mánadagur 19. januar 2015síða 16

Mánadagur 19. januar 2015 · Nr. 7 16 Sosialurin Hugskot og viðmerkingar – send sms til 225000 Hesaferð valdi landsstýrismaðurin í mentamálum at heiðra tvær kvinnur við lívslangari sømda­rgávu. Tær vóru Oddvør Johansen og Katrin Ottarsdóttir, sum fáa hesa sømd­argávu, 20.000 krónur um árið, restina av lívinum. Oddvør Johansen, sum ikki kundi vera til staðar, segði í eini heilsan at heiðurin hevur nógv at týða, bæði nú og framayvir. Katrin Óttarsdóttir sigur, at hetta er stórt fyri hana, og ikki minst kensluborið, at tað er í Sandoy, har abbi hennara, Heðin Brú, varð føddur. Eisini mamma hennara, Hildigunn, dóttir Hákun Dam, var úr Sandoy. Virðislønirnar eru 20.000 krónur um árið. Eirikur Lindenskov Myndir: Armgarð Weihe Fríggjdagin var hátíðardámur í Skálavík, tí Bjørn Kalsø, lands­ stýrismaður í mentamálum, hand­aði listafólkum tær tríggjar virðis­lønirnar, Mentanarvirðisløn Land­sins, Heiðursgáva Landsins og Virðisløn til ungt listafólk. Harum­ framt fingu tvey listafólk eisini sømdargávu. M entanarvirðisløn Landsins fekk Torbjørn Olsen, lista­ maður. Í grundgeving at lata hon­ um Mentanarvirðislønina segði Bjøn Kalsø: – Frá ungum árum hevur Torbjørn Olsen arbeitt við máln­ inga­list. Við tekningini sum grund­ ar­lagi, hava málningar hans­ara síðan fingið sítt týðandi pláss í føroysku myndlistasøguni. Torbjørn Olsen er virtuosi kolor­ isturin í føroyskari myndlist. Í leikandi lættleika spæla litirnir á løriftinum, har sterk og kensluborin strok lyfta fram komposisjónina, sum oftast hevur støði í umhvørvi listamansins, ant­ in tað er atelierið, býarmyndin ella landslagið. Nærløgdu andlitsmyndirnar lokka meistarliga fram persóns­ mensk­una í myndevnunum. Í altartalvunum er komposisjónin berandi og sterku litirnir gjøgnum­ gangandi. Torbjørn Olsen málar tað hann sær og upplivir rundan um seg, men tað er ikki tað konkreta motivið, ið hevur týdning – heldur er tað upp til áskoðaran at sansa rúmd, dýpd og kenslur í málningunum. Ljósið eigur høvuðsleiklutin í málningum hansara. Fyri listaligu avrik síni fær Torbjørn Olsen handaða Mentanar­ virðisløn Landsins 2014. H eiðursgáva Landsins 2014 fekk tónleikabólkurin Tey av Kam­ arinum. Í grundgeving fyri at lata teimum Heiðursgávu Landsins segði Bjørn Kalsø: – Seksti ár eru síðan systkini av Kamarinum, úr Konradsbrekku í Havn, stovnaðu tónleikabólkin, sum gjørdist kendur sum Tey av Kamarinum. Tey av Kamarinum hava í eitt langt tíðarskeið ríkað føroyskt tónleikalív við sínum sermerktu sangum, har orð verða sett á kenslur og støð, sum ættarlið eftir ættarlið hava kent seg aftur í. Nærvera og longsul í gerandis sum í háfloygdum ástarrúsi er ævigt lagt í teirra løg og sangir, til ugga og troyst, gleði og róm, hugna og frið. Staðbundið og um somu tíð alheims fevnandi. Tey av Kamarinum vóru við í rákinum, tá fyrstu føroysku plátu­ útgávurnar komu í kjalarvørrinum av, at Útvarpið fór at senda í 1957. Hesin sami pallur gjørdi, at tón­leik­ urin kom út í hvørt hús í Føroyum, og skjótt gjørdist fólkaogn. Tónleikalívið blómaði og Tey av Kamarinum spældu til dans í nógv ár. Síðan eru nógv ár runnin, og tvey av systkjunum eru farin. Nú eru tey Tvey av Kamarinum, men Tey av Kamarinum eru framvegis livandi partur av føroysku fólkasálini. Fyri tónlistaligu avrik síni fáa Tey av Kamarinum handaða Heiðursgávu Landsins 2014. Tey av systkinum, sum eftir eru, eru Nicolina Jacobsen, Eyðbjørn Jakobsen, Áslakkur Jakobsen, Jákup Jakobsen, Birgir Hjørleifsson Jakobsen, sum er sonur Hjørleif Jakobsen og Margretha Jakobsen, sum tíverri ikki kundi vera her í dag. V irðisløn til ungt listafólk 2014 fekk Mattias Kapnas, tón­ leikari. Í grundgeving at lata honum virðislønina segði Bjørn Kalsø: – Evnaríkur og íðin og ein úr­ mælingur á klaverinum. Mattias Kapnas er ungur listamaður, sum hevur tikið viðføddu gávurnar og evnini í álvara, og longu tíðliga í lívinum hevur hann tikið avgerð um at lata tónleikin verða yrkisleið sína. Mattias Kapnas er sum tónleikari sermerktur og nærlagdur. Hann hevur dirvi at lata tónleikin floyma og skil fyri at leggja løgini og sløgini væl til rættis. Til áhoyraran at njóta. Við hesum fær Mattias Kapnas handaða Virðisløn til ungt listafólk 2014. Torbjørn Olsen, Tvey av Kamarinum og Mattias Kapnas heiðrað í Skálavík Bjørn Kalsø, landsstýrismaður í mentamálum, handaði fríggjadagin mentanarvirðisløn Landsins, Heiðursgáva Landsins og Virðisløn til ungt listafólk á hátíðarløtu í Deplinum í Skálavík Oddvør Johansen og Katrin Óttarsdóttir fáa lívslanga sømdargávu