týsdagur 6. januar 2015síða 18

Mikudagur 7. januar 2015 · Nr. 2 18 Sosialurin Hugskot og viðmerkingar – send sms til 225000 Vilmund Jacobsen Føroyska kvotan á Flemish Kap í ár er stívliga 3.000 tons. Undanfarin ár hevur hetta verið ein felagskvota, har trolarar og línuskip - bólk­ur 2 og 3 - hava verið felags um alla kvotuna. Í ár verður tað ikki soleiðis, tí nú hevur lands­stýris­maðurin í fiski­vinnu­málum, Jacob Vester­gaard, sett eitt skott í, soleiðis at 2/3 av kvotuni - ella stív­liga 2.000 tons - verða til línu­bátar at fiska og stívliga 1.000 tons til partrolararnar. Línuskipini, sum nú hava sett kós móti Flemish Kap, eru soleiðis farin at fiska av felagskvotuni hjá línu­ skipum. Herfyri loystu frysti­línu­ skip­ini, Klakkur og Eivind, og Kambur er eisini millum skip­ini, sum hava sett kós vest­ur um hav. Eingin bólkakapping Jacob Vestergaard vísir á, at í ár verður tað ikki soleiðis, at føroysku línuskipini á Flemish Kap fara at fáa kapp­ing frá trolarunum og held­ur ikki øvut. - Í byrjanini vistu vit ikki ordi­liga, hvussu tað fór at vera millum línu og trol. Tað fyrsta árið, tá skipini fóru yvir, vísti tað seg, at trol­ ar­ar­nir fingu einki, meðan línuskipini fingu nógvan fisk. Í fjør var so aftur yvir­ váð til trolararnar, sum fingu meira enn línubátarnir. Jacob Vestergaard sigur, at nú er so skottið sett í, sum um­hugsað hevur verið fleiri ferð­ir. - Tað merkir, sigur lands­ stýris­maðurin, at línuskipini fara at fáa frið at fiska innan fyri ta heildarkvotu, sum teim­um verður tillutað. Tá so trol­ar­arnir fara yvir, hava teir sín part - ella stívliga 1.000 tons - at fiska á Flemish Kap. Skottið merkir, at í ár ver­ð­ur eingin kappfisking á Flem­ish Kap millum føroysk línu­skip og trolarar. Tíðliga avstað Landsstýrismaðurin í fiski­ vinnu­málum sigur, at nú klárt er hjá línubátunum at fara á Flemish Kap, og nøkur skip longu eru ávegis hagar, merk­ir tað, at skipini longu nú kunnu leggja sær árið betri til rættis. - Sagt plagar at vera um veður­lík­indini á Flemish Kap, sum tey ofta eru vánalig í januar og februar. Men, skip­ini vildu helst sleppa av­ stað beinanvegin, tí gjarna er fiski­skapurin góður, eins og fisk­ur­in er góður hesa ársins tíð. Jacob Vestergaard sigur, at kvotan hjá línuskipunum er útlutað sum felagskvota til ávikavist bólk 2, sum er par­trolar­ar og til bólk 3, sum eru línuskip. - Eg fjør var tað soleiðis, at tað í størstan mun vóru tey best egnaðu skipini, sum fóru yvir á Flemish Kap. Vit hava nú fingið nøkur frysti­ línu­skip, sum eru væl egn­ aði. Tað eru hesir, sum nú hava loyst og hava sett kós vest­ur­eftir. Tað verður tað sama við trolarunum, har tað verða frystitrolararnir, sum fara at royna hesar leið­ir. Men, tann, sum fiskar í hes­ um bólkum og søkir um at sleppa á Flemish Kap, kann fara, sigur hann. Neyvan á ísfisk Landsstýrismaðurin vís­ir á, at túrarnir hjá fesk­fiska­ skipu­num, sum hava verið á Flem­ish Kap hini bæði ár­ini, hava roynst ógvuliga ymisk­ ir. - Um tað skal eydnast hjá feskfiskaskipum, skulu bæði fiskiskapur og veður vera til vildar. Tað er risiko við slíkum túrum, og tí er lít­ið sannlíkt, at fleiri fesk­ fiska­skip fara hesa longu leið um háveturstíð, sigur Jacob Vester­gaard. Eingin kappfisking millum bólkar á Flemish Kap í ár - Línuskipini á Flemish Kap fáa nú frið at fiska innan fyri ta heildarkvotu, sum teimum er tillutað. Tá so trolararnir fara yvir, hava teir sín part at fiska. Skottið merkir, at í ár verður eingin kappfisking á Flemish Kap millum føroysk línuskip og trolarar, sigur Jacob Vestergaard, landsstýrismaður í fiskivinnumálum Vilmund Jacobsen Eins og fleiri aðrar kom­mu­ n­u­r, kunnu tey í Nes kom­ mu­nu eisini fegnast um, at skattainntøkan fyri far­na ár er størri enn í und­an­far­ na ári. - Fyribils­skatta­av­rokn­ ing­in fyri desember í 2014 er á 3.209.303 krónur ímóti 2.924.475 krónum í 2013. Tal­ an er soleiðis um  284.828 krónur fleiri - ella ein vøkst­ ur í prosentum á 9,74. Sambært Taks var  fyri­ bils­skatta­inntøkan hjá Nes kom­mu­nu fyri  2014 34.533.633  krónur ímóti 33.193.162 krónum í 2013. - Hetta svarar til eina meir­inn­tøku  í 2014 á 1.340.471 krónur, svarandi til 4,04 prosent. Nes kommuna veit at siga, at í mun til løgdu fíggjar­æt­lanina  fyri 2014 er fyri­bils­inntøkan fyri 2014 til­samans 5,93 prosent hægri enn mett. Skattaprosentið í Nes kom­mu­nu í er 20,5, og tað hevur verið óbroytt síðani 2006. Skattainntøkan vaks við stívliga 4 prosentum - Fyribilsskattainntøkan fyri 2014 er 1.340.471 krónur hægri enn í 2013. Hetta er ein vøkstur á 4,04 prosent, sigur Nes kommuna Í Nes kommunu fegnast tey eisini um størri skattainntøkur í 2014 - Tað hevur týdning fyri línuskipini, at tey longu nú sleppa yvir á Flemish Kap. Á hend hátt kunnu tey eisini betri leggja fiskiárið til rættis, sigur Jacob Vestergaard, landsstýrismaður í fiskivinnumálum Í øllum førum trý frystilínuskip hava sett kós vestur um hav og fara at fiska av felags línukvotuni har yviri, sum í ár er stívliga 2.000 tons. Myndin er av Kambi, sum saman við Eivindi og Klakki eru á veg yvir á Flemish Kap