hósdagur 29. januar 2015síða 10

Fríggjadagur 30. januar 2015 sosialurin 12 10 Hóast vit í Føroyum fyri tað allarmesta eru fitt og skikkilig, kemur tað tó meiri enn so fyri, at kvinnur, sum eru alment kendar, kenna seg hóttar og niðurgjørdar við sms-boðum, teldupostum, dulnevndum brøvum ella beinleiðis forfylging Hvussu er støðan í Føroyum? Hóttanir og útspilling Lagt til rættis: eydna skaale Annika Olsen landsstýriskvinna Sum kvinnuligur politikari havi eg ongantið móttikið hóttanir ella eri blivin hótt eftir lívinum. Eg haldi tó, at kjakið og tónalagið á sosialu miðlunum er vorðið harðari og eisini meiri persón­ ligt tey seinnu árini, eisini tá tað snýr seg um mín persón. Við tað, at nógv fólk halda, at er vorðið »legitimt« at hava harðligt kjak á sosialu miðlunum, so er tað eisini í lagi »líka« at skoyta nakrar ljótar persónligar viðmerkingar inn ímillum. Eg haldi, man skal tola eitt sindur av, tá man bjóðar seg fram í politikki, men eg hevði ynskt, at kjakið var meiri sakligt og objektivt. Eg eri gomul i garði politiskt, so meg nervar tað ikki so nógv longur, at fólk koma við persónligum við­merkingum, sum tá eg byrjaði í politikki. Men eg hugsi, at harðliga kjakmentanin kann hava við sær sera óhepnar avleiðingar fyri komandi kvinnur og menn, sum bjóða seg fram, tí persónliga útspillling er tað ongin, sum ynskir. Hetta kann á langa teininum fáa fylgir fyri okkara fólkaræði. Brynhild Thomsen tíðindakvinna Eg fái ikki hatskar heilsanir, men mangar vinaligar reaktiónir. Tó havi eg – fyri mongum árum síðani – upplivað anonymar uppringingar, har onkur var hóttandi, eftir ein dekning, sum gjørdi, at ein lands­stýrismaður varð koyrdur frá. Gitti tá, at hetta vóru stuðlar hjá honum, men sum hann sjálvur einki visti um – og als ikki, at teir ringdu til mín. Hetta vardi fáar dagar og kvøld, og eg havi einki slíkt upp­livað av týdningi síðani tá. Also minus opnu ófantaligheitirnar á facebook, har onkur til dømis kallar meg »vemmiliga reyðhærda heks«. Men tað kann man jú ikki lata vera við at flenna eftir. So, nei, hetta er ikki ein trupulleiki, eg havi. Eyðgunn Samuelsen tingkvinna Eg havi ongantíð fingið hóttanir ella niðurgerandi boð á sms ella telduposti. Men undir CHE samgonguni gingu bylgjurnar høgt, serliga í sambandi við skerjing av fiski­døgum. Tá upplivdi eg dulnevndar viðmerkjarar á onkrum portali, sum viðmerktu mín persón, og sum fingu meg at kenna meg ótrygga. Viðmerkingarnar vórðu strikaðar eftir eina tíð. Johanna á Bergi stjóri í Faroe Ship Eg havi roynt at fáa hóttanir á facebook, t-posti og sms, um­ framt, at hesin maðurin stóð uttan­fyri arbeiðsplássið og tætt við heimið hjá okkum fleiri ferðir um árið í yvir 2 ár – hetta var ein útlendingur, sum helst hevði sálarligar trupulleikar. Stutta søgan er, at eg áhaldandi var í sambandi við løg­regluna, og tá onnur eisini meldaðu, bleiv hann útvístur úr Føroyum. Hetta eru yvir trý ár síðani, men síðani havi eg ongantíð upplivað hóttanir ella niðurgerandi boð. Tvørturímóti havi eg altíð havi følt meg sera væl innan mitt yrki, og eg havi fingið nógv uppmuntrandi orð. Havi upplivað anonymar uppringingar, har onkur var hóttandi, eftir ein dekning, sum gjørdi, at ein lands­stýris­ maður varð koyrdur frá« Sosialurin hevur verið í sambandi við 25 føroyskar kvinnur, sum so ella so eru almennir persónar í Føroyum. Summar siga seg ongantíð hava fingið nakra hóttan ella niðurgering, men fleiri hava tó verið úti fyri tí. Hjá onkrari teirra hevur tað verið ein stórur trupulleiki, summar hava kent seg ótryggar og hóttar, meðan fleiri halda, at kjakið á netinum mangan mest av øllum snýr seg um at hunddálka onnur. Her eru viðmerkingarnar frá nøkrum teirra um hóttanir og niðurgering.