hósdagur 15. januar 2015síða 44

20 Mentanarblaðið hjá Miðlahúsinum 1 • 16. januar 2015 20 Ein veldigur bygningur hevur reist seg yvir Havnina. Hetta er nýggja høvuðssætið hjá Bank Nordik. MAP arkitektar eru høvuðsráðgevar á hesi verkætlan. Hesin sermerkti bygningur við kúpu omaná sæst næstan allastaðni í Havnini og vekir forvitni. Kanska fer hesin bygningur einaferð at hava ikoniskan status og verður ein varði í Havnini. Enn er bygningurin ikki liðugur, men her eru nakrar myndir, sum geva eina ábending um, hvat vit kunnu vænta okkum, tá bygningurin stendur liðugur. Væntandi flytur Bank Nordik inn í nýggja høvuðssætið á heysti 2015. Varðin, sum sæst á myndini, er lagaður av starvsfólkum hjá Bank Nordik í sambandi við ein starvsfólkadag heystið 2013. Varðin varð lagaður, áðrenn byggingin byrjaði og stendur enn óskalaður. Kanska verður varðin standandi órørdur eisini í framtíðini? Innkoyringin til bankan er frá Tjaldursvegi. Tey flestu hava helst verið var við, at ein reyður bygningur við skorsteini er uppsettur framvið Tjaldursvegin. Bygningurin er ikki júst prýðiligur, og sum skilst skal bygningurin takast burtur aftur, tá ætlaða útbyggingin av fjarhitaleiðingunum er liðug. Reyði bygningurin við skorsteininum hýsir eini oljufýring, sum skal veita fyribils hita til nýggja bankabygningin, meðan bíðað verður eftir fjarhitanum. Grøni geirin framvið R.C.Effersøesgøtu er varveittur Avbjóðingin hjá arkitektunum hevur verið at skapa ein bygning, sum bæði skal vera sjónligur og selja fyritøkuna Bank Nordik, men sum eisini skal vísa virðing fyri vakra blettinum, sum túsundavís av borgarum, sum dagliga ferðast eftir R.C.Effersøesgøtu, fáa gleði av. Bygningurin liggur nakað frá tromini og sýnist tí ikki alt ov stórur í mun til hæddina á heygnum. Bygningurin er í tveimum hæddum, í alt 8 m høgur og har sum bygningurin er mest sjónligur, ímóti R.C.Effersøesgøtu, er ovara hæddin trekt aftur. Hetta ger, at bygningin sýnist lægri. Yvirljósið í miðjum bygningi er 15 m í diametur. Yvirljósið er ikki úr glasið men er ein syntetiskur dúkur, sum kallast Foiltec. Dúkurin hevur 4 kømur, og luft er blást inn í kømrini. Henda loysnin gevur eina smekrari konstruktiónsloysn. Tá tú kemur inn í bankan, trínir tú inn í miðrúmið. Frá miðrúminum sæst inn á hæddirnar til alt virksemi í bankanum. Eisini er týðiligt at síggja, at starvsfólk og kundar fáa eitt avbera gott útsýnið yvir býin. Inger Smærup Sørensen ein nýggjur varði í havn Grøni geirin framvið R.C.Effersøesgøtu