týsdagur 4. november 2014síða 31

31 Mikudagur 12. februar 2014 · Nr. 18 Sosialurin Hugskot og viðmerkingar – send sms til 225000 Mikudagur 5. november 2014 · Nr. 126 ítróttur fótbóltur B36 var skikkiligast Havnarfeløgini vunnið flest stig Føroyameistararnir vóru tað liðið í Effodeildini, ið fekk fægst gul og reyð kort, so tí vinnur B36 fyri aðru ferð heiðurin »Fair Play Prize«, sum svenskarin Sören Flink letur Á eini maratonstigatalvu, sum svenska »Vänner av Färöfotboll« hevur gjørt yvir kappingarárini frá 1976 til dagin í dag, eru HB og B36 ovast við flest stigum Hilmar Jan Hansen Síðstu 10 árini hevur svensk­ arin, Sören Flink, fylgt sera væl við føroyskum fótbólti, og áhugin er so mikið stórur, at hann hesi árini hevur havt eina heimasíðu um før­ oyskan fótbólt burturav. Henda heimasíða, ið ber heitið »Vänner av Färöfotboll«, sæst á www. faroenews.se, og har verður trúliga fylgt við gongdini í ser­liga Effodeildini, men eis­ ini onnur føroysk fót­bólts­ tíðindi eru at síggja har. Av og á hevur Sören Flink eisini verið í Føroyum og hugt at dystum, og fleiri ferðir hevur hann verið her fyri at handa serliga heiðurin »Fair Play Prize«, ið verður latin skikkiligasta liðnum í Effo­deildini. Hetta verður gjørt upp á tann mátan, at tað liðið, sum í kappingarárinum hevur fing­ið fægst gul og reyð kort og sostatt fægst sektarstig, vinnur eitt serligt steyp, ið Sören hevur latið gjørt til enda­málið. Skipanin er tann kenda, at eitt gult kort gevur eitt stig og eitt reytt trý, og stendur á jøvnum millum tvey lið, vinnur tað liðið við fægst reyðum kortum. Stendur fram­vegis á jøvnum, vinnur liðið við fægst dystum uttan at fáa kort. Fyri aðru ferð B36, sum eisini vann í 2010, end­aði í ár ovast við 45 stig­ um, sum komu fyri 42 gul kort og bara eitt reytt, og tí var B36 trý stig betri enn Skála, fýra betri enn EB/ Streym­ur og seks betri enn B68, sum eru næstu kapp­ ingar­neyt­arnir. KÍ hevur verið óskikki­ligasta liðið í summ­ar við 65 stigum, og síð­ani koma AB við 63 og ÍF við 60 stigum. Í landskappingini í ár eru latin tilsamans 477 gul kort og 22 reyð. Tríggir teir størstu »syndarararnir« eru Hans Jørgen Djurhuus úr Víkingi við fimm gulum og trim­um reyðum, Heini Vatnsdal úr HB við níggju gul­um og einum reyðum og Jens Joensen úr NSÍ við sjey gulum og einum reyðum korti. B36 fekk tilsamans 42 gul kort, men bara eitt reytt kort. Sjálvt ferðasteypið er eitt serligt glaslistarverk, ið finska Kaisa Tukonen hevur gjørt til endamálið. Kappast hevur verið um tað síðani 2009, og reglurnar siga, at tað liðið, sum fyrst hevur vunnið steypið fýra ferðir til­ samans, vinnur tað til ognar. B36 hevur nú vunnið steypið tvær ferðir, og tað hevur EB/Streymur eisini gjørt, í 2011 og 2012. Hini, sum hava vunnið heiðurin, eru NSÍ í 2009 og 07 Vestur í 2013. hilmarjan@sosialurin.fo Einasta reyða kortið hjá B36 í ár fekk Hørður Askham í heimadystinum ímóti Víkingi tann 14. september, men hóast Hørður er verjuspælari, fekk hann harumframt bara eitt gult kort hetta kappingarárið Mynd: Álvur Haraldsen Hilmar Jan Hansen Eftir eitt lokið kappingarár ber altíð til at gera upp støðuna, og við teimum hent­leikum og tí hugflogi, ið er til staðar, ber sjálvandi eis­ini til at fáa alt møguligt burturúr. Ikki minst hevur heima­ síðan hjá FaroeSoccer latið upp fyri nógvum møgu­ leikum hjá teimum, ið dáma at spæla sær við hagtøl og forvitnisligar upplýsingar av ymsum slagi, ið kunnu lesast út frá dómaraseðlum og øðrum hagtalstilfari. Á heimasíðuni hjá svenska »Vänner av Färöfotboll«, sum Sören Flink røkir, er soleiðis ein maraton­stigatalva gjørd yvir allar spældar dystir í bestu mansdeildini í fót­ bólti frá 1976 og til dagin í dag. Trý tey ovastu liðini eru eisini tey trý, ið hava spælt flestar dystir í bestu deild­ ini, sum nú kallast Effo­ deildin. HB hevur spælt 738 dystir og vunnið 1.419 stig, B36 hevur spælt 710 dystir og vunnið 1.141 stig, og KÍ er á triðja plássi við 1.010 stigum fyri 711 dystir. Henda stigatalvan fevnir um tilsamans 22 feløg ella lið, ið tilsamans hava spælt 7.020 dystir hesi 39 árini, og tilsamans eru skotin 11.498 mál og latin 9,747 stig. Í 2.727 av dystunum varð ein vinnari funnin og tí eis­ ini ein tapari, men í 1.566 dystum endaði tað við javn­ leiki. Betri enn GÍ Umframt hesa vanligu maraton­stigatalvuna, ið snøgt sagt er sett upp sum ein vanlig stigatalva, men gald­andi fyri øll hesi árini, hevur Sören Flink gjørt eina alternativa stigatalvu, sum er gjørd upp eftir pro­ sent­vísu stigaúrtøkuni hjá hvørjum einstøkum av lið­ unum. Har er HB framvegis ovast, tí mest vinnandi liðið í før­oyskum fótbólti hevur vunn­ið 64,1 prosent av sín­ um dystum síðani 1976. Merkis­vert er, at nummar tvey er Víkingur og nummar trý GÍ, við ávikavist 57,5 og 56 prosentum, so saman­ leggingin av GÍ og LÍF hevur altso givið eitt lið, ið vinnur meira, enn GÍ gjørdi. EB/ Streymur hevur vunnið 54,8 prosent av sínum dystum, og á fimta plássi kemur B36 við 53,6 prosentum. Hesi fimm liðini eru eis­ ini tey einastu, ið kunnu breggja sær av at hava vunn­ið meira enn helvtina av sínum dystum – ella í øll­um førum at hava fingið meira enn helvtina av teim­ um stigunum, tey hava spælt um, tí øll hini 17 liðini hava eina úrtøku, sum ligg­ ur niðan fyri 50 prosent. hilmarjan@sosialurin.fo