týsdagur 6. januar 2015síða 17

17 Mikudagur 7. mikudagur 2015 · Nr. 2 Sosialurin Hugskot og viðmerkingar – send sms til 225000 deyvu um Jesus í Havn. Hetta húsið, sum var liðugt bygt í 1983, verður kallað Deyvahúsið í dag, og tað skuldi nýtast til tiltøk fyri tey deyvu í Føroyum og eisini kunna hýsa teimum deyvu kring landið, sum vitja høvuðsstaðin. Seinni vórðu eisini møti hildin har hvønn sunnudag. Arbeiðið millum tey deyvu í Føroyum tók al­ samt meir tíð, og til endans gavst Jan sum prentari, og tá halgaði hann alla tíð sína til at arbeiða millum tey deyvu. Tilknýti til Danmarkar verður sterkari Deyvahúsið í Havn fekk av og á vitjan úr Danmark, og Jan varð ofta biðin at koma til Danmarkar at prædika evangeliið fyri teimum deyvu, tí har var tørvurin størri enn í Føroyum, sigur hann. Í Danmark eru um leið 4500 deyv, og 50 av teimum eru trúgv­andi. Í 1996 flutti Jan síðan til Danmarkar at búgva. – Eg vitjaði deyv kring alt Danmark. Tey deyvu skiltu so lítið av tí, tey lósu í Bíbliuni, so eg hjálpti teimum at skilja boðskapin við at greiða frá. Fleiri vórðu tá umvend, og nú hava vit eina samkomu í Keypmannahavn, sigur hann. Meðan Jan greiðir frá sam­komuni Døves Fri­kirke, har hann virkar sum fyri­ støðu­maður, ringir telefonin hjá honum. Hon „vibrerar“ ógvusliga, og ljósið blinkar. Jan tekur telefonina, sum er ein stór iPhone 6, og letur upp appina Facetime/Skype. Tað er ein deyvur vinmaður, sum ringir, og teir báðir práta óført eina løtu. Jan lívgast upp, með­an hann samskiftir við teknum gjøgnum Skype. Lívið er nógv broytt fyri tey deyvu, samstundis sum at tøknin hevur ment seg. Tey ringja til hvønn annan gjøgnum Skype og senda sms-boð sínámillum, sum vit onnur. Hetta hevur giv­ið teimum alsamt betri sam­skiftismøguleikar og innlit í tann hoyrandi heimin rund­ an um tey, greiðir Zacharias frá. Jan leggur hornið á og for­telur glaður, at vin­mað­ urin hevur verið eftir konu hansara á flogvøllinum í Kastrup og koyrt hana heim í øllum góðum. Hann sigur síðan, at ar­ beiðið, hann ger í Danmark, er avbjóðandi í tann mun, at tey deyvu eru spjadd um alt landið, og tí er torført at náa øll. Tað er nógv koyring kring landið, og Jan ferðast nógv til Jútlands og vitjar tey deyvu har eisini. Eisini ferðast Jan nógv kring heimin og vitjar samkomur fyri deyv. Hann hevur verið í Amerika, í fleiri londum í Evropa, í Kenja, Singapor, Korea, Mongolia, Tei­landi og aðrastaðni. Tá ið hann ferðast, nýtir hann aloftast tað amerikanska tekn­málið, sum flestøll deyv skilja eitt sindur av. Umsetir bíbliusøgur til sjónband ella video Tað stóra arbeiðið, Jan ger júst nú, er at týða Bíbliuna til teknmál. Hetta verður gjørt í samstarvi við viður­ kenda felagsskapin „Wycliffe Bible Translators“. Tað er ein avbjóðing hjá nógvum deyv­um at lesa tekstir og at skilja tað, tey lesa. Nógv av tí, ið skrivað verður, hevur undirskilta meining, sum deyv lættliga kunnu mis­ skilja. Hetta er ein stór av­ bjóðing hjá nógvum deyvum, sum eisini hava trupulleikar við at lesa. Jan greiðir frá, at 80 prosent av teimum deyvu hava torført við at skilja tekst­irnar, tey lesa, av tí at tey onki hoyra og fáa ikki ta fat­anina, sum tey hoyrandi fáa, og tí skilja tey ikki alt, sum fer fram. Tey kunnu bert samskifta gjøgnum hendurnar og við teknmáli, og tí verður minni dentur eisini lagdur á at stuðla deyvum børnum í at lesa. Jan heldur, at foreldur at deyvum børnum gera ov lítið við hetta og vita ikki altíð, hvussu tey skulu bera seg at. Nógv deyv siga við Jan, at tey tíma og duga illa at lesa og vilja heldur síggja filmsbrotini, sum Jan ger. Tí er hetta týdningarmikið, sigur hann. Tí ger Jan filmsbrot, sum forklára bíbliusøgurnar á teknmáli, sum síðan verður gjørt til fløgur og You-tube/ App og býtt út til tey deyvu. Øll Bíblian sum hon er verður gjørd til slík video/DVD, og tað er eitt veldigt arbeiði, sig­ur hann. Jan hevur í hesum sam­ bandi eisini verið á skeiðum hjá Wycliffe í Amerika, har hann hevur lært, hvussu hetta skal gerast tekniskt. – Hetta er avgjørt besti hátt­urin at náa teimum deyvu á, sigur Jan. Eisini ferðast Jan nógv kring heimin og vitjar samkomur fyri deyv. Hann hevur verið í Amerika, í fleiri londum í Evropa, í Kenja, Singapor, Korea, Mongolia, Tei­landi og aðrastaðni meldurin ði deyv kring alt Danmark. Tey ltu so lítið av tí, tey lósu í Bíbliuni, pti teimum at skilja boðskapin iða frá, sigur Jan Zachariassen Jan Zachariassen og konan Anne