hósdagur 12. februar 2015síða 35

Fríggjadagur 13. februar 2015 sosialurin 18 35 Tjaldurs Apotek • Postboks 3010 • 110 Tórshavn • www.apotek.fo www.grafi kmaster.fo APOTEKARI TIL TJALDURS APOTEK Starvið Apotekarin er ovasti leiðari á Tjaldurs Apoteki og hevur ábyrgdina av dagliga rakstrinum og menningini av apo teki - num. Apotekarin skal tryggja at kund arnir fáa best møguliga tænastu, og at tænasturnar á heilivágsøkinum støðugt verða mentar í mun til tørvin í samfelagnum. Harumframt skal apo tek arin tryggja at bygnaður og góðska eru í samsvari við nútíðar krøv. Tú verður sjálv/ur í stóran mun við til at skapa starvið, eins og at skipa menningina av Tjaldurs Apotek frameftir. Høvuðsuppgávurnar hjá apotekaranum eru m.a. at: verða ovasti leiðari á Tjaldurs Apoteki, og at verða bindilið millum lands- apotek aran, deildarleiðarar og starvsfólk á Tjaldurs Apoteki ráðgeva landsapotekaranum o.ø., og vegleiða í spurningum innan heilivágs- økið hava ábyrgdina av at gera fíggjar ætl anir fyri apotekið, og tryggja at hesar verða hildnar gjøgnum eina skilagóða raðfesting og stýring fremja skilagott samstarv og samskifti við landsapotekaran, hinar apotekarar- nar, deildarleiðarar, starvsfólk og aðrar áhugabólkar innan heilivágsøkið tryggja at Tjaldurs Apotek hevur eitt vælvirkandi leiðslutoymi, sum tekur neyðugar avgerðir ganga á odda, soleiðis at Tjaldurs Apotek frameftir verður í fremstu røð í øllum viðkomandi viðurskiftum innan heilivágsøkið Førleikakrøv Krav til umsøkjaran: (smb. apoteks lógina §7, stk 1 og 2). Hevur staðið danskt farmaceutiskt kandidatprógv ella líkt prógv, sum er góð kent at lúka sáttmála við onnur lond. Og í starvi frammanundan vorðin skikkaður til at standa fyri rakstrinum av apoteki. Vit vænta okkum at tú m.a: hevur leiðsluroyndir frá tí almenna og/ ella privata arbeiðsmarknaðinum við tínum leiðsluhátti skapar góðan trivnað og mennir deildarleiðarar, starvs fólk og Tjaldurs Apotek sum heild ert tænastusinnað/ur, fyrikomandi og hevur góð evni og vilja til at samstarva ert sjónlig/ur á Tjaldurs Apoteki og dugir væl at lýsa sjónarmið fyri øðrum ert strukturerað/ur, hevur skil fyri fíggjarstýring og góð evni at taka av gerðir, raðfesta og fremja ætlanir í verki hevur góð samskiftisevni í skrift og talu hevur áhuga í og vitan um heilsuverkið sum heild Setanar- og lønartreytir Starvið verður lønt sambært sáttmála millum Fíggjarmálaráðið og Pharma- danmark. Næsti fyrisetti er lands apo- tekar in, og tann ið settur verður, skal kunna tola broytingar í starvinum, bæði í starvsinnihaldi og vavi. Um tú ynskir fleiri upplýsingar um starvið, kanst tú venda tær til Kjartan Mohr, landsapotekara á tlf.: 355200 ella við at senda ein teldupost til: landsapotekarin@apotek.fo. Víst verður eisini til heimasíðuna hjá Apoteks- verkinum: www.apotek.fo. Umsókn Umsókn við prógvum, c.v. og øðrum viðkomandi skjølum skal stílast til: Landsapotekarin Staravegur 15 Postrúm 3087 FO-110 Tórshavn ella sendast við telduposti til: landsapotekarin@apotek.fo. Umsóknin skal verða landsapotekaranum í hendi í seinasta lagi mánadagin 23. mars 2015 kl. 12:00. Ætlanin er, at starvið verður sett frá 1. juni 2015, ella eftir nærri avtalu. Vit sóknast eftir einum nýskapandi og dugnaligum apotekara at standa á odda fyri Tjaldurs Apoteki. Tjaldurs Apotek er einasta apotek í Tórshavn og er eisini einasta apotek í Føroum, sum framleiðir heilivág. Apotekið er harumframt sjúkrahúsapotek og veitir sjúkra húsunum heilivág og tænastur. Umframt at selja heilivág selur apotekið ein hóp av merkivørum, bjóðar heilsukanningar og skamtluting. Á Tjaldurs Apoteki starvast 89 fólk á 6 deildum/økjum.