meðan ÍF vann 2-1 á heima­vølli. Í fjør vunnu liðini hvønn sín heimadyst – NSÍ 3-2 og ÍF 3-1 – og eina ferð endaði tað javnt – 3-3 í Fuglafirði. Nógvir siga farvæl við Margáir EB/Str. - KÍ Eiler Rasmussen leygardagin kl. 14.00 Tá ið EB/Streymur í morgin tekur ímóti KÍ verður talan um finalu hjá felagsliðnum, sum nógvu tey seinastu árini hevur verið við til at mynda toppin í landskappingini, og sum hevur verið fastur fúsur í steypafinalunum. Rúni Nolsøe hevur boðað frá, at hann heldur ikki fram sum venjari við Margáir. Arnbjørn Hansen hevur boð­ að frá, at nú er skeiðið hjá hon­um í barndómsfelagnum liðugt. Næsta kappingarár verður hann at síggja í HB troyggjuni. Tað ljóðar eis­ini fyri vist, at bæði Hans Pauli Samuelsen og Gert Hansen ikki fara at um­boða EB/ Streym næsta kapp­ingarár. Gert Hansen er lang­tíðar­ skadd­ur, meðan Hans Pauli Samuelsen í 2-0 sigrinum síðsta sunnudag var sera eyð­sýndur og annar av mál­ skjútt­unum. Hjá KÍ er tað ikki greitt, hvør fer at hava ábyrgdina av liðnum næsta kappingarár. Tað vil siga, at møguleiki er fyri, at dysturin í morgin verður tann síðsti hjá Eyðuni Klakstein við róðrið. Tølini siga, at tað oftast er trupult hjá klaksvíkingum við Margáir. Síðsti KÍ sigurin á útivølli ímóti EB/Streymi var í 2006. Tann dystin minn­ ast tey í EB/Streymi serliga væl. Fyrsta FM heitið var á stokkinum, og EB/Streymur var stórfavorittur á Mølini á Eiði, har Paul Clapson skor­ aði einasta málið, tá ið KÍ vann 1-0, og so endaði FM heit­ið hjá HB. Síðani hevur EB/Streym­ ur spælt heima­dystir­nar í Streymnesi, og har hevur tað higartil ikki eydnast KÍ at vinna. Fyrr í ár vann EB/Streymur 3-1, og tá var heima­liðið sera væl upplagt. Eis­ini á heimavølli hevur tað nógvu tey seinastu árini ver­ ið sera torført hjá KÍ ímóti EB/Streymi. Fyrr í ár glapp tó, tí tá eydnaðist tað Eyðuni Klakstein og hansara monn­ um at vinna 3-1. Skála av aftastu brík AB - Skála Páll Augustinussen leygardagin kl. 14.00 Eins og hjá B68 er tað greitt, at steðgurin hjá Skála í bestu deildini í hesum umfarinum bara verður eit ár. Skála er á tíggjunda og aftasta pláss­ inum. Fjarstøðan fram til B68 og níggjunda plássið er trý stig, og málmunurin hjá Skála er eitt mál verri, enn hann er hjá toftamonnum. Skála hevur 14 stig og mál­ munin -36. B68 hevur 17 stig og mál­munin -35. Støðutalvan sigur, at sann­líkið ikki er nakað ser­ ligt fyri, at tað skal eydnast B68 at vinna úrtøku í Gøtu. Um B68 einki fær burturúr, og um tað eydnast Paula Poulsen og hansara monnum at vinna á AB, so verður tað javnt í stigum ímillum tvey tey niðastu, og so verður mál­mun­urin hjá Skála betri, enn hann verður tað hjá B68. Síðani AB í triði síðsta um­fari við 2-1 sigri á Svanga­ skarði tryggjaði sær plássið í bestu deildini hevur tað ikki verið so nógv veiggj í argja­ monnum. Eftir 3-1 heimatap ímóti HB endaði tað síðsta sunnudag við 5-1 tapi í Klaksvík. AB avrikini hava verið merkt av, at fleiri av lykla­ spæl­arunum hava verið burt­uri frá orsaka av skaðum ella leikbannum. Tvær ferðir fyrr í ár er tað endað við javnleiki mill­um Skála og AB. Í fjórða um­fari var Skála á veg ímóti sigri á Argjum, men í síðstu sekund­ unum í tíðini, sum dómarin legði aftrat, javnaði Sorin Anghel til 1-1. 22. juni endaði tað í 14. umfari málleyst, tá ið Skála hevði vitjan av AB. VIT TIPPA Tróndur Arge tippar... 1: Heimasigur X: Javnleikur 2: Útisigur Fótbóltsserfrøðingarnir hjá Miðlahúsinum tippa umførini í Effodeildini Effodeildin støðan nr. lið dystir vunni javnt tapt + mál - mál +/- stig 1 B36 26 19 4 3 52 23 +29 61 2 HB 26 17 6 3 57 19 +38 57 3 Víkingur 26 12 10 4 57 29 +28 46 4 NSÍ 26 11 4 11 49 40 +9 37 5 EB/Streymur 26 10 7 9 39 33 +6 37 6 KÍ 26 10 6 10 41 36 +5 36 7 ÍF 26 7 7 12 34 48 -14 28 8 AB 26 6 7 13 29 59 -30 25 9 B68 26 4 5 17 22 57 -35 17 10 Skála 26 2 8 16 17 53 -36 14 1 x 2 1 x 2 1 x 2 1 x 2 1 x 2 fótbóltur Myndir: Álvur Haraldsen ÍF KÍ NSÍ Skála Víkingur Ikki við: Jógvan Isaksen (Knæskaði, ógreitt hvussu leingi), Frank Poulsen (Knæskaði, ógreitt hvussu leingi), Høgni Zachariassen (Brotið kjálkabeinið, ógreitt hvussu leingi) og Jan Ellingsgaard (Fiburspreinging, 1-2 vikur) Ikki við: Ivan Joensen (Leikbann) Ivasamt: Henry Heinesen (Skaði) Ikki við: Einar Tróndargjógv (Leikbann) Ikki við: Poul N. Poulsen (Slitið krossbandið, 9-12 mánaðir), Jákup Jacobsen (Brotið óstbeinið, skaddur restina av árinum), Teitur R. Joensen (Fluttur av landinum í lestrarørindum) og Høgni Midjord (Skaddur) Ikki við: Hans Jørgen Djurhuus (Skaddur, virus í balansuni, ógreitt hvussu leingi)