hósdagur 22. januar 2015síða 7

Fríggjadagur 23. januar 2015 sosialurin 9 7 – Eg havi fingið nógv rós í Milano. Eg fái serliga rós fyri mítt gongulag, greiðir hann frá. Og tað er veruliga eitt kynstur at ganga rætt á einum stórum palli, tá ið allur mótaheimurin fylgir við. – Eg var nervøsur fyrstu ferð, eg fór á pallin. Var bangin fyri ikki at ganga rætt. Men aðru ferð eg fór út, kendi eg á mær, at eg hevði stýr á tí, greiður Egor frá. Og júst hansara sjálvsálit er orsøkin til, at hann longu eru vorðin ein áhugaverdur maður innan móta­ heimin, sambært umboðsmanni hansara, Thue Gulstrand. – Hann er nakað fyri seg. Og hansara sjálvsálit er orsøkin til, at hann beinanvegin vekir áhuga. Vit kundu gott havt bókað fleiri stór móta­show til hansara, men hann er bert 16 ár, so vit royna at verja hann, sigur danin Thue, sum er ovurfegin um, at hansara modell hevur sligið ígjøgnum so skjótt. Og sum vera man vóru journa­list­ arnir og fólk í mótaheiminum annars sera áhugað í hesum unga manni við tí vakra gongulagnum. Vit hava helst øll onkran barn­ dóms­dreym, sum vit ongantíð sleppa heilt. Fyri flestu okkara vera dreym­ arnir tó verandi júst tað – dreymar – sum ongantíð gerast veruleiki. Men fyri Egor er henda lítla vikan í Milano tekin um, at tað helst fer at eydnast honum at gera barndómsdreymin til veruleika. – Tá eg var lítil, plagdi eg at elska, tá mótashow vóru í sjónvarpinum. Og serliga elskaði eg merkið Versace. Men eg trúði tó ongantíð, at eg kundi blíva modell, sigur Egor. Egor hevur altíð ynskt, at móta­ heim­urin á onkran hátt skuldi vera hans­ara framtíðar arbeiðspláss. Men at hann skuldi gerast modell á jøvn­ um føti við teir, sum í dag fáa hægstu lønina innan mótaheimin, tað hevði hann ikki trúð. – Tað byrjaði faktiskt við, at Heiðrikur á Heygum spurdi, um vit ikki skuldi royna at gera eitt foto­ shoot og senda nakrar myndir til danskar modellfyritøkur. Tað gjørdu vit so, og nakrar mánaðar seinni ringdi Elite models, greiðir Egor frá. Í dag hevur Egor sáttmála við Elite Models í Keypmannahavn, Paris, Barcelona og Milano, men enn hevur hann ikki tikið støðu til, hvussu framtíðin skal skipast. – Sum er ætli eg mær at royna tað í eitt ár, og so taki eg tað harfrá, sigur Egor. Hann kundi hugsað sær at fingið onkra útbúgving, og tí er møguligt, at hann um eitt ár fer á HF. Eisini kundi hann hugsað sær at farið á eitt móta­ universitet, har hann kann lesa og arbeiða sum modell samstundis. Fyri dreingir, sum eru uppvaksnir í Miðvági, eins og Egor, er tað rættiliga óvanligt at hava so stóran áhuga fyri altjóða móta. Og tað kendi Egor eisini í upp­ vøkstr­inum. Tá hann var yngri, plagdi hann onkuntíð at tosa um sínar dreym­ar innan mótaheimin, men tí gavst hann skjótt við. – Fólk flentu altíð eitt sindur eftir mær og søgdu, at man kundi ikki búgva í Føroyum og gerast ein partur av hasari verðini. Tað var bara nakað, sum gekk fyri seg í sjónvarpinum, greiðir Egor frá. framhald... Myndir: style.com versace versace »Føroyskir dreingir lesa til lækna ella fara á skiparaskúla, um teir hugsa um karrieruna. Tað er so bestemt ikki vanligt at mið­ vingar gerast modellir« Egor Antonov Venned