mánadagur 26. januar 2015síða 36

vika 5 l 26. januar 2015 Ókeypis lýsingarblað 12 Vikutema Hús&Heim Tú kanst spara vatn og hita Tað er eingin orsøk at brúka heitt vatn, har tað ikki er fyri neyðini Vilmund Jacobsen Tú kanst saktans hava tað heitt í húsunum ella íbúðini, samstundis sum tú sparir olju, og tilmælið um hita í rúmunum er 21 stig. Fyri hvørt stig, sum hitin fer yvir 21, økist orku­nýtslan við umleið 5%. Tú fært mest burtur úr hitaskipanini, um hon arbeiðir javnt. Mælt verður til, at termostatur er á radiatorunum, og at allir radiatorar í sama rúmi standa á sama stigi. Skilagott er at lækka hitan eini tvey ella trý stig um náttina, og tá fólk ikki er í húsinum ella íbúðini. Tað er óneyðugt at hava hitan á 21 stigum, tá fólk sova ella eru úti í longri tíð. Tú kanst spara eini 10% av orkunýtsluni til upphiting við at lækka hitan um náttina. Klæði skulu helst ikki leggjast til turkingar á radiatorin, og ei heldur skal radiatorurin dekkast við øðrum, tí tað órógvar hitabreiðsluna. Innbúgv eigur ikki at setast framm­an fyri radiatorarnar, tá hetta eisini órógvar hitabreiðsluna. Mælt verður til at lufta út við gjøgnumtrekki í einar 5 til 10 minuttir einar tvær ella tríggjar ferð­ ir um dagin, og skilagott er at skrúva radiatorarnar fyri, tá luftað verður út. Um gólvhiti og radiatorur eru í sama rúmi, er skilagott at hava meira hita á radiatorinum, tí radiatorurin er skjótari at regulera. Óneyðugt er at hava vatnið heitari enn 50 stig, og tað er kostnaðarmikið at hita vatn meira enn neyðugt.Tó skal tryggjast, at bakteriuvøksturin ikki kemur í vatnið. Eingin orsøk er at brúka heitt vatn, har tað ikki er fyri neyðini, og tað er bíligari at fara undir brúsu held­ur enn í bað. Eitt brúsubað á ein­ar fimm minuttir brúkar einar 45 litrar av vatni í mun til eitt baðikar, sum brúkar einar 125 litrar av vatni. Tú kanst minka um nýtsluna av heita vatninum Tað er eingin grund til at blaka pengarnar út gjøgnum vindeygað, tá tað ikki er neyðugt Vilmund Jacobsen Tá tú kókar tær ketilin, døgurða ella tú vaskar og turkar klæði er nógv at spara, um tú í hvørjum einstøkum føri hugsar um tað, tú gert. Hugsar tú um spariráð, sum eru møgulig í einum heimi, kann vera væl at spara, samstundis sum tú gert títt til at verja umhvørvið. Í teirri dýrtíð, vit liva í, er eingin grund til at blaka pengarnar út gjøg­ num vindeygað sum onkur ivaleyst vildi sagt. Hugsa um vatnið Tá tú kókar tær ein te-munn ella kaffi­ munn, er skilagott ikki at fylla meira vatn í ketilin ella kaffikannuna, enn tú skalt brúka. Tú eigur tó at hyggja eftir, hvat sagt verður um júst tann ketil, tú hevur, tí summir ketlar skulu fyllast við ávísari nøgd av vatni. Skilagott er eisini at brúka eina hitafløsku, um tú ætlar tær fleiri te- munnar - ella kaffimunnar. Hevur tú ein vanligan komfýr, loysir tað seg at kóka vatnið í el-ketlinum fyrst og síðan stoyta glóðheita vatnið oman á eplini ella tað, tú hevur í grýtuni. Skilagott er eisini at brúka so lítið av vatni sum gjørligt, leggja lok á grýtuna og lata kóka í dampinum. Vaskimaskinan Tá tú vaskar klæðir, brúkar tú minni el, um tú ikki vaskar klæðini við ov heitum vatni. Tú sparir eisini pengar, um tú ikki brúkar forvask. Skilagott er at taka eitt kókivask av og á fyri at reinsa slangur og annað í vaskimaskinuni. Klæðini eiga at turkast út - altíð, tá tað letur seg gera. Skjúrtir kunnu turkast á akslatræi, og tá eru tær væl skjótari at strúka. ± Skilagott er ikki at hava meira vatn í el-ketlinum, enn tú skalt brúka, men hygg eftir, hvat forskriftirnar um ketilin siga um vatnnøgdina Tú eigur ikki at vaska klæðini við ov høgum hita. Skilagott er tó at taka eitt kókivask av og á - fyri at reinsa slangur og annað í vaskimaskinuni