mánadagur 2. februar 2015síða 64

vika 6 l 2. februar 2015 Ókeypis lýsingarblað 16 Vikutema Tøkni Vilmund Jacobsen Fyritøkan Sp/f Care on Sea húsast undir góðum umstøðum og í væl­ egn­aðum hølum á bryggjuni í Hvalvík. Hølini eru í bygninginum, har Skretting helt til áður. Dagligur leiðari og verkførari hjá Care on Sea er Sørin Svenning Daniel­ sen, sum í mong ár hevur fingist við plast­bátavirksemi og motorar. Tað er hetta arbeiði, ið framvegis er høvuðs­virk­semi hjá fyritøkuni, sum eisini leigar út innandura pláss – ella »neyst« – til bátar. Góðu umstøðurnar, sum Care on Sea hevur havt í Hvalvík við verkstaði og umleið 1000 fermetra stóru høllini, eru nú munandi betraðar. Søren sigur, at hann nú eisini hev­ur leigað bygningin hjá Havnar Timbur­handli, sum stendur niðan móti vegnum - ella millum verandi bygn­ing, har Care on Sea heldur til og vegin omanfyri. – Her hevur timburhandilin havt timbur­goymslu. Í høllini, sum er umleið 1000 fermetrar, er pláss fyri umleið 25 bátum. Her kunnu bátaeigarar leiga seg inn við bátum sínum og kunnu gera ymiskt vanligt viðlíkahald, sum ikki órógvar eigaran við síðuna av ella aðrar leigarar í høllini. Eisini langtíðarleiga Søren Svenning sigur, at bátaplássini í høllini hjá Havnar Timburhandli verða leigað út líka sum felagshús ella felagsneyst, og møguleikar eru eisini at gera langtíðar leiguavtalur, so­leiðis at menn, ið leiga seg inn her, kanska enntá kunnu spara bátapláss við brúgvarnar. – Í løtuni eru 20 bátar inni í høllini, men her er pláss fyri umleið 25 bátum. Menn kunnu arbeiða upp á sínar bátar, meðan teir standa í høllini, men her verður ikki loyvt at sproytilakkera og slíkt, sum órógvar aðrar, ið eru inni við sínum bátum. Hinvegin er einki til hindurs fyri at mála við pensli og ann­ ars taka hond um bátin, bæði uttan og innan. Søren sigur, at aftrat høllini hev­ ur hann eisini leigað einar 1500 fer­ metrar av plássi við bygningin hjá Havnar Timburhandli, sum er inni­ hegnað. – Umframt hesar frálíka hølis­ umstøður og umstøður uttandura, hevur Care on Sea eisini ein stóran og tryggan gaffiltruck, ið kann lyfta bátar, sum viga heilt upp í eini 20 tons. Tá Vikublaðið hevði Søren Svenning Danielsen í telefonini seinasta fríggja­ dag, hevði hann tilsamans 52 bátar uppi, og tá eru teir íroknaðir, sum standa á økinum sunnan fyri verk­ staðsbygningin. – Eg trúgvi, at samlaða økið, eg havi innan-og uttandura, nú táttar í 5.000 fermetrar, sigur hann. Eisini bátasøla Umframt at selja motorar, bjóðar Care on Sea sær nú eisini at selja bátar fyri bátaeigarar. – Vit hava longu onkrar bátar, sum eru til sølu, og fólk eru væl­kom­ in at venda sær til okkara við fyri­ spurningum. Umframt at selja, kunnu vit eisini gera eftirlit, sum bæði kann tæna seljara og keypara. Fólk, sum leita sær eftir báti - ella hava hug at selja bátin, tey eiga - eru altíð væl­komin at venda sær til mín á tlf. 748855 ella á 422855, sigur Sørin Svenn­ing Danielsen, sum eisini er at hitta á teldupostinum careonsea@ gmail.com Care on Sea fingið enn betri umstøður í Hvalvík Umframt teir umleið 1000 fermetrarnar, sum Care on Sea hevur í verkstaðsbygninginum á havnalagnum í Hvalvík, hevur fyritøkan nú eisini leigað bygningin hjá Havnar Timburhandli, sum liggur beint við, og her er pláss fyri 25 bátum innandura Í løtuni eru 52 bátar uppi á innan-og uttanduraøkinum, sum Care on Sea í Hvalvík hevur undir sínum veingjabreiði