hósdagur 15. januar 2015síða 22

Fríggjadagur 16. januar 2015 sosialurin 6 22 Í átta ár hevur Heðin Askham, saman við Bill M. Jacobsen, staðið á odda fyri føroyska U21 landsliðnum. Óttin fyri ikki at klára at standa seg millum tey bestu hvarv longu eftir fyrsta dystin, og í dag eru góðu minni nógv at velja í millum. Í vikuni boðaði FSF frá, at Eli Hentze verður nýggjur í venjaratoyminum hjá U21 landsliðnum, nú Heðin Askham gevst sum U21 landsliðsvenjari ítróttur Tróndur Arge E g hugsaði um allar ósigarnar, sum føroyskur fótbóltur hevur verið fyri. Eg spældi allar hugsandi støður fyri mær í høvdinum. Eg ánaði ikki hvar vit stóðu í mun til hini. Eg hevði einki at hava eina støðumeting í, sigur Heðin Askham um tankarnar undan fyrsta U21 landsdystinum, ið var móti Kroatia 2. juni 2007. Á NK Varteks leikvøllinum í Varazdin tapir føroyska U21 landsliðið 2-0 fyri Kroatia. Á liðnum eru spælarar sum Gunnar Nielsen, Jónas Tór Næs, Bogi Løkin og Jóhan Troest Davidsen, sum allir seinni hava spælt ein leiklut á A-landsliðnum. - Eftir tann dystin var eg ikki í iva um, at vit kundu vera við millum tey bestu. Vit taptu heiðurligt. Tá eg sigi tað, so er tað tí vit vóru væl við í dystinum. Og hetta var bara okkara fyrsti dystur, minnist Heðin Askham. U21 verður til Í fýra EM undankappingum hevur Heðin Aaskham, saman við Bill M. Jacobsen, staðið á odda fyri føroyska U21 landsliðnum. Í longri tíð var arbeitt við at fáa eitt U21 landslið, sum kundi minka um gloppið millum U19 landsliðið til A-landsliðið. Í 2007 stóð so føroyska U21 landsliðið klárt at fara í dyst fyri fyrstu ferð. Liðið kom í bólk við londum sum Italia, Kroatia og Grikkalandi, meðan Albania og Aserbadjan vóru veikaru londini í bólkinum. Í fimta dystunum bragdaði, tá Føroyar vunnu 1-0 á Aserbadjan. Magnus H. Olsen skoraði einsamalla málið í dystinum á Svangaskarði. Tað var longu í triðja dystinum, at U21 landsliðið sannførdi um, at hetta var ein røtt avgerð. Móti italsku fótbóltsstjørnunum tapti føroyska liðið tepurt 2-1 í Trento í Italia. - Hetta var eisini ein av stóru løtunum sum U21 landsliðsvenjari. Serliga tá Einar Tróndargjógv smekkaði bóltin í mál frá miðjuni. Til slíkar dystir endar tú mitt í øllum, tí umstøðurnar eru so stórar, sigur Heðin Askham. Síðani hevur føroyska U21 landsliðið staðið fyri einum bragdi fyri, og øðrum eftir. Størsta úrslitið mundi verða í 2009, tá Føroyar vunnu 1-0 á Russlandi í Gundadali. Í tí undankappingini fekk Føroyar ikki færri enn ellivu stig samanlagt. U21 landsliðið verður útskift fyri hvørja undankapping, men eitt hevur verið afturgangandi fyri øll árini – Heðin Askham og Bill M. Jacobsen. Í felag hava teir staðið á odda. Størsta løtan í Týsklandi Heðin er rímiliga skjótur at svara, tá hann verður spurdur hvat størsta løtan er í U21 landsliðssamanhangi. – Tað eru sjálvandi sigrarnir, men eisin tá vit fingu málini móti Týsk­ landi. Tað er nokk einstaka besta løtan, sigur Heðin Askham, og vísir til 3-2 tapið fyri Týsklandi í Kassel í 2013. Týskland er helst væl sterkasta liðið, sum U21 landsliðið nakrantíð hevur spælt móti. Bara ein mánað frammanundan, hevði Týskland vunnið 3-0 á Tórsvølli í eini sannari fót­bólts­lektión. Tað var tí við lítlum vónum, at føroyska U21 landsliðið fór til Kassel. Dysturin skuldi tó vísa seg, at verða ein tann besta uppliving í U21 lands­liðs­høpi. Fyrst legði Árni Frederiksberg Føroyar á odda, eftir frá­líkt uppspæl frá Gilla Sørensen og Gunnari Zachariassen, sála. Seinna málið skoraði Hørður Askham, sonur Heðin, eftir langt innkast frá Gilla Sørensen, sum Sonni Ragnar Nattestad longdi við høvdinum. Í báðum førunum komu Føroyar á odda, men við millum annað einum dómara, ið dømdi til týskan fyrimun, eydnaðist tað Týsklandi at vinna 3-2. Heðin Askham er tó skjótur at nevna fleiri av hinum risa avrikunum. Sigurin á Russlandi kemur næstur í røðini, og síðani allir hinir sigarnir. Eisini javnleikurin móti Danmark í Gundadali hevur eitt serligt pláss í hjartanum á Heðini. – Tað hava verið nógvar góðar løtur. Tá umstøðurnar eru sum tær hava verið til onkrar av dystinum, so ert tú bara rivin við mitt í dystin, sigur nú fyrrverandi U21 landsliðsvenjarin. Ringastu avrikini vóru í Bretlandi Fyri at tað skulu verða góðar løtur, so mást tú helst eisini hava nakrar ringar løtur. Tær hava ikki verið nógv­ ar. Heðin heldur fyri, at tær kunnu teljast á einari hond. Kanska enntá tvær ferðir á somu hond. – Ringastu løturnar hava verið av­ rikini í Írlandi og Norðurírlandi. Tað er einastu ferðirnar, at avrikini ikki hava verið nóg góð. Tað er einastu ferðirnar, at eg havi verið beinleiðis vón­brotin av mínum spælarum, sigur Heðin Askham, ið veruliga tykist ilskur, tá hann tosar um teir dystir­ nar. Dysturin í Írlandi í november 2013, endaði við 5-2 sigri til heimaliðið. Bæði tey føroysku málini skoraði Gunnar Zachariassen sáli. Hin dysturin var í Belfast 10. oktober 2011. Tá høvdu bæði A-landsliðið og U21 trupulleikar við desiplininum upp til dystirnar móti Norðurírlandi. U21 landsliðið tapti 4-0 á Oval leikvøllinum, og tað var fult uppiborið. Føroyska A-lands­ liðið fekk somu viðferð. Hóast U21 landsliðið hevur tapt aðrar dystir, so metir Heðin, at av­ rik­ini í teimum dystunum altíð hava verið á góðari leið. Størsta løtan var í Týsklandi