týsdagur 20. januar 2015síða 12

Mikudagur 21. mikudagur 2015 · Nr. 8 12 Sosialurin Hugskot og viðmerkingar – send sms til 225000 Fróði Sigvardsen hevur keypt risabygning á Hálsi – Ætlanin er at savna alt virksemi á einum staði í bygninginum á Hálsi. Her verður bæði handil og goymsla, og okkurt nýtt er eisini á tapetinum. Eg vænti, at vit flyta í nýggju hølini til heystar, kanska í oktober, sigur Fróði Sigvardsen Vilmund Jacobsen Vinnulívsmaðurin, Fróði Sig­ vardsen, hevur keypt bygn­ ing­in á Hálsi, har Bygn­ings- snikkaravirkið helt til í nógv ár, og har Børkin húsaðist í stuttu tíðini, sum fyritøkan hevði. Hetta er ein rættiliga stór­ur bygningur, og sjálv­ur sigur nýggi eigarin, at saml­ aða gólvvíddin er 25x56 fer­ metrar, pluss 900 aðrar fer­ metrar - ella 2300 fermetrar tilsamans. – Eg havi bara keypt sjálv­an bygningin og ikki maskinurnar, sum vóru í verk­staðspartinum. Nýggi eigarin sigur, at hann hevur keypt bygningin frá Banknordik, men hann vil ikki upplýsa keypsprísin. – Bygningurin hevur ver­ ið lýstur til sølu, og tá slíkur handil verður gjørdur, gongur tað ofta lutfalsliga skjótt fyri seg. Tað eru sjálvandi tveir partar í einum handli, men eg haldi, at eg eri væl nøgdur við keypið. Eg hevði ikki keypt, um eg ikki væntaði at fáa samanhang í raksturin av tí virksemi, sum eg ætli mær at hava á Hálsi. Alt undir sama taki Fróði Sigvardsen ásannar, at bygningurin, sum hann nú hevur keypt, er rættiliga stórur, og tí væntar hann ikki, at hann fær brúk fyri all­ari gólvvíddini sjálvur. – Eg hugsi mær tí at leiga tann partin út til aðrar, sum eg ikki fari at brúka, og bara nýggi endin á bygninginum er umleið 600 fermetrar stór­ ur. Fróði sigur, at ætlanin hjá honum er at savna alt virk­ semi, sum hann nú hevur, á einum staði. – Her verður soleiðis bæði handil og goymsla, sum tíðin gongur, og eg vænti, at flutt verður í nýggju hølini til heystar, helst í oktober. Fróði hevur átt lut í eitt nú málingavirkinum á Strond­ um og í Norðoya Litbúð, eins og hann áður hevur selt handilin, sum hann hevði í Saltangará, til Birgir av Voll­ anum. – Eg havi selt alt, sum eg hevði uttan fyri Havnina og eri nú bara virkin í høv­uðs­ staðnum. Men, eg havi fram­ vegis gott samstarv við teir, ið áður havi arbeitt saman við. Hann sigur, at tá klárt verður at flyta niðan á Háls einaferð til heystar, flytir eisini handilin, sum hann hevur í Jónas Broncksgøtu í Havn, í bygningin á Hálsi. – Í handlinum í Jónas Broncks­gøtu selji eg máling, bil­lakk og køkar, og tá hand­ il­in flytir niðan á Háls, er ikki óhugs­andi, at útboðið verður økt. Fróði vil tó í løtuni eink siga um, hvat hann arbeiðir við, men hann væntar, at út­ boðið á Hálsi verður størri og øðrvísi enn í verandi handli í Jónas Broncksgøtu. – Eg fari at reka verandi virksemi víðari, men okkurt nýtt er eisini á tapetinum, sigur hann. Hann leggur aftrat, at stóra fýrverkssølan, sum hann hevur á hvørjum ári, eisini fer at halda fram. – Eg ætli mær at savna alt mítt virksemi á Hálsi, og her verður soleiðis bæði handil og goymsla. Fer eisini at leiga út Tað er greitt, at bygningurin, sum Fróði Sigvardsen nú hevur keypt, rúmar væl meira enn tí virksemi, sum hann sjálvur hevur í dag. – Jú, eg ætli mær eisini at leiga út, men hvussu nógv eg fari at leiga út, veldst alt um, hvussu nógv eg komi at brúka sjálvur. Fróði Sigvardsen er sann­ førdur um, at keypið á Hálsi er ein góð íløga, og uttan at siga nakað um keypsprísin, væntar hann, at líkindini at fáa íløguna at bera seg eru góð. – Eg hevði ikki keypt bygningin, um eg ikki væntaði at fáa samanhang í raksturin av tí virksemi, sum eg ætli mær at hava, sigur Fróði Sigvardsen Vinnulívsmaðurin, Fróði Sigvardsen, hevur keypt stóra bygningin, sum Børkin hevði á Hálsi, frá Banknordik. – Eg ætli mær at savna alt mítt virksemi á Hálsi, sigur hann