hósdagur 22. januar 2015síða 6

Fríggjadagur 23. januar 2015 sosialurin 9 6 Barbara Holm T að er ikki á hvørjum degi, at ungir føroyingar eru at síggja á heimsins størstu mótashowum – teimum showunum, sum hava ávirkan á, hvat komandi tíðina fer at verða hægsti móti. Tað er heldur ikki á hvørjum degi, at mæti mótaskaparin Donatella Versace velur ein miðving at vera henn­ara høvuðsmodell ella at stjørn­ ur sum Paris Hilton, Snoop Dog og heimsins kendastu modellir tráð­ spyrja um hetta ókenda landið, sum nýggja modellin hjá Versace kemur frá. Men hóast tað er sjáldan, so var tað kortini júst hetta, 16 ára gamli Egor Antonov Venned úr Miðvági upp­livdi í vikuni. Í skrivandi stund er hann júst lið­ ugur við sína allarfyrstu mótaviku sum modell fyri tey størstu merkini. Um tað var strævið? Ja, tað er tað als eingin ivi um. – Ja, eg fái væl tosað nú, men eg er i júst vaknaður, sigur Egor, tá ið hann við hásari rødd tekur telefonina beint eftir klokkan 13.00. Og tað er ikki so løgið, at unglingin er troyttur, tí hann hevur bókstaviliga runnið frá einum stórum mótapalli til tann næsta seinastu fýra dagarnar, meðan hann hevur verið til arbeiðis á Milano Fashion Week. Egor hevur framvegis ikki reiðiliga skilt allar tær upp­liv­ing­ar­ nar, hann hevur fingið farnu dagar­ nar. Men takksamur er hann kort­ini fyri, at hann nú telist millum heims­ ins best umtóktu modellir – í øllum førum sambært sniðgevum sum Versace, Calvin Klein og Fendi. – Tann eina dagin fór eg upp klokk­an hálvgum sjey. So fór eg til Versace, har eg skuldi klippa hárið og stylast. So skuldi eg taka myndir saman við Donatellu Versace og ganga mótashow fyri tey. Og so mátti eg renna út til sjaførin, tí 30 minuttir seinni byrjaði mótashowið hjá Phillip Plein, og beint aftaná tað byrjaði mótashowið hjá Calvin Klein. So eg var ikki heima fyrr enn klokkan trý ta náttina, greiðir Egor frá. Og tað eru ikki smávegis mótanøvn, sum Egor hevur gingið fyri og saman við. Eitt nú er Phillip Plein kendur fyri at hava tey mest undirhaldandi mótashowini, og í so máta var Milano Fashionweek einki undantak. Snoop Dog byrjaði sýningina, og handan leiktjøldini fekk Egor eisini eitt prát við kenda rapparan. – Eg fekk ikki latið vera; eg fór beint yvir at tosa við hann. Hann var púra vanligur, og vit tosaðu aftur og fram – serliga um Føroyar, greiðir Egor frá. Tað var ikki bara Snoop Dog, sum vísti Egori áhuga. Eisini heims­miðlar­ nir vóru áhugaðir í hesum nýggja and­litinum, tí Egor skrivaði fyrr í vikuni søgu, tá ið hann trein á pallin fyri Versace. Orsøkin er, at eingin 16 ára gamal nakrantíð áður hevur um­ boðað Versace. Men eftir øllum at døma hevur tað gingið sera væl hjá Egor. Eg var nervøsur fyrstu ferð, eg fór á pallin. Var bangin fyri ikki at ganga rætt« persónssøga 16 ára gamli Egor Miðvingur modell í Milano Fyri fáum mánaðum síðani var Egor Antonov Venned ein púra vanligur 16 ára gamal miðvingur við ætlanum um skiparaskúla. Í dag er hann tann, sum øll í altjóða mótaheiminum tosa um. Stóra gjøgnum­brotið sum modell kom í farnu viku á Milano fashion week, har Egor gekk fyri merki sum Versace og Calvin Klein Mynd: elitemodel.es Visti tú? Mótaskaparin, Donatella Versace, valdi Egor at vera sín høvuðs­modell