mánadagur 22. desember 2014síða 10

Mánadagur 22. desember 2014 · Nr. 146 10 Sosialurin Hugskot og viðmerkingar – send sms til 225000 Nú nærkast jólum og at vit glað og lukkulig kunna gleð­ ast saman við okkara kæru felags um okkara vin Jesus, ið varð føddur jólanátt og sum gekk leiðina út á Golgata og lat har sítt lív fyri okkum, soleiðis, at hvør tann sum trýr á hann, ikki skal glatast, men eiga tað æviga lívið. Men fyri nøkur blivu hesi jól ikki tey somu sum seinastu jól. Ein, ið man elskaði, var farin um sýnuna til annan stað. Fyri familjuna hjá Ewaldi Sørensen varð hetta soleiðis: Tann triðja juli 2014 flutti Ewald heim til Harran, sum hann hevði tænað alt sítt lív við sínari stillu gongd, talu og sangi. Frá ungum árum kom eg at kenna henda stilla mann. Eg møtti hesum unga og sera vakra manni í míni heimbygd Skála. Tað, sum hugtók meg mest, var, tá ið eg møtti honum, so hugdi hann róliga og við sínum vakra smíli uppá meg og kundi syngja eitt vers av sanginum: Àh sign­aða framtíð tað gott er at vita at ævigur bústaður er fyri stavn skjótt kemur vár frels­ari okkum at flyta frá fold­ini inn í ta himmalsku havn. Eisini minnist eg, at eg sum ungur plagdi at fara í handilin hjá Kjølbro, eisini kallað stóra hús á Skála. Har plagdi eg at møta Ewaldi og bað eg hann syngja fyri mær. So tók hann meg til síðis og so minnist eg, sum var tað í gjár, at hann við síni stillu og góðu rødd sang fyri mær. Enn stendur hetta livandi fyri mær og syngi eg ofta sjálvur hendan sangin: Eg elski Guðs fólk og eg elski Guðs borð eg elski Guðs sannleik at hoyra eg eigi Guðs lyftir eg eigi Guðs orð og hvat skal eg ynskja mær meira. Tá eg fyri uml. trimum ár­um síðani helt mín 75 ára føðingardag, og vit vóru uml. 250 fólk samlað, bað eg hann koma út og syngja fyri okkum. Eisini heitti eg á hann, tá eg skuldi siga nøkur orð á rás 2. Sangurin, ið hann sang, var eg eigi hirðan ein mær kærur er. Eg kann ikki siga, at eg minnist Ewald á talarastóli; men meira á gøtuni og har hann ofta kom yvir til ein og sang eitt ørindi, ið fylti hansara lív. Tann dagin Ewald fór til gravar, kom ein trúgvandi vinur til mín í gongini í Ebe­ nezer og hann segði:,, Nú er ein av tínum bestu vinum farin.” Eisini fevndi familja hansara um meg og gjørdi hetta mær gott. Mín høgt elskaði vinur, Ewald. Nú ert tú farin um sýnina, farin inn í ta tryggu havn, sum Harrin Jesus vann tær á Golgata. Til tykkum, konu Ewald og familju má Jesus fylla hansara pláss á jólum og í framtíðini. Ewald takk fyri alt tú vart fyri meg, Hjalgrim Davidsen. Bert tey vera við í tí syngjandi skara Sum her funnu frið við sín Guð Í trúnni á Jesus vár frelsara kæra Bert teimum skal falla hin lukka í lut. Áh songur sum tónar um Guðs paradís Tá einglar og frelst syngja lambinum prís. Hjalgrim Davidsen Minningarorð um mín góða vin Ewald Sørensen Richard Poulsen f. 25.11.1949 d. 22.10.2014 Tøkk til Emil Olsen prest fyri góð og vøkur orð. Tøkk til kirkjutænarar og sangarar og tøkk fyri alt hjálpsemi í sambandi við jarðarferðina og ervið. Tøkk fyri blómur og kransar. Familjunnar vegna Poula og Hans Jákup Tøkk Hjartaliga takka vit øllum tykkum, sum á ymsan hátt gleddu okkum á gullbrúdleypsdegi okkara, sum vit hildu 6. desember 2014. Við ynski um eini gleðilig jól og eitt av Harranum signað nýggjár. Blíðar heilsanir Hjørdis og Jacob Ludvig Vit takka hjartaliga fyri sýnda samkenslu og hjálpsemi, tá góða kona, mamma, vermamma, omma, langomma og olduromma okkara Dania Josefine Olsen f. 25.06.1928 - d. 24.10.2014 andaðist og varð jarðað. Tøkk til heimahjálpirnar, sum passaðu hana, meðan hon var heima. Tøkk til Eysturoyar røktar- og ellisheim fyri góða røkt og vælvild, meðan hon búði har. Ein serstøk tøkk til leiðslu og starvsfólk á Røktarheiminum í sambandi við ervið. Tøkk til Súna fyri góð og troystarrík orð á Røktarheiminum, og Meinhard Bjartalíð prest í kirkjuni. Tøkk til kirkjutænara, sangara og gravara. Tøkk fyri gávur til Rituvíkar missiónshús. Tøkk til tykkum mongu, sum fylgdu henni til hennara seinasta hvíldarstað. Vit ynskja øllum eini gleðilig jól og Harrans signing í komandi ári. Familjunnar vegna Arnholt