týsdagur 10. februar 2015síða 30

Mikudagur 11. februar 2015 · Nr. 17 30 Sosialurin Hugskot og viðmerkingar – send sms til 225000 ítróttur svimjing Soleiðis er støðan í føroyskari svimjing í dag. Longu nú hava 14 svimjarar klárað kravtíðirnar til oyggjaleikirnar á Jersey í summar. Her er ein støðumeting av føroyskari svimjing anno 2015 Altjóða mál í eygsjón Tróndur Arge Føroysk svimjing er væl fyri í løtuni, men hóast nakrar avbjóðingar, so eru fram­vegis nógvir góðir og kapp­ingar­førir svimjarar. Um viku­skiftið var stevna í Klaks­vík, og longu nú hava saman­lagt 14 svimjarar klárað kravtíðina til oyggja­ leik­irnar. Talan er um níggju mann­ligar svimjarar og fimm kvinnuligar svimjarar. Vónaðu átta – fingu 14 Formaðurin í føroyska svimji­sambandinum, Rókur í Jákups­stovu, er fegin um góðu úrslitini. Upp­runa­liga varð vónað, at átta svimj­arar skuldu klára hørðu oyggja­ leikatíðirnar. Tí hevði svimji­ sam­bandið eis­ini boða frá, at um ikki átta klárðu tað, so kundi koma upp á tal at taka eykasvimjarar við, so nokk var til stafettirnar, ið plaga at verða seinasta svimjingin á oyggjaleikunum. – Kravtíðirnar eru harðar, so vit væntaðu og vónaðu, at eini átta fór at klára tær, so at vit høvdu nokk til stafett­ irnar. Við fyrilit fyri tí, so fráboðaðu vit tá, at tað kundi koma upp á tal at taka eyka svimjarar út, til at manna stafettirnar, greiðir Rókur í Jákupsstovu frá og leggur afturat; – Akkurát tað er ein luksustrupulleiki nú. Luksustrupulleikin setir svimjarar í tví­støðu Luksustrupulleikin kann eis­ini blíva enn størri, tí tað eru aðrir svimjarar, sum eru beint uttanfyri kravtíðirnar. Her er talan um svimjarar, sum í fleiri førum hava betri tíðir frá FM í fjør, ið er uttan­ fyri kravtíðarskeiðið, enn beint nú. – Tað er sera gott, at so nógv hava klárað kravtíðina longu nú. So kunnu tey byrja at tilrættisleggja venjingina fram ímóti oyggjaleikum, sigur Rókur, men tað er við ein­um fyrivarni; – Sjálvsagt er ein ávís­ ur vandi fyri, at tey verða koppað til eitt nú úttøku­ stevn­uni í apríl. Also at tveir svimjarar svimja skjótari í tí greinini, so teir koma víðari í staðin fyri, greiðir Rókur frá. Hetta setir svimjararnar í eina tvístøðu í samband við venjing. Tað er at tey, sum longu hava klárað krav­tíð­ ir­nar, men kenna seg hótt, kunnu leggja seg eftir at svimja enn skjótari til út­ tøku­stevnurnar. Hetta kann ganga útyvir venjingina fram til oyggjaleikunum, sum kann kosta eitt sindur til ta kapp­ingina. – Hóast tað kann kosta á oyggjaleikunum, so er talan um tvey fet fram og eitt fet aftur. Tað er hóast alt eitt fet fram samanlagt, heldur for­ maðurin í svimji­sam­band­ inum fyri. Hin taktikkurin hjá svimj­ arunum er, at tey eru vís í síni úttøku og byrja tunga venjing longu nú, so tey toppa til oyggjaleikirnar. Tað er so eitt val, sum føroysku svimjararnir mugu taka. Størsti svimjihópurin, sum hevur verið við til oyggja­leikirnar er 17. Tað var á Rodos í 2007. Føroysk svimjing væl fyri Formaðurin í svimji­sam­ band­inum er væl nøgdur við støðið í føroyskari svimjing. Tað hava verið nakrar av­ bjóð­ingar í seinastuni og nakrar svimjarar eru givnir, men støðið er høgt. – Føroysk svimjing er hóast alt væl fyri. Vit hava, sum so ofta, mist onkrar svimj­arar, og hava havt aðrar av­bjóð­ingar. So sum tá Ægir mátti minka um sítt virk­semi, vegna umvæling av svimji­høllini í 2013 og 2014. Tað vísir seg lukkutíð, at nýggj koma til, sum gera tað eins væl og betri, sigur Rókur. Hann leggur afturat, at tað sjálvandi eru ting, sum før­oysk svimjing hevði hugs­ að sær var betri, men tað gongur. – Tað hjálpir ein heilan deil, at meðal føroyingurin, eftir øllum at døma, er væl egn­aður til sovorðið sum svimj­ing og rógving. Hóast vit ikki eru nógv, so eru tað lut­falsliga nógv, sum kunnu hetta her, sigur Rókur. Kunnu vænta gull á Jersey Rókur er spentur upp á summ­ari, sum er fyri framm­