mánadagur 3. november 2014síða 25

25 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 3. november 2014 · Nr. 125 ítróttur Tróndur Arge Pál Joensen ynskir at greiða frá støðuni hjá honum til danska svimjisambandið. Í samband við grein í Politikken kennir føroyski svimjarin á sær, at føroyingar møguliga ikki heilt skilja støðuna hjá sær mótvegis danska svimjisambandinum. Serliga tá fleiri hava heft seg við, at Pál Joensen hevur boðað frá, at hann ikki ynskir at svimja fyri Danmark. – Fyri mongum árum síð­ ani segði eg, at eg aldrin fór at svimja fyri Danmark, við vón um, at arbeiðið fór at setast í gongd fyri at vinna okk­um limaskap. Ta tíðina var eisini nógv kjak um aðrar svimjarar, ið skiftu tjóð, við vón um at sleppa at luttaka til OL, men sum kravdi, at teir fingu 12 mánaðir karantenu frá altjóða svimjing, sigur Pál Joensen og leggur afturat. – Eg var tó so heppin, at tá ið OL í London nærkaðist, gjørdi Ítróttar Samband Føroya og Team Danmark eina seravtalu, har eg slapp at luttaka til OL uttan karan­ tenu, tó ikki fyri Føroyar. Sjálvandi hevði eg heldur vilja umboða Føroyar til allar kappingar, men eg havi so valt, at altjóða politisk mál skulu ikki forða mær, ið at røkka mínum málum, sigur Pál Joensen í viðmerking, sum hann hevur lagt út á Facebook profilin hjá sær. Pál Joensen, sum í dag býr í Keypmannahavn, fær nógvar ágóðar av at venja og taka útbúgving í Danmark. – Í dag búgvi eg í Keyp­ manna­havn við unnustu míni. Her eru okur bæði undir lesnaði, men eg venji líka nógv sum áður. Eg havi fingið avtalu við Team Dan­ mark, so at universitetið loyvir mær at taka mín lesnað í minum egna tempo, fyri at kunna venja sum vanligt. Eg venji á NTC (national training center) saman við heimsmeistarum og heimsmethaldarum og eg verið viðfarin á sama støði sum tey. Eg fái ikki bara ágóðan av at hava sama venjara sum tey, men eisini somu umstøður, so sum: Massør, fysioterapeut, kostráðgeva og fysiolog. Eg fari nakrar ferðir um ári á venjingarlegu og uttanlanda- kappingingar saman við NTC, har Svimjisamband Føroya fíggjar mín part, greiðir Pál Joensen frá. – Nú tá ið OL aftur byrj­ar at nærkast, vilja danir (bara danir á pappíri, tí lands­liðs­ venjarin er úr Onglandi) hava meg við í Great Danes, ið er eitt menningar-programm fyri danskar harra-svimjarar, fyri at fáa menninir betri integreraðar í tann altjóða hópin, samstundis sum hinir á liðnum kunnu hava ágóðan av mínum royndum í altjóða svimjing, sigur Pál Joensen og leggur at enda afturat. – Tað er ikki tann støðan eg hopaði uppá, tá ið eg segði, at eg aldrin fór at svimja fyri Danmark, men eg, saman við Svimjisamband Føroya, fái so nógv sum gjørligt burtur úr teimum umstøðunum sum nú einaferð eru og eg haldi sjálvur, at eg havi um­ boðað Føroyar til nógvar stórar kappingar, sigur Pál Joensen. trondur@sosialurin.fo svimjing Støðan hjá Páli Joensen er nakað broytt, síðani hann boðaði frá, at hann ikki vildi svimja undir donskum flaggi. Her greiðir Pál Joensen frá síni støðu Pál greiðir frá síni støðu Tað er nú greitt, at ikki færrri enn tríggir før­ oyskir svimjarar eru ímill­um teir svimjararnir, danir vóna at fáa við til olymp­isku leikirnar í Brasil í 2016 Svoem.dk skriv­ar 11 danskir svimj­ arar eru úttiknir til the Great Danes í ár og næsta ár. Her er talan um teir átta svimjararnar við flestu FINA stigum í lang­ hyli í teimum olympisku grein­unum. Samstundis eru teir báðir unglingar, sum vóru teir yngstu at røkka semifanaluni ella finaluni í EJM í ár Harafturat er Pál Joensen á liðnum og tað verð­ur ikki bara mett at vera ein styrkur fyri lið­ ið, men eisini hevur hann nógvar royndir at oysa av. Hinir báðir før­oysku svimjararnir á the Great Danes liðnum, eru Frans Johannessen, sum svimur fyri Esbjerg Svømme­ klub og sum er ætttur úr Funningi og havnar­drong­ urin, Magnus Jakupsson, í Sigma Swim í Allerød. Teir skulu allir í kapp­ ing í Luksemburg um mánaðarskiftið januar – februar, umframt nakrar aðrar kappingar. aki@sosialurin.fo Tríggir føroyingar á veg til olympisku leikirnar