mánadagur 16. mars 2015síða 30

Mánadagur 16. mars 2015 · Nr. 31 30 Sosialurin Hugskot og viðmerkingar – send sms til 225000 ítróttur hondbóltur Neli Heldarskarð Á fyrsta sinni royndi Føroyar seg við einum U17-landsliði í kvinnuhondbólti. Undan kapp­ingini var ilt at spáa um útlitini hjá føroyska liðnum, tí at mótstøðuliðni høvdu nógv fleiri royndir enn før­ oyska liðið. Eitt nú verður russiska U17-landsliðið rokn­að sum eitt av heimsins sterk­astu landsliðnum, og tað sást eisini aftur í undan­ kappingini hetta viku­skiftið. Hóast uppgávur­nar vóru stórar, so smædd­ust før­ oysku gentur­nar ikki burtur. Um marginal­væl­vildin eis­ ini hevði verið betri ímóti før­oyska liðnum, so høvdu gentur­nar kunnað leikt seg í endaspælið, sum verður í Makedonia seinni í ár. Framúr byrjan Fyrsti dysturin hjá føroyska liðnum varð leiktur fríggja­ kvøldið klokkan 19 ímóti Íslandi. Væntað varð, at tað var í hesum dystinum, at møgu­leikin at fáa stig var størstur. Og sigast má, at U17-landsliðið tók av møgu­ leikanum. Tær vunnu nevn­ iliga 25-24 í einum sera spenn­ andi og intensum dysti. Nú vistu føroysku genturnar, at tær kundu spæla seg víð­ari til EM-endaspælið í Makedonia, um tær vunnu dystin leygarkvøldið ímóti Kekkia, ið tapti sín fyrsta dyst greitt ímóti Russlandi. Orkan fór at bila Nógv fólk var møtt upp í høllina á Hálsi at stuðla føroyska liðnum leygar­ kvøldið. Og dysturin gjørdist enn einaferð ein sera spenn­ andi hond­bólts­upp­living, men tíverri fall sigurin ikki í føroyskar hendur í hesum dyst­inum. Kekkar vunnu sær eina leiðslu beint áðrenn hálv­leikssteðgin, og hana megnaðu tær at varðveita restina av dystinum, hóast munurin ikki var stórur. Endaliga úrslitið gjørdist 25-21 til Kekkia. Tískil sá tað næstan ómøguligt út hjá føroysku gentunum at spæla seg víðari til enda­spælið, tí at í síðsta dystinum sunnu­ kvøldið bíðaði stórtjóðin Russland, ið eisini sorlaði Ísland á sama hátt sum tær sorlaðu Kekkia. Eitt gott avrik Sum væntað tapti føroyska liðið ímóti Russlandi, men inn­sats­urin hjá Føroyum lá avgjørt ikki eftir. Russ­ land hevði vunnið báðar teir undanfarnu dystir­nar við 17 málum, men Før­oyar megn­aðu at halda mál­mun­ inum niðri á átta málum. Enda­liga úrslitið gjørdist 15- 23. Serliga var tað føroyska verjuspælið, ið riggaði væl í hesum dystinum. Samanumtikið kunnu allir hondbóltsáhugaðir før­ oy­ingar vera ernir av teimum føroysku gentunum. Tær stríddust minniliga og vóru nær við at blíva tað fyrsta før­oyska landsliðið í søguni, sum leikti seg í eitt altjóða enda­spæl. Tað rakk ikki hesa­ferð, men hetta gevur vón um, at tað avgjørt ber til, hóast fólkagrundarlagið er lítið. Tá ið so eisini verður hugsað um, at hetta er Føroyska U17-hondbóltslandsliðið hjá kvinnum stóð seg sera væl í EM- undankappingini, sum varð leikt í høllini á Hálsi hetta vikuskiftið. Mótstøðuliðini hjá Føroyum vóru Íslandl, Kekkia og Russland kunnu vera við á altjóða hondbólts­ pallinum