mánadagur 9. februar 2015síða 54

vika 7 l 9. februar 2015 Ókeypis lýsingarblað 22 Sjóberið FD 115 Austin hjá Frits Jensen Skipssøga Bilurin við Óla Olsen Líðarfossur VA 217 nevndist hesin báturin sum nýggjur og næstu mongu árini. Lias í Rættará smíðaði hann í 1918 til Joen Magnus Olsen, keyp­ mann í Sørvági. Farið var tá 8,77 tons, slættbygt við flatari hekku, hevði eina mastur og átta hesta dan-motor. Í 1971 varð Líðarfossur seldur Jógvan Jákupi Lauritsen í Sørvagi og fekk navnið Sæurðardrangur VA 217. Sama árið varð motorurin, ein 25/30 hesta gamma diesel, skiftur út við nýggjan 65 hesta bukh diesel. Um 1975 var Sæurðardrangur seldur Olvheðini Jacobsen í Klaksvík og nevnd­ur Kedron KG 28. Eitt sindur seinni var hann seldur Dagfinni Petersen og øðrum í Miðvági og kall­ aðist síðan Kedron VA 22. Um 1980 keypa Ragnar Magnus­ sen á Argjum og aðrir bátin, sum fær navnið Sjóberið TN 69. Nøkur fá ár seinni, í 1983, selja teir Ewaldi F. Weihe á Skála motorbátin, sum fram­ vegis kallast Sjóberið, men hevur numm­ar­ið FD 115. Ewald F. Weihe fiskar hummara og setur onkra línu at fáa at kóka. Nú liggur so væl fyri, at Jógvan Háfjall hevur sent okkum nakrar skipatekningar. Vit plagdu áður at síggja vøkru tekningar hansara í bløðunum, og stuttligt er, at hann hevur tikin táttin upp aftur. Lesarar eru vælkomnir at senda okkum gamlar bilmyndir saman við stuttum teksti og upplýsingum til: maggi@sos.fo Bilurin á myndini er ein Austin frá 40-unum hjá Frits Jensen í Havn. Myndin er tikin uttan fyri bil­verk­ staðin hjá Sigird av Reyni í Rættará. Fólkini eru Ella og Frits Jensen. Frits Jensen gjørdi nógv burturúr at hava flottar og væl útgjørdar bilar. Hesin hevur t.d. eyka pyntilistar, tokulyktir og hvítar dekksíður. Frits var dani, sum flutti til Før­ oy­ar í 1948 og arbeiddi á sum bil­ smið­ur á verkstaðum hjá Sigird av Reyni í Rættará. Seinni átti og rak hann Esso støðina í Gundadali og bleiv Fiat umboðsmaður í Føroyum. Á skeltinum oman fyri garasju­ hurðarnar stendur DOMI Service. DOMI, sum stendur fyri Dansk Oversøisk Motor Industri, var ein donsk fyritøka, sum umboðaði ensku bil­merkini Morris, MG, Riley og Wolseley. Sigird av Reyni var umboð fyri DOMI í Føroyum. Myndaeigari: Eivind av Reyni