mánadagur 15. desember 2014síða 21

5 Vinnublaðið hjá Miðlahúsinum nr. 8 I 15. desember 2014 óast Sandavágur kanska ikki er bygd, ið er kend fyri fiskaarbeiði, hevur bygdin fostrað og átt fleiri reiðarar, tí skip hava verið heima­hoyrandi har. Hinvegin hevur tað nógva fiska­arbeiðið har um leiðir gjarna verið í Miðvági, men har hava so bæði sanda­vágs­fólk og miðvingar arbeitt. – Tað hevur ikki verið hjá mær, sum hjá so nógvum øðrum, at tað hava verið tímar í egning ella øðrum, sum hevur havt við útróður og fiskiskap at gjørt, ið hevur fingið meg inn á hesa vinnuleiðina, men heldur aðrar umstøður, sigur Jens Pauli Petersen, sum er føddur og uppvaksin í Sandavági, men fyri kortum kom í starv sum stjóri í stóra felagnum Faroe Origin í Runavík. Talan er um felag, sum er millum tey stóru í føroysku fiskivinnuni, og tað eigur fiska­virkini í Runavík og á Toftum, sum fyrr kallaðust ávikavist Lynfrost og Nykur, um­ framt at trolararnir Heykur, Falkur, Stelkur, Bakur, Rókur, Lerkur og Skúgvur hoyra til felagið. – Eftir loknan barnaskúla fór eg á HF, men hóast tað kanska vildi verið meira upp­lagt hjá einum vágamanni at farið til Havnar, gekk eg á HF við Gøtugjógv. Hetta komst av, at eg átti eina systur á Skála, sum bjóð­aði mær at koma at búgva hjá sær, meðan eg gekk í skúla, so tí bleiv tað so. So skjótt sum HF-lesturin var liðugur í 1986, fór Jens Pauli til skips og sigldi meira ella minni í eini tvey ár. Hann var við Kuba- bátum í nakrar mánaðir og eisini sigldi hann við tveimum ísfiskabátum í Vágum, Leivi í Hesti og Leiti, og somuleiðis var hann ein túr í Svalbard eftir rækjum við Norð­ stjørnuni. Legði á annan bógv – Einaferð ætlaði eg mær at lesa til journa­ list, tí tað helt eg vera eitt øgiliga spennandi starv, men tað bleiv allíkavæl ongantíð til tað, sigur Jens Pauli Petersen, tá hann víðari for­telur, at hann eftir tíðina til skips í eitt ár arbeiddi á Tórsblaðnum, sum var eitt lýsingar­blað, ið kom í hvørt hús í Havn og á Skála­fjørðinum. – Tað vóru eitt systkinabarn hjá mær og ein annar, ið byrjaðu blaðið, sum eg fekk ábyrgdina av. Men eg hevði nú mest við lýsingar og sovorðið at gera, og tað var Martin Joensen, ið stóð fyri umbrótingini. Hvussu var og ikki, so var hetta tað einasta, eg havi gjørt, sum hevur verið í nánd av gamla ynskinum um at gerast journalistur. Í staðin skifti ungi sandavágsmaðurin kós og gekk aðrar leiðir, tí árini frá 1989 til 1991 las hann til fiskaríteknolog í Esbjerg, har talan var um blandað fak tað fyrsta árið og so meira fiskivinnukend fak tað seinna árið. Jens Pauli Petersen ætlaði einaferð at blíva journalistur, men hálsaði um og tók tvær útbúgvingar, sum hava við fiskivinnu at gera, og fyri kortum tók hann við stjórastarvinum í Faroe Origin, sum við tveimum fiskavirkjum og sjey trolarum er ein av teimum størstu aktørunum í føroysku fiskivinnuni Rávøran er størsta avbjóðingin framhald... Profilurin: Jens Pauli Petersen Tekst og myndir: Hilmar Jan Hansen