týsdagur 27. januar 2015síða 21

21 Mikudagur 28. mikudagur 2015 · Nr. 11 Sosialurin Hugskot og viðmerkingar – send sms til 225000 Nú eru longu nakrir mánaðar farnir síðan Kristianna and­ að­ist, og tað er enn ringt at skilja, at hon ikki er her long­ ur. Tað fyrsta, eg minnist um Kristionnu var, tá ið eg fyrstu ferð skuldi inn at møta henni og Jacob. Eg var eitt sindur nervøs, sum mann er, tá ið man skal møta ver­foreldrunum fyrstu ferð, men tað vísti seg at vera heilt uttan grund. Eg kom inn, og hon gav mær eitt stórt klemm og segði vælkomin, hon hevði enntá keypt mær eina føðingardagsgávu, tí eg hevði akkurát fylt. Eg haldi, at øll sum kendu hana, høvdu sagt tað sama, hon var ein kvinna við einum stórum hjarta. Mild, tó bestemt, gestablíð og gávumild. Sjálvt úti á heim­inum við Mýruna, har hon búði tey seinastu árini, nevndi tey hana sólstrálan, tí hon hevði hetta glaða lynd­ ið. Eitt, sum hon brendi fyri, var sjómanskvinnuringurin. Hon elskaði at møtast við hin­um kvinnunum, og hugna sær við drekkamunni og stokk­um. Hon hevði umsorgan fyri fólki rundan um seg. Hon ar­ beiddi sum heimahjálp, men tey fólkini, sum hon tók sær av har, var hon eisini um í frítíðini. Hon hjálpti har hon kundi. Hon var sera umhugsin. Um onkur ikki dámdi døgurð­ an, sum hon hevði gjørt, so gjørdi hon gleðiliga okkurt serligt til tey. Hon vildi bara, at øll skuldu vera nøgd, og hava tað gott. Ommubørnini høvdu eitt serligt pláss í hennara hjarta, hon hevði altíð tíð til teirra, og elskaði at siga teimum søgur frá fyrr í tíðini og syngja fyri og saman við teimum, sunnu­dags­skúlasangir og sang­ir sum »Kettan liggur í durðinum deyð« og aðrir gamlar sangir. Kristianna var ein trúgv­ andi kvinna, og ein løta, sum hon elskaði var tá andaktin var í útvarpinum. Hon lurtaði og sang við, tá ið sálmarnir vóru sungnir. Eg fari altíð at minnast Kristionnu við gleði, og eg takki Gudi fyri at eg fekk hana sum vermóður. Joy Eg minnist ommu sum eina glaða, blíða, kerliga, men eisini eina bestemta ommu. Hon var altíð so glað, tá ið mann kom at vitja seg og abba, og hon var skjót at gera okkurt lekkurt at eta. Eg minnist serliga væl, tá ið eg og sysktinabarnið, Jovina, sótu í garðinum hjá ommu og abba ein summardag. Omma kom út við breyði til okkum og fór so inn aftur. Eina løtu seinni opnar hon vindeygað og spyr, um vit vóru tystar. Vit søgdu ja, og so loraði hon tvær saftfløskur niður til okk­um. Hon elskaði at for­kela ommubørnini. Hon plagdi at fortelja mær um, tá ið hon var ung í Leirvík. Henni dámdi so væl at for­ telja um hendingar frá 2. Heims­bardaga, tá ið tey onk­ un­tíð mátti rýma niðan í fjøll­ini, tá ið minur komu inn móti Leirvík. Hon dugdi so væl at fortelja, og eg var altíð bergtikin, tá ið hon fortaldi um sínar barndómsdagar. Tað, sum vit, ommubørn­ ini, nokk øll fara at minnast við ommu eru sangir sum »Kettan liggur í durðunum deyð«. Hann lærdi hon okk­ um øll, og tá ið hon byrjaði at siga rímið, komu øll hini »uppí«, og so sótu øll og rams­ aðu til endan. Alt tað eg kann minnast hava vit hildið jól saman við ommu og abba. Áðrenn omma bleiv veruliga dement, endaði jólaaftan altíð við at abbi spurdi ommu, nær hon ætlaði sær til hús, og hennara svar var altíð tað sama: »Ja, eg bíði bara eftir tær«, og síðani ynsktu tey okkum góða nátt og fóru til hús. Omma tók altíð børn, sviger­børn og ommubørn fyrst, og var altíð klár, um tað var tað minsta, hon kundi hjálpa við. Mann bleiv altíð móttikin við einum stórum smíli og einum stórum klemmi, tá ið man kom inn til ommu og abba, og eg elskaði at vitja tey. Alt hetta fari eg at minnast afturá við einum smíli, nú omma ikki er í millum okkum longur. Elisabeth Minningarorð um Kristionnu Elisabeth Simonsen 9. mai 1936 – 16. september 2014 Kristianna Elisabeth Simonsen 100 ára føðingardagur Týsdagin  3. februar 2015 verður Malla Olsen, sum nú býr á Vesturskin á Toftum, 100 ár. Sama dag, skipa familjan og Nes kommuna fyri móttøku í Missiónshúsium Tabor á Toftum, frá kl. 15.00 til 18.00, har øll eru hjartaliga vælkomin. Heilsanir til føðingardagsbarnið verða bornar fram millum kl. 15.00 og 16.00. Familjan og Nes kommuna 80 ára føðingardagur 3. februar fyllur Viljam Bech, Lopra, 80 ár. Dagurin verður hildin leygar­dagin 31. januar í bygdarhúsinum í Lopra frá kl 15. Øll eru hjartaliga vælkomin 70 ára føðingardagur 2. februar fyllir Brynjolf Dahl, Vágur, 70 ár. Dagurin verður hildin heima leygardagin 31. januar fra kl. 11–16. Øll eru hjartaliga vælkomin. Gullbrúdleyp Leygardagin 14. februar kunnu hjúnini Hansina og Magnus Pauli Johannesen Kollafjørð halda gullbrúdleyp, dagurin verður hildin í missiónshúsinum í Kollafirði frá kl. 17, øll er hjartaliga vælkomin Minningarhald yvir okkara góða mann og pápa, Alex C. Erharuyi, ið andaðist í Nigeria 18. januar, verður í Hoyvíkar kirkju leygardagin kl.15.00. Rannvá og lítli Jósef Tey, ið vilja minnast Alex, kunnu lata eina gávu, konta í EIK banka.