leygardagur 26. juni 2004síða 8

Nr. 120 - 26. juni 2004 15 Nógv fólk var komið saman í plantasjuni hósdagin, fyri at hoyra og heiðra stud- entar og HF'arar. Sól- in strálaði um kapp við nýklaktu pisur- nar, og gjørdi sjálv- sagt sítt til, at fund- urin eydnaðist so væl PISUFUNDURIN 04 Eydna Skaale eydna@sosialurin.fo Afturvendandi tiltakið, við at hava pisufund í plantasj- uni, er eftirhondini vorðin ein inngrógvin siður. Fundurin hevur tó verið hildin nógva ymsa staðni í plantasjuni, og fyrireikar- arnir í ár høvdu aftur valt at flyta røðarapallin til eitt nýtt stað. Hin so eyðkendi røðarapallurin, við før- oysku litunum, ið vit kenna best frá Vaglinum, var í ár ikki nýttur. Ístaðin vórðu talurnar hildnar av einum kletti, ið liggur niðan ímóti nonnuskúlanum. Hetta riggaði avbera væl. Fyrsta, sum fekk orðið var Marjun Kjelnæs, sum var gestarøðari. Síðani kom Katrin E.L. Jacobsen, ið helt studenta- røðuna. Saman við Benvør Ferjá Eyvindsson, Sunnevá Bech og Bjarna í Liða, hevði hon skrivað røðuna. Ì hesi røðuni var dentur serliga lagdur á valið, ið má koma eftir trý ár í Hoydøl- um. Nógvir vegir eru, sum kunnu verða valdir, men al- neyðugt er at velja ein veg, sum førir við sær frælsi at vera tann, tú er. Røðan minti pisurnar á, at við studentspróvnum fylgir ein ábyrgd, tí trý ára skúla- gongdin er ein íløga, sum samfelagið ger í ungdómin. HF røðan varð hildin av Janus á Ryggi, sum hevði skrivað røðuna saman við Boga Hjalt. Hetta var ein øðrvísi røða enn hinar undanfarnu. Har hinar vóru bókmentakendar, við nógv- ari myndatalu, var hendan meiri faktakend, við nógv- um endurgevingum. Hon viðgjørdi nútíðarsamfel- agið, eisini nevnt vitanar- samfelagið og nútíðar- menniskjað, eisini nevnt sjálvsøkna menniskjað. Nevnd vórðu nøkur dømi, Ghandi, móðir Theresa og Martin Luther King, ið megnaðu at liva eitt ósjálv- søkið lív, og sum enn í dag eru vitni um, at ikki er neyðugt at verða sjálvsøk- in, hóast livað verður í vit- anarsamfelagnum. Røðan var eisini um at tora at taka ábyrgd og hugsa sjálvstøð- ugt. Nýklaktu pisurnar og hf'ararnir fingu sostatt nøkur álvarsorð og góð ráð frá røðuhaldarunum, at hava við á leiðini framyvir. Ein stak góð løta í Viðar- lundini, sum aftur í ár hevði ein so serstakan dám, merktan av gleði, men eis- ini av sorgblídni. Tí so varð hetta tíðarskeiðið liðugt. So varð hetta tíðarskeiðið liðugt ...-inni við tað myrkagrøna, næstan brúnliga kjarrið, gekk ein einsamøll meyra. Tað var Magnifik Meyra Miro... Hann var komin til eitt vegamót. Ein kross- veg, ið fór sundur í ikki færri enn átta vegir. Bangin hugdi hann rundan um seg og alt í einum varnaðist hann, at hann ongantíð áður hevði upplivað, at eingin onnur meyra var í eygsjón. Fyri fyrstu ferð nakrantíð var Magnifik Meyra Miro púra einsamallur. Fjáltur- stungin vendi og snaraði hann høvdinum. Hann gekk nøkur fet, men vendi beinanvegin við og stillaði seg aftur í miðjuna, har vegirnir møttust. Valið ørkymlaði hann, og hann segði við seeg sjálvan: "Meyra, tú kanst ikki ganga eftir átta gøtum samstundis". Pisurøðan ...Hugburður okkara er ofta: "Eg eri bert ein lítil partur av teirri stóru heildini; tí havi eg onga ávirkan". Men vit áttu heldur at spurt, hvat heildin var uttan smáu partarnar... HF-røðan ...Franski heimspekingurin, Descartes, segði: "Eg hugsi, tí eri eg." Spurningurin er so , um vit, sum nú verða liðug, kunnu siga: "Vit hugsaðu, og tí verða vit til nakað"... HF-røðan ...Menniskju verða fødd óvitandi, men ikki býtt. Tey verða gjørd býtt ígjøgnum sína útbúgving... Bertrand Russel, HF-røðan ...Klekir skúlaskipan okkara pisur, sum tora og duga at hugsa sjálvstøðugt, ella klekir hon pisur, sum allar hava sama hugburð og tískil allar flúgva somu leið í stórum trunka?... HF-røðan ” “ Mynd: Jens Kristian Vang Mynd: Jens Kristian Vang 15 14 Nr. 120 - 26. juni 2004 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundir føðingardagar, brúðleypsdagar, starvssetanir og -dagar. Mikudagin 23. juni var dópur í Sándágerði í Havn. Tað var samkoman Lívdin í Hoyvík, sum skipaði fyri. Nógv fólk vóru komin saman á sandinum. Jógvan Zachariasen, leiðari í sam- komuni, segði nøkur orð, ein sangur bleiv sungin, og síðan fór dópurin fram. Tað vóru havnardreing- irnir Ari av Rana, 17 ár, og Napoleon Smith, 16 ár, sum vórðu doyptir. Hetta er ikki fyrstu ferð at dópur er farin fram í Sandagerði. Jóansøkudag 24. juni fylti Hansina Larsen í Havn 80 ár. Hansina er ættað úr Kvívík. Foreldrini vóru, Súsanna Kathrina, nevnd Kinna, av Eystaruhellu í Kvívík, og Petur Joensen, av Skælingi. Hon giftist jóansøkudag 1950 við Helmuth Larsen, g r ó t h ø g g a r a m e i s t a r a (1921-1985), úr Keyp- mannahavn. Helmuth Larsen kom til Føroyar í februar 1946. Hann var boðsendur av Føroya Mekaniska Grót- idnaði til at høgga stand- myndina av V.U. Hammers- haimb, á Debesartrøð, í føroyskt grót, eftir modelli av Janusi Kamban, lista- manni. Hetta arbeiðið gjørdi Helmuth saman við faðir sínum, Lars Larsen, gróthøggara, sum var staddur í Føroyum. Í 1967 stovnaði Helmuth Larsen sítt egna grótvirki í Havn. Virkið sum í dag eitur Grótvirkið Helmuth Larsen. Børnini hjá Hansinu og Helmuth eru: Høgni, Gisla, Annika og Ingun, sum øll búgva í Havn. Hansina eigur 9 ommu- børn og 2 langommubørn. Frá 1. juni 2004 er Annika Krosstein sett sum stjóri í P/F Svend Krosstein í Havn, saman við pápanum, Svend Krosstein. Annika er 39 ára gomul. Hon fór í skrivstovulæru hjá P/F Svend Krosstein í 1982 og tók HH-prógv á Føroya Handilsskúla í 1989. Hon hevur arbeitt sum bókhaldari og á skriv- stovuni í fyritøkuni. Svend Krosstein stovnaði P/F Svend Krosstein í 1966. Fyrstu árini helt fyri- tøkan til Yviri við Strond. Í 1980 varð flutt í nýggjan virkisbygning á Falkavegi 6, har fyritøkan heldur til. Svend er í dag 74 ára gamal. Hann ættaður úr Klaksvík og hevur búð í Havn síðan 1956. Hann tók hægri handilsskúlaprógv á Niels Brocks Handelshøj- skole í Danmark í 1955, og var eitt ár í London har hann gekk á handilskúla og arbeiddi sum skrivstovu- maður. Frá 1956 til 1966 ar- beiddi hann sum bókhald- ari hjá P/F Thomas Dam í Havn. P/F Svend Krosstein er bæði heil- og smásøla sum selur alt innan vatnveiting, kloak, hitaverk, sanitet og ventilatión. Harumframt er eisini eitt stórt úrval av veiðireiðskapi til brúks á sjógvi og landi. Í løtuni eru 20 starvsfólk í fyritøkuni. Í dag, 26. juni kl. 13.00 giftast í Sjóvar kirkju Kristina F. Højgaard Johansen av Strondum og Jóni Rasmussen av Skála. Døgurði verður fyri innboðin í Ítróttarhøllini á Skála kl. 17.00. Vælkomst verður eftir kl. 21.00. Í dag, 26. juni kl. 16.30 giftast í Vesturkirkjuni Majbritt Bisp úr Tórshavn og Alexander Joensen, Undir Gøtueiði. Veitslan verður fyri innboðin kl. 19.00 í kantinuni á Læraraskúlanum. Í dag, 26. juni giftast í Prestagarðinum á Gjarðanesi Hansa Ottosdóttir, Saltangará og Tummas Símin Høj, Strendur. Døgurði verður í Bygdarhúsinum á Strondum kl. 18.00 fyri innbodnum. Opið hús verður frá kl. 22.00 við drekkamunni, har øll eru hjartaliga vælkomin. Í dag, 26. juni kl. 16.00 giftast í Godthåbskirkjuni Andrea Vinten, Keypmannahavn og Todi Jónsson úr Klaksvík. Brúdleypsadr.: Restaurant Kongens Have, Kronprinsesse- gade 13, 1306 Kbh.K. Í dag, 26. juni kl. 15.00 giftast í Býráðshøllini í Klaksvík, Ragnhild Asbjørnsdóttir Justesen, Klaksvík og Petur Sigurd Justesen úr Hvannasundi. Í dag, 26. juni kl. 14.00 giftast í Ebenezer Laila Haraldsen av Argjum og Sámal av Reyni úr Tórshavn. Veitslan verð- ur á Reyni Service kl. 18.00. BRÚDLEYP Annika Krosstein, Tórshavn: Sett sum stjóri í P/F Svend Krosstein Annika og Svend Krosstein, stjórar í P/f Svend Krosstein Mynd: Jens Kristian Vang Hansina Larsen 80 ár Mynd: Jan Müller Napoleon Smith og Ari av Rana: Doyptir í Sandágerði Napoleon Smith og Ari av Rana vóru doyptir í Sandágerði seinasta mikudag Mynd: Magnus Gunnarsson Í dag fyllur Valborg Jensen, av Sandi 80 ár. Tey, ið ynskja at heilsa uppá eru vælkomin í Missións- húsið kl. 15.00-19.00. 80 ÁR Jacob Mouritz Olsen, Klaksvík, hevur tann 23. juni 2004 lokið prógv sum Bachelor í samfelagsfrøði á Ålborg Universitet. PRÓGV C M Y K 14