hósdagur 8. januar 2015síða 6

Fríggjadagur 9. januar 2015 sosialurin 3 6 Randi Jacobsen Á gólvinum heima hjá Helen á Lakjuni og Gunnar Hjelm situr dóttirin Tea. Lítið veit hon um, hvat hon og foreldrini hava verið ígjøgnum. Foreldrini bæði eru í farloyvi, mamman í barsilsfarloyvi, men einki pinkubarn er í húsunum. Ikki longur. Dreymasonur teirra doyði 13. Desember 2014. Helen og Gunnar bera djúpa sorg, men Gunnar orkar kortini at siga frá tí vantandi forstáilsinum, tey hava møtt frá almennu myndugleikunum. Helen á Lakjuni og Gunnar Hjelm komu saman í 2012, og 1. juli árið eftir fingu tey dóttrina Teu. Men lítla Tea fekk eina harða byrjan í lívinum. Gunnar greiðir frá, at tey tá búðu í Fuglafirði, og tey skuldu fara til Danmarkar við Norrønu. – Á veg til Havnar fær Helen ringa pínu um magan. So ringa, at vit endaðu á Landssjúkrahúsinum. Á skaðastovuni tók serlæknin Steintóra Samuelsen ímóti. Blóðtrýstið hjá Helen var uppi ígjøgnum og har varð staðfest, at Helen hevði forsturvatnseitran. – Steintóra tók beinanvegin avgerð um at fara á føðideildina við Helen. Hon varð skannað, og tá var greitt, at lítla barnið tók ikki føði til sín orsakað av fosturvatnseitranini. Barnið mátti takast beinanvegin, og soleiðis kom Tea í verðina bara 37 cm long og 990 gram. Tað var tríggjar mánaðir ov tíðliga. Eftir at hava búð tveir mánaðir á sjúkrahúsinum, sluppu mamma og dóttir endiliga heim í september. Men í desember fekk Tea krím og varð aftur innløgd. Hon tók ikki uppá og mátti tí verða matað við sondu í fleiri mánaðir. Í januar fekk hon aftur krím, og tey fóru aftur á Landssjúkrahúsið. Men nú varð staðfest, at talan ikki bert var um krím. Lítla Tea hevði eitt stórt hol í hjartavegginum, og í skundi vórðu tey send á Ríkissjúkrahúsið. Umframt hjartatrupulleikan hevði hon vandamiklar bakteriur í lungunum, og so hevði hon eisini bruna í hálsinum. – Í sjey langar vikur var hon innløgd á Ríkissjúkrahúsinum og fekk penicillin gjøgnum æðrarnar. persónssøga mistu dreyma sonin Tað var næstan sum at fáa deyðs­ boðini. Eingin trýr, hvussu hart tað var. Fyrst allir trupul­leik­ arnir við Teu, og so Mika, sum var deyðasjúkur Helen á Lakjuni og Gunnar Hjelm hava havt tað hart saman seinasta hálva annað árið. Fyrst fingu tey hjartasjúku Teu, og í desember mistu tey hálvt árs gamla sonin Mika. Omaná alt tað hava tey havt eitt tógvið stríð við almennu myndugleikarnar Mynd: sigmar mørkøre Gunnar situr við lítlu Teu, sum í desember mistir lítlabeiggja sín, Mika Helen og Gunnar