hósdagur 4. desember 2014síða 5

5 Fríggjadagur 5. desember 2014 · Nr. 139 Sosialurin Hugskot og viðmerkingar – send sms til 225000 hava ávísar meiningar fyri at kunna sleppa inn í landið. Jógvan Páll Lassen hevur eisini hug at venda tí hin­ vegin. – Hvat høvdu føroyingar sagt, hevði okkurt land bann­ að føroyingum at koma til landið, tí at vit drepa grind, spyr hann. – Tað høvdu vit uttan iva tikið ógvuliga illani upp, legg­ur hann afturat. Forðar neyvan nøkrum Annars ivast Jógvan Páll Lassen í, um tað yvir­høvur ber til at forða fyri virk­ sem­inum hjá Sea Shepherd og øðrum felagsskapum í Føroyum. – Eg veit ikki, hvussu ætlan­in er at forða fyri, at Sea Shepherd skal koma til Føroyar at leggja seg út í grinda­dráp. – Skulu fólk, sum koma til landið, skriva undir eina váttan uppá, at tey lova at halda landsins lógir? Løgfrøðingurin heldur, at fólk, sum ætla at bróta lands­ ins lóg, fara neyvan at boða frá tí frammanundan. – Hetta forðar ikki fyri, at fólk koma til Føroya sum vanlig ferðafólk. Og hetta forðar teimum heldur ikki at savnast, tá ið grind er og at leggja upp ímillum. – Verður tað forboðið hjá ávísum bólkum at koma til Føroyar, koma tey bara higar upp á onkran annan máta, sum ikki er forboðin, eisini tá ið ætlanin at steðga grinda­ drápi, verri enn so er tað ikki. Útlendingar hava sama rætt Jógvan Páll Lassen heldur, at hetta er alt spurningar, vit eiga at lata løgregluna hand­fara. – Føroyingar vilja sleppa at drepa grind. Tey í Sea Shepherd eru ósamd í hesum og vilja forða okkum at drepa grind. – So mugu vit taka tað hað­ani frá. Bróta tey lógina, er tað ein spurningur, løg­ reglan tekur sær av. Tað er við hesum sum við øllum øðr­um lógar­brotum, at tað er løg­reglan, sum tekur sær av tí. – Og tað er mannagongd­ in, vit eiga at halda fast um í okkara fólkaræði. Vit hava nógvar royndir av, hvussu illa forboð roynist, so tað er ikki vegurin at fara. Skulu vit nokta ávísum bólkum at koma til landið, er tað ein vandakós, sigur Jógvan Páll Lassen. – Vit hava ein rættiliga grund­festan fólkaræðiligan rætt at vera ósamd og at mótmæla tí, vit eru ósamd um. Og tann rætturin er ikki bara fyri føroyingar, hann er gald­andi fyri øll, sum eru her á landi, eisini útlendingar. Hinvegin heldur Jógvan Páll Lassen ikki, at hetta kann samanberast við yvir­ gangs­lógirnar, tey hava aðra­ staðni. – Har er veruligir vandi á ferð. Hetta er meiri ein spurn­ingur um hugburð. Hetta er ein spurningur um at at nokta fólki, sum ikki hava ta røttu meiningina, at koma til Føroyar, og tað haldi eg ikki kann samanberast, held­ur hann – Men fyri tað er hug­ burð­urin í løgtinginum eitt sindur ræðandi, leggur hann afturat. Hinvegin ivast Jógvan Páll Lassen í, um landsstýrið kann gera nakað við hetta málið yvirhøvur. – Vit eru á ferð inn í tað revsi­rættariliga økið, og tað er ein spurningur, hvønn myndug­leika vit hava. – Harafturat er atkoman til Føroya ein spurningur um út­lendingamál, og tey eru ikki yvir­tikin. So tað verð­ur rætt­iliga torført hjá lands­stýr­inum at gera nakað við mál­ið, sigur Jógvan Páll Lassen. aki@sosialurin.fo BANNA SEA SHEPHERD Hetta hevur løgtingið samtykt Løgtingið heitir á landsstýrið um skjótast møguligt og í seinasta lagi 1. mai 2015 at leggja fram neyðugar lógarbroytingar soleiðis, at skipast kann ein verulig tilbúgving, og átøk fremjast, sum kunnu fyribyrgja, at umboð fyri felags­skapir og útgerð, ið hava til endamáls at fremja ólógligt virksemi ella hótta lóglig rættindi í Føroyum, kunnu koma til landið ella kunnu útinna fyrireikingar til tílíkt virksemi í Føroyum. Hartil heitir Løgtingið á landsstýrið um at leggja fyri Løgtingið eina frágreiðing, hvussu tryggjast kann ein støðug upplýsing mótvegis altjóða sam­felagnum um avleiðingarnar av ólógliga virk­ seminum og grundgevingarnar fyri átøkunum hjá føroysku myndugleikunum. Uppskotið varð samtykt við 18 atkvøðum fyri, átta atkvøðum ímóti og ein atkvøða var blonk Hetta er tað, løgtingið hevur samtykt í sambandi við royndirnar at forða sonevndum um­hvørvis­felags­ skapum at leggja seg út í grinda­dráp í Føroyum Fólk, sum ætla at bróta landsins lóg, fara neyvan at boða frá tí frammanundan Jógvan Páll Lassen Myndir: Álvur Haraldsen