leygardagur 26. juni 2004síða 2

2 Nr. 120 - 26. juni 2004 Nr. 120 - 26. juni 2004 3 C M Y K 3 2 Miðbýurin gerast meira livandi Ein heildarætlan er nú komin fyri Dr. Jakobsensgøtu/Sverri sgøtu í Havn, sum skal vera við til at gera miðbýin meira livandi HEILDARÆTLAN Ingrid Bjarnastein ingrid@sosialurin.fo Miðbýurin skal gerast meira livandi, er greiði boðskapurin frá Jan Christiansen, borgarstjóra í Havn. Og fyri at tryggja, at so verður, er nú ein heildar- ætlan fyri Dr. Jakobsens- gøtu/Sverrisgøtu samtykt í býráðnum. – Byggisamtyktin fyri gøturnar er broytt soleiðis, at eigararnir kunnu fáa loyvi at byggja út, sigur Jan Christiansen. Bygningarnir skulu eftir ætlan kunna vera í trimum hæddum. Tað vil siga kjall- ari umframt tvær aðrar hæddir. Nógv virksemi Sum er í dag, so eru nógvir handlar, matstovur og annað á hesum báðum gøtunum. Ætlanin er eisini at halda tað soleiðis. Eitt av krøvunum hjá býráðnum er, at virksemi, sum verður í kjallaranum á matrikulognunum á gøtun- um báðum, hevur nakað við gøtuna at gera. Tað vil siga, at tað skal vera ein mat- stova, handil, barr, frisør- salong ella líknandi. Sostatt verður talan ikki um skriv- stovur, teknistovur, trygg- ingarfeløg og so framvegis. Tað verður eisini møgu- ligt hjá handlunum at byggja eitt lítið hálvtak út- frá handlinum. Jan Christi- ansen tekur dømi við Thomas Dam niðri í gongu- gøtuni. Ikki gongugøta Heildarætlanin er samtykt fyri at styrkja hjartað í býnum, sigur borgarstjórin. Í dag koyrir ferðsla eftir vegunum, og sum er nú, er onki, sum leggur upp til, at tað fer at broytast. – Ferðslan koyrir rímiliga væl, men við at skipa økið betri, so vænti eg, at vit kunnu fáa eina glíðandi ferðslu, sum spakuliga koyrir, sum hon ger í dag, sigur Jan Christiansen. Málið er longu samtykt í býráðnum og liggur nú til hoyringar, har øll kunnu gera viðmerkingar. Ein heildarætlan er gjørd fyri Dr. Jakobsensgøtu/Sverrisgøtu, sum skal vera við til at styrkja miðbýin Mynd: Jens Kr. Vang