hósdagur 4. desember 2014síða 40

Sosialurin nr. 139 · 5. desember 2014 Í ranga strúpan Tollarar og Syndarar Onnur fløgútgávan hjá bólkinum T.O.S. – stytting fyri Tollarar og Syndarar, er júst komin. Heitið á fløguni er: Tíð og ævinleiki. T.O.S. spælir tónleik, ið er eitt sindur torførur at seta í bás og kann kanska best lýsast sum ein vavstur av tónleikaligum íblástri úr øllum ættum. Bæði poppur, valsur og rokkur eru um­boðað í – ofta enntá í sama sangi. Fløguheitið, Tíð og ævinleiki, lýsir tekstliga innihaldið væl – her er bæði talan um tekstir, ið tosa um gerandismál og aðrir, ið viðgera trúgv og trúarmál. Í samband við nýggju fløguna bjóða T.O.S. til konsert í Reinsa­ rínum 13. desember, og í Mentanarhúsinum millum jóla og nýggjárs. Gangnam Style steðgaði YouTube Tað er ikki á hvørjum degi, at netgiganturin YouTube kemur í trupulleikar, men soleiðis var herfyri, tá ið Gangnam Style fór uppum tað loyvda talið av vitjanum. YouTube er innstillað soleiðis, at eitt einstakt videobrot einans kann vera víst 2.147.483.647 ferðir. Men í vikuni eydnaðist tað koreanska heimshittinum at fara uppum tað loyvda talið av vitjandi. Tí steðgaði teljarin hjá YouTube eina løtu, áðrenn síðan varð broytt soleiðis, at PSY kundi halda fram at skráseta hvørt klikk. Í skrivandi løtu er Gangnam Style víst 2.152.680.625 ferðir. Mount Everest í Leirvík Leygarkvøldið klokkan 19 verður fyrilestur og frásøgn um eina­standandi bragdið, sum leirvíkingurin, Arne Vatnhamar, framdi, tá hann sum fyrsti føroyingur stóð á heimsins hægsta tindi, Mount Everest. Tiltakið, sum er ókeypis, verður í skúlahøllini í Leivíkar skúla. – Hoyr um drúgvu fyrireikingarnar, út­gerðina, kuldan og ikki minst um, hvørjar tankar Arne hevði, tá hann stóð yvir fyri harðastu avbjóðingini í lívinum, sigur Eystur­kommuna, sum skipar fyri tiltakinum. Ungdómurin næstan samdur Øll ungmannafeløgini undantikið Ung fyri Miðflokkin vóru samd um, at tað skuldi bera til at keypa vín og øl í vanligum sølubúðum. Og øll uttan Ungmannafelagið Samband vóru samd um, at útlendingaøkið skal yvirtakast. In.fo reportaga frá pallborðsfundi í Hoydølum millum ungmannafeløgini baksíðan... lagt til rættis: Barbara Holm Tað býðjur mær ímóti at taka undir við einum uppskoti frá andstøðuni Bill Justinussen, um tað sokallað Sea Shepherd uppskotið, sum nú er samtykt – Tað tykist altíð ógjørligt inntil tað er gjørt Nelson Mandela, sum doyði 5. desember í fjør Illimaður blivin stovureinur! »Vissi tú følir tað soleiðis, at her kann fanin alt gera tað sama…« Dánjal Petersen, leiðari í Evangeliihúsinum í Havn, í sjónvarpsandakt Alt er ikki altíð, sum tað sær út... »Skúlarnir í Klaksvík virka sum tveir skúlar hóast samanlegging« Norðlýsið Hvar annars? »Danski Fólkaflokkurin størsti flokkur í Danmark« Norðlýsið Kunnu illa vera fleiri staðni... »Á einum banka við Føroyar svimja nakrir toskar, sum ikki eru at finna nakra aðrastaðni á jørð« Kringvarpið  Havaslanga? »Tað var ein løgin kensla, men eg var ikki bangin, sigur Gunnvør Hanusson, sum, ein dagin hon fór túr við hund­ inum, fann eina slangu í túninum.« Kringvarpið Vorðið sum last »Norðborg: Sildin vigar upp í 400 gramm« Portalurin