mánadagur 29. desember 2014síða 26

Mánadagur 29. desember 2014 · Nr. 147 2 Sosialurin Brot og bitar úr árinum, ið fór Í nánd av ársskiftinum verður ofta tikið til, at »eitt ár er farið«. Tað merkir sum oftast, at nú hava vit havt eitt ár við ymsum upplivingum, fjølbroyttum royndum og helst bæði góðum og minni góðum løtum. Og tá vit skifta eitt ár út við eitt annað – sum nú, tá vit fara frá 2014 til 2015 – brúka vit ofta ta løtuna til at gera upp og minnast aftur á tað, farna ella farandi árið hevði at bjóða. Summi verða heilt rørd, hvørja ferð eitt ársskifti er, tí tað kennist sum at siga einum kenningi farvæl, tá 2014 nú fer aftur um bak. Hetta er ein, vit hava kent í eitt heilt ár, so einki er at siga til, at tað kann kennast sorgblýtt at lofta skilnaðinum, ið ikki slepst undan. Men sum í øllum øðrum lívsins viðurskiftum, er í veruleikanum einki val, tí 2014 fer nú sín veg – óansæð, hvat vit annars gera við tað. Tá kann tað kanska vera ein uggi, at ein nýggjur kenningur stendur og trippar og er spentur at koma inn í okkara lív. Tað er 2015, ið vit bæði vænta okkum nógv av og hava stórar vónir til, tí nú skal alt vera betri, enn tað var í 2014. Vit seta okkum fyri, at okkara partur skal ikki liggja eftir, tí vit vilja ikki gera mistøkini umaftur, vit gjørdu í skjótt farandi árinum, og tí taka vit sum givið, at 2015 í allar mátar verður betri. Og sum um tað ikki var nóg mikið, at vit bara væntaðu og vónaðu, so eru tað tey, ið leggja so nógv í eitt ársskifti, at tey beinleiðis lova høgt og heilagt, at tey á einum og øðrum øki skulu taka sær betri partar fyri. Nýggjárslyftini tróta ikki, tí øll vísa góðan vilja og vóna ikki, at tey skulu renna seg føst í orðunum hjá Paulusi, ið so vísiliga staðfesti, at »andin er fúsur, men holdið veikt«. Einki er óført, tá fólk skulu leggja av at roykja, drekka og eta, umframt alt annað, ið skal gerast. Og hjá summum er bara nóg mikið, at tey senda eini sms-boð, so er teirra lukka tryggjað í tí harrans ári 2015. Veruleikin er bara tann, at eitt ár er ikki annað enn eitt ár. Vanliga telur tað 365 dagar og fjórðahvørt ár 366, og vanliga er tað 52 vikur og eitt samdøgur til longdar, umframt at tað byrjar og endar sama dag í viku. Tað vil siga, at tað einasta, vit við vissu kunnu siga longu nú um 2015, er at tað byrjar og endar hósdag! Á hesum síðum hyggja vit aftur á 2014 við denti á persónssøgur og frásagnir, heldur enn komandi og farandi tíðindi. Tíðindi nytta einki, tá tíðin er farin frá teimum, og longu í morgin kann henda, at hesar síður gera størst nyttu sum pakkitilfar hjá teimum, ið selja fisk og chips. Men endamálið við hesi afturlítandi útgávu er heldur ikki, at tú skalt dragast ígjøgnum góð og minni góð tíðindi frá farna árinum, men heldur, at tú rundan um komandi ársskiftið kann verða undirhildin við einum samandrátti av nøkrum søgum, vit hildu vera góðar á prenti hetta árið og tí eisini tola eina lítla endurtøku. 2015 – ein samgongd nýskipan Út við 14 inn við 15 Gott nýggjár! við Høgna Djurhuus E ndiliga sleppa vit av við enn eitt ár, vónandi gera vit tað. Rakettir verða sendar upp fyri at skjóta árið niður. Væntandi rakar onkur teirra, ein neyðrakett um ikki onnur, so vit kunnu fáa eitt nýtt ár og ikki skulu halda fram at siga 14 í 15. Tað er eitt sindur tollut, og tað eru vit jú ikki í Føroyum, tollut. Tað plagar at lukkast at skjóta árini niður. Í Miðeystri skjóta tey rakettir alt árið, so har skifta tey ár ofta um árið. Hóast vit eru undirdíkt í religión í Føroyar, kríggjast vit ikki, ivaleyst tí, at vit enn bara eru eittans fólka­ slag her. Tá vit gerast fullveldi í stað­in fyri hjáveldi, noyðast vit at taka onnur inn í landið. Tá verður meiri futtur í, eisini aðrar daga í ár­inum enn tann seinasta og tann fyrsta. Tá vera fjúsini nógv og stutt. Vóru bara tey gudiliga frelstu í land­inum stóð væl til. Men her eru so nógv onnur frelst, sum prædika sínar sannleikar. Tað ræður tó fyrst og fremst um at raka árið. Tað gjørdu teir í B36, halda tey. Í B36 var øgiligur rómur og ikki minni reyp, tí B36 bleiv Føroyameistari. Tað er einki at reypa av. Allir kunnu gerast Føroya­ meist­ari. TB hevur verið Føroya­ meist­ari, GÍ var Føroyameistari, EB/Streymur hevur verið Føroya­ meistari, VB hevur verið Føroya­ meistari. Ja, enntá HB hevur verið Føroya­meistari. Segði onkur ÍF? Ja, eis­ini ÍF var Føroyameistari. So tað er einki fyri. Nei, Havnar­ meistari, tað er nakað av reypa av. Og HB er Havnarmeistari. Skal nakar í Havn reypa um fótbólt í tjúgu­fjúrtan eru tað tey í HB. Tí teir eru Havnarmeistarar. Og bara tvey feløg kunnu gerast Havnarmeistari. Víkingur kann ikki gerast Havnarmeistari. Heldur ikki KÍ ella TB, hvørki EB/Streymur ella ÍF kunnu gerast Havnarmeistari. Eg siti framvegis ikki á feys­ bukk­uni, fái ikki skræpuna, tá hon annars gonnur, ella skulu vit siga rennur sum ein statementandi ebola­lík ólekjandi farsótt. Siti ikki á feys­bukkuni, so eg veit ikki so nógv um, hvat hendi í árinum, sum fer. Landsstýrið vísir aftur, at tað ikki fær nakrar nýskipanir í lag. Hatta er bara ein gomul, skipað lygn hjá andstøðuni og fjølmiðlunum, siga tey. Árið 2015, sum kemur fyrsta dagin, sama um vit vilja hava tað ella ei, er ein nýskipan. Lands­stýrið samtykti beint fyri jól, at tann 1.januar í 2015 byrjar 2015. Og øll fiskiloyvi halda fram óskerd. And­støðan yvirbjóðar, tí val er væl á veg, og boðar longu nú frá, at tann 1. januar í 2016 byrjar 2016. Samgongan mælir frá, tí lands­ stýrið arbeiðir longu við málinum. 1.januar í 2018 er ikki vorðin valagn enn. Fiskiloyvi krevst ikki at taka gággu til agn. Føroyar eru eitt farvæl val­ ferðar­samfelag, har sum fleiri eru fá­tæk enn arbeiðsleys, har sum nógv hava nógv og nógv millum lítið og einki og minus einki. Eingin veit, hvørji tøl eru røtt, 20 krónur um dagin ella 16.000 kr. um mánaðin, góðar 500 um dagin, fyri at ganga hendur í lumma. Eru bæði tøl propaganda, ella bara annað? Og hvat er so ikki? Ársins kvinna í Føroyum er sponsk og eitur Anita. Besti føroyski filmurin í ár er »Sum einglar vit falla.« Hann fekk sjálv­andi ongan Geyta, undir­halds­ virðið var ov lítið. Vónandi fekk hann fleiri atkvøður enn mína. Løgið, at fakfeløgini ikki hava mótmælt, at 2015 kemur, uttan at tey eru hvørki spurd ella hoyrd. Mót­mæli á Vaglinum. Fjúsið er styttri enn mid­náttar­ rokið. Nógvar ferðir 20 krónur fara til himmals, hagar bønirnar hjá teimum neyðstøddu ikki røkka. Hann har uppi sær bara neyð­ rakettirnar og frøist. Árið er við at fara undan okkum. Latið okkum ikki falla í fátt, men detta útí. Sum ein segði klokkan tvey nýggjársdag: nú havi eg verið fullur í tvey ár, og tað er einki fyri. umafturafturum