fríggjadagur 6. mars 2015síða 18

FRÍGGJADAGUR 6. MARS 2015 SOSIALURIN 27 18 KJAK KLUMMAN Hevur tú eina vekingar- rørslu? J anuar og februar eru vanliga heldur tungir og myrkir. Ein tíð á árinum, har dýnan kærkomin vinur. Men hóast sólarmyrking er fyri framman, so gongur móti ljósari tíðum. Lættari er at vakna og liva. Vanliga seta vit vekingarrørslur í samband við andaligt virksemi. Men um vit nú eru eitt sindur meira ítøkilig, meira gerandislig, og nærri hesum jarðiska heimi, hava vit so ikki øll eina vekingarrørslu? Eina rørslu, ið mest sum av sær sjálvum hoyrur morgninum til? Tað kann vera, tá vit rætta okkum eftir vekjaranum, tá vit morguntung strekkja okkum, ella tá vit spakuliga vekja børnini. Alt hetta er av sonnum eisini rørslur, ið hoyra veking og morgunstundini til. Men tá vit nú eru komin á føtur, so má eg siga, at tað ikki er morgunroðin, ið litar restina av júst hesum morginum, tí eg má mála myndina við eitt sindur myrkari litum. Tað er nevniliga so, at eg vil vera trúgvur mótvegis landslagnum. Politiska landslagnum. Men tað er, sum gerst myndin alt ov myrk. Tað tykist, sum máli eg somu klettar og fjøll aftur og aftur. Og gjáirnar, ja tær gerast bara størri og djúpari. Tað er sum verði eg drigin inn í myndina, hendan ófrættakenda heim, ið als ikki er, sum eg ætlaði hann. Pensilin vil ikki sum eg. Har eru persónar á myndini, nakrir heilt fáir, men tað er, sum stýra teir tjúkku strokunum, so at pensilin málar grov mørk á bæði sjógvi og landi. Og knappliga er tað, sum eri eg útfyri eini veking. Hetta er politiska sólarmyrkingin, ið eg eri í fer við at mála: ein heim, har fá síggjast, ráða og eiga, og har mørkini verða sett í bø, haga og sjógvi, so lutast kann út til teirra, ið frammanundan hava. Og gjáirnar, tær skilja hesi fámentu, ið eru tey meirmentu, frá teimum mongu minnimentu. Nei, her má veking til, so hesin ófrættakendi dreymaheimur hvørvur, og gerst ein lívsmynd: her krevst ein vekingarrørsla. Eg sveiggi tjúkkum pensli, strúki aftur og fram, geri rembingar og smyrji tjúkt uppá. Og fáu rembingarnar skapa knappliga nýggjan morgun, har morgunroðin boðar frá rísandi sól, og mín sann, um tað ikki er, sum er meira javnvág komin í myndina, og lív sæst aftur, har áður var oyði og myrkt. Jú, vit kunnu øll gera rembingar og vekingar­ rørslur á morgni, so dagurin gerst liviligari. Tað ber til, og so er tað helst sunt eisini. Ver við í kjakinum! Send teldupost til post@sosialurin.fo Meiningar og kjak Dagfinn Olsen Jákup Mørk Tað er kostn­ a ð a r­s t ø ð i ð fyri miðilin, sum er av­ger­ andi, tá lýs­ ing­ar­prísir skulu sam­metast út frá ein­ um kapp­ingarbarometri Sum fyrrverandi partaeigari og stjóri í P/F Miðlafelagnum eri eg kanska ikki heilt gegnigur í míni fatan av spurninginum, nú Kringvarpið enn einaferð hevur dumpað prísirnar í eini roynd at tekkjast lýsarum. Loyvi mær kortini at koma við eini viðmerking til tað, sum Kringvarpsstjórin, Dia Midjord, førir fram í mið­ viku­útgávuni av Sosialinum. Hetta sum svar til stjóran fyri KissFM, Voxbotn og Rás2, ið vil vera við, at Kringvarpið við prísdumping høggur bein­ ini undan privatu út­varps­ støðunum. Í síni viðmerking sigur Dia, at talan má verða um rættvísa sam­anbering av prísum, fyri síðani at samanbera ymsu pakkarnar hjá Kringvarpinum og Miðlar.fo. Eitt er, at Dia »gloymir«, at hann samanber prísirnar hjá eini rás, sum røkkur til hvønn krók í landinum, við tríggjar rásir, harav ein er á leið landsdekkandi, meðan hin­ar eru lokalradio. Meira týdningarmkið, so er sæð úr einum kappingar­ sjónar­miði – einasta log­ iska samanberingin, at prís­ irnir verða settar í mun til kostn­aðarstøðið á ein­støku miðlunum. Í eini kapp­ingar­ støðu verður jú altíð roynt at laga prísirnar soleiðis, at samlaða sølan verður nak­að hægri enn samlaðu inn­tøkurnar. Tí er tað í út­ gangs­støðinum fullkomuliga líka­mikið, um prísirnir hjá Kring­varpinum er 5 ferðir, 20 ferðir ella 100 ferðir so høgir sum hjá Miðlar.fo. Tað áhugaverda er, hvør prísurin er í mun til kostnaðarstøðið. Uttan at hava innlit í rakst­rartølini fyri Miðlar.fo, so er eitt kvalificerað skot, at samlaðu útreiðslurnar eru onkra staðni millum 4 og 5 mió kr. Við øðrum orðum skulu tær tríggjar útvarpsstøðirnar hjá fyritøkuni so ella so selja lýsingar fyri hesa upphædd, og sjálvandi verða lýs­ingaprísir og –pakkar ásettir í mun til hetta. Skal ein sammeting gerast út frá hesum, so er fígg jarætlanin hjá Kringvarpinum samansett av fleiri ymsum faktorum. Í fíggjarlógini fyri 2014 var budgetteraði raksturin 58 mió kr. Hartil kemur íløgujáttan, játtan til rakstur og nýgerð av sendineti, játtan til talgilding og avskrivingar av støðisogn. Soleiðis fer samlaða talið helst at líkjast nøkrum, sum byrjar við einum 8-tali. Allir hesir faktorar mugu tak­ast við, tí hjá eini privatari út­varpsstøðu er talan um postar, sum skulu fíggjast við teimum lýsingarpengum, sum koma inn. Gott nokk eru hesir pengar eisini til sjónvarpsvirksemið, men tað er neyvan heilt av leið at gita, at helmingurin ella so av hesum fer til útvarps­virk­ semið. Nú ber til at samanbera. Mett eftir einum sjónarmiði um javn­bjóðis kapping, so skuldu lýsingarnar hjá Kringvarpinum kosta á leið 9-10 ferðir tað, sum tær gera hjá Miðlar.fo. So tá Dia Midjord sigur, at prísirnir hjá KvF eru 5-6 ferðir dýrari, so eru teir altso framvegis eini 40-50% lægri, enn teir áttu at verið. Og so kundi eg kanska lagt afturat, at tað sjáldan er ein gongd leið at dumpa prísin í eini roynd at vinna inntøkur. Tað kann væl vera, at lýsingarnar gerast fleiri í tali, og kanska skapa tær tá fleiri inntøkur til provisiónslønt sølufólk. Men tær skapa ikki fleiri inntøkur til stovnin. Ein veruleiki, sum Dia átti at skilt, nú tey í fleiri umførum hava roynt seg við príslækkanum, uttan at hetta hevur havt stórvegis positiva ávirkan. ES. Haldi annars slettis ikki, at Kringvarpið skal hava lýsingar. Tað skaðar trúðvirðið hjá stovn­inum. Tað skapar eina økta kommercialisering av tí, sum skuldi verið okkara fremsti mentanarberi, og tað máðar støðið undan privatu miðl­unum, sum annars skulu vera við til at skapa eitt fjøltáttað miðlalandslag. Dia vrøvlar um prísir Bjarni Djurholm Um dagarnar kom so­ljóð­ andi skriv frá tíð­inda­leið­ar­ anum í KvF til floksfor­menn­ inar: »Nú stundar bæði til løg­tings- og fólkatingsval, og Kring­ varpið ynskir at hátíðarhalda fólkaræðið saman við velj­ arunum og sjálvsagt tykkum.  Tí vil eg fegin hava ein fund við tykk­um. Helst longu í næstu viku, tó ikki mikudagin. Tað tekur ein lítlan tíma pr. formann. Ynskiligt er, at tit hava val­samskiparan hjá flokk­inum við. Eg greiði tykkum frá, hvussu vit ætla at skipa valdekningin og val­ kvøldini á øllum miðlapallum. Viðmerkingar frá tykkum eru sjálv­sagt vælkomnar! Eisini skulu praktisk viðurskifti av­ stemmast.  Vit gera eisini vallýsingar klárar til sjónvarpið, so mynda­ fólk verður møguliga við til fundin.   Vinarliga Liljan Weihe Tíðindaleiðari Kringvarp Føroya« Ikki kann sigast annað, enn at KvF sýnir serligan atburð, nú miðilin boðar frá, at ætlanin er at »hátíðarhalda fólka­ ræðið saman við veljarunum og sjálvsagt flokkunum......«. Tað er ikki meira enn vika síð­ani at leiðsla, tíðindaleiðari og tíð­inda­fólk vórðu dømd eftir revsilógini fyri æru­ meiðing - ein dómur, sum av løgfrøðingum varð lýstur at vera sjáldsama greiður, har tey dømdu vóru lýst at hava jagstrað lands­stýris­mann grovliga av órøttum – og vóru dømd samsvarandi. Spurningurin er, hevur KvF onga sjálvrannsakan? Er eingin sjálvsagi? Snýr alt seg um sjálvsprísan, nú tíðinda­ leiðarin ósmæðin bjóðar til »fólkaræðiligt hátíðarhald saman við KvF«? Hvar hevur fólkaræðiliga virð­ingin í KvF verið fyri lógliga valda meirilutanum á tingi, lógliga valda landsstýrinum og fólkaræðiligu manna­gongd­ unum farnu trý árini? Og so at koma útvið 8 mðr. áðrenn valið við innbjóðing at fyrireika valini komandi! Ætlar tíðindaleiðarin nú eisini at útskriva løgtings- og fólkatingsval? Hvat munnu hinir miðl­ar­ nir siga til, at KvF longu bjóðar at gera val­lýsingar klárar til sjónvarpið? Tosaði nakar um kapp­ ingarav­lag­ing? Haldi, at nú má onkur vakna. Skal KvF nú eisini hátíðar­ halda fólkaræðið?