mánadagur 12. januar 2015síða 31

31 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 12. januar 2015 · Nr. 4 ítróttur T ann skal rósast, ið hevur rós uppiborið, og tað hevur nevndin í Úrvali. Tað var við bæði spenningi og kanska eisini eitt sindur av ótta, at vit bíðaðu eftir fyrstu útlutanini frá Úrvali. Nýsetta vísmannaráðnum, sum skal taka dagar ímillum, hvør er skikkaður at taka móti almenna stuðlinum, sum hesa ferð táttaði í eina millión. Óttin hevði tvinnar orsøkir. Fyrst og fremst ræður um hjá eini slíkari nevnd at tora. At tora at velja nøkur framum, so tann stuðul, ið verður veittur, veruliga kann muna, heldur enn at øll fáa eina slintru, sum kortini ikki munar tað heilt stóra, í part. Hartil er altíð ein vandi, tá talan er um avmarkaða upphædd, sum kann veitast. Tá reglurnar fyri Úrval vórðu kunngjørdar í heyst, vóru fleiri, sum vístu á, at hetta kundi skiljast sum ein háttur at konstruera reglur, so størst møguligur partur av stuðlinum kundi veitast einum ávísum ítróttafólki. Pál Joensen er nevnliga einasti føroyski íðkarin, sum kann bólkast í bólk 1 í úrvalsreglugerðini. Og við heimild til at veita at 80% til bólk eitt, kundi hugsast, at mest sum allur stuðulin varð veittur okkara fremsta svimjara. Ikki tí – Pál hevur so ruddiliga uppborið eina stuðulsupphædd, sum tá hevði ligið um tríkvarta millión, men tað vildi eisini borið við sær, at aðrir umsøkjarar við frálíkum úrslitum og stórum ambitiónum mest sum ikki høvdu fingið burturav. Nevndin valdi at nýta møguleikan at flyta stuðulskrónur úr bólki 1, og tað ber við sær, at eisini onnur føroysk ítróttafólk hava fingið eina munagóða upphædd. Eftir er bert at vóna, at samlaða upphæddin verður enn størri í komandi árum, og at hetta kann virka til, at vit um ikki alt ov langa tíð kunu hava fleiri enn tað eina ítróttafólkið í ovasta úrvalsbólkinum. Væl valt út Ítróttar klumman Jákup Mørk Tveir stórsigrar og ein javnleikur Pætur Albinus Í høllini á Hálsi í Havn hittust Neistin og VB. Gestirnir komu á odda 2-0, men annars var tað heimaliðið, sum stóð fyri restini – men bara næstan. Neistin fór nevniliga til hálv­leiks á odda 13-8, og tá ið tær øktu leiðsluna til sjey mál í seinna hálvleiki og Ingrida Kuodyte hjá VB fekk reytt kort, mundu flestu halda, at Neistin fór avstað við sigr­inum. Tað var sum VB reis upp úr øsku, tí eftir at hava bart seg nøkulunda inn aftur í dystin eydnaðist tað teim­um eisini at tryggja sær javn­leik við at skjóta fýra tey sein­astu málini í dystinum, soleiðis at tað endaði við 25-25-javnleiki. Anna bumbaði Somuleiðis í høllini á Hálsi spældu Kyndil og Stjørnan. Hendan dystin vann Kyndil greitt 36-22 eftir at hava verið á odda 17-13 í hálvleikinum. Anna A. Brimnes var flúgv­ andi í fyrra hálvleiki við sjey málum, og tað var beint eftir steðgin, at Kyndil av álvara punkteraði dystin. Tær skutu seks av teimum fyrstu sjey málunum í seinna hálv­ leiki, komu tá á odda níggju mál­um og øktu so líðandi. Anna A. Brimnes gjørdist toppskjútti hjá Kyndli við 10 málum, meðan Mina Sirdal var besti málskjútti hjá Stjørn­uni við seks málum. VÍF-stórsigur Triði dysturin var í Vest­ manna, har VÍF smurdi Søljuna av 34-8 eftir hálv­ leiks­støðuna 17-4. Eiheldur í steypa­kapp­ingini eydnast tað Søljuni at gera um seg, men verk­ætlanin er helst meiri langsiktað hjá nýkomna felagnum, sum í síðstu viku váttaði fyri jn.fo, at sátt­málin við roynda venj­aran, Jakob Jónsson, er longd­ur við tveimum árum. Agnas Olsen skeyt níggju mál fyri heimaliðið, meðan Hertha Simonsen skeyt bróður­partin av málunum hjá gest­unum. Hon skeyt fimm mál. albinus@sosialurin.fo Tríggir dystir hava verið í CocaCola-kappingini hjá kvinnum um vikuskiftið. Av tí at U21-landsliðið hjá monnum hevur verið í Grikkalandi og kom aftur gjárkvøldð, so verða dystirnir hjá monnum spældir týs- og mikukvøldið CocaCola-kappingin, kvinnur: Bólkur 1: Neistin, 1 stig (1 dyst) VB, 1 stig (1 dyst) StÍF, 0 stig (0 dyst) Bólkur 2: VÍF, 2 stig (1 dyst) Kyndil, 2 stig (1 dyst) Stjørnan, 0 stig (1 dyst) Søljan, 0 stig (1 dyst) 2. umfar: 15.01.2015 kl. 18.30 StÍF - Neistin 14.01.2015 kl. 18.30 VÍF - Stjørnan 15.01.2015 kl. 20.30 Søljan - Kyndil Savnsmynd: Álvur Haraldsen