mánadagur 16. mars 2015síða 29

29 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 16. mars 2015 · Nr. 31 ítróttur Landsliðsvenjarin hevur boðsent mest sum øllum teimum, sum fyri fýra mánaðum síðani vóru við til at vinna á Grikkalandi Fara til Rumenia við styrktum sjálvsáliti fótbóltur Jóannes Hansen 29. mars skulu Føroyar spæla ársins fyrsta landsdyst. Hann er merkisverdur á tann hátt, at hetta verður fyrsta royndin eftir, at Føroyar 14. november í fjør vunnu 1-0 á Grikkalandi suðuri í Piræus. Ta ferðina var Jóan Símun Edmundsson einsamallur mál­skjútti. Saman við Jóan Símuni sendi Lars Olsen í gjár­kvøldið boð mest sum eftir øllum teimum somu, sum vóru við í Grikkalandi fyri fýra mánaðum síðani. Undantakini eru Hallur Hansson, sum í Grikkalandi var millum teir fyrstu ellivu og nú er leikbannaður, og Hanus Jacobsen, sum var á beink­inum allar 90 min­ uttir­nar. Sammett við ímóti Grikka­landi eru tveir spæl­ arar komnir aftrat. Teir eru Bárður Hansen úr Víkingi og Jóhan Troest Davidsen úr HB, sum var úttikin til ferð­ ina suður til Grikka­lands, men sum var noyddur at geva avboð. Klæmint A. Olsen er topp­ skjútti í landskappingini við fimm málum. Hann hevur vunnið afturval. Sam­an við honum í álopinum eru Arnbjørn Hansen og Jóan Símun Edmundsson. – Eg var stak væl nøgdur við avrikið í Grikkalandi. Tøl­ini undirstrika, at sigurin var uppi­borin. Vit høvdu tólv mál­møguleikar, og grikkar høvdu seks, og tí er tað nátúr­ligt, at teir flestu eru boð­sendir at koma við niður til Rumenia, sigur Lars Olsen, og hann heldur fram: – Vit verða ongantíð favo­rittar, men vit kunnu brúka avrikið í Grikkalandi á úti­vølli ímóti Rumenia 29. mars. Spælið hjá rumenum og grikkum líkist, men rumen­arar spæla við størri sjálvs­áliti. Eg havi álit á spæl­arunum, at teir fara at brúka royndirnar úr Grikka­landi. Rumenia er besta liðið í bólkinum. Tað plagar ikki at ganga so væl hjá Føroyum í mars, men spæl­ar­arnir eru væl fyri, nú teir hava spælt fleiri um­ før í lands­kappingini, so vit vóna, at tað fer at bera til at gera upp við søguna, segði lands­liðs­venjarin, tá ið hann fyrr í kvøld kunngjørdi hvørjir spæl­arar skulu við til Rumenia: Málverjar Gunnar Nielsen Teitur M. Gestsson Tórður Thomsen Verja Jónas þór Næs Viljormur Davidsen Atli Gregersen Sørin Ragnar Nattestad Odmar Færø Johan Troest Davidsen Bárður Hansen Miðvøllur Fróði Benjaminsen Gilli Sørensen Pól Jóhannus Justinussen Róalur Jakobsen Kaj Leo í Bartalsstovu Christian Lamhauge Holst Brandur H. Olsen Sølvi Vatnhamar Álop Klæmint A. Olsen Arnbjørn Hansen Jóan Símun Edmundsson