týsdagur 17. mars 2015síða 16

Mikudagur 18. mars 2015 · Nr. 32 16 Sosialurin Hugskot og viðmerkingar – send sms til 225000 meldurin Terji Nielsen Bólkurin AVE, ið er mann­ aður av teimum Benjamin Petersen og Petur Pólsson, var ein av stóru sigurs­harr­ unum á FMA leygarkvøldið. Millum annað vann AVE virðis­lønina ársins bólkur/ ein­stak­lingur inn popp/rokk og eisini heiðurin sum ársins nýggi bólkur. Men tað var bara Benjamin Petersen, ið kom upp at taka ímóti heiður­ inum, tí hin limurin í bólk­ inum, Petur Pólsson, var, sum Benjamin málbar seg, »staddur á Ríkissjúkra­hús­ inum við heysinum skít­ fullum av blóði«. Hetta kom óvart á nógv fólk, at støðan hjá Peturi var so, men sjálvur sigur høvuðs­ per­són­urin, at støðan er batn­að nógv seinastu vikur­ nar, og at hann gleðir seg til at fara í gongd við at skapa meiri tónleika saman við Benjamin í bólkinum AVE. Drepandi høvuðpína – Nú havi eg tað faktisk ordiliga gott. Eg eri í góðum hondum her á Ríkis­sjúkra­ hús­inum. Tað, sum hendi, var, at eg fekk eina bløðing á heil­anum, ella uttan á heila­hinduni, so tað er ikki ein vanlig heilabløðing. Tað hendi knappliga, og ein skann­ing hósdagin skal vísa, hvør orsøkin er. Men eg havi havt fleiri infektiónir, sum kunnu vera orsøkin, greiðir Petur Pólsson frá í telefonini av Ríkis­sjúkrahúsinum. Hann greiðir frá, at tað heila byrjaði við, at hann hevði eina ræðuliga, drep­ andi høvuð­pínu, sum hann ongan­tíð áður hevði upp­ livað. – Tað hevði eg havt í eina viku ella so, og eg fekk als ikki verið til. Eg endaði so í Havn til kanningar, og tá ið eg hevði verið í skannaranum á Landssjúkrahúsinum, stað­ festu teir bløðingina, og eg bleiv sendur niður beinan­ vegin. Nú havi eg so verið niðri í góðar tríggjar vikur, sigur hann. Petur Pólsson greiðir frá, at henda drepandi høvuð­ pínan var so ógvuslig, at hann als ikki var klárur í høvd­inum fleiri av teimum sein­astu døgunum, áðrenn hann bleiv sendur til Dan­ markar. – Tann eina dagin, tá ið eg hevði hesa ræðuligu høvuð­ pín­una, var eg farin til ar­ beiðis í ongum skóm, og eg hevði lagt meg á eina sofu á lærara­stovuni. Tá var eg ikki við míni fullum fimm, og tá var tað, at mínir starvs­ felagar fingu meg til Havnar til kann­ingar, greiðir hann frá. Minnist ikki alt So illa stóð til hjá Peturi, at hann satt at siga ikki minnist alt frá teimum seinastu døg­ unum, áðrenn hann kom und­ir læknahond og bleiv send­ur niður. – Eg minnist ikki serliga væl teir seinastu dagarnar, áðrenn eg bleiv sendur niður, men eg havi fingið teir fortaldar. Tá ið eg kom nið­ur, lá eg fyrstu vikuna á inten­ siv, og tá var eg skít í ørviti av øllum heilivágnum, sum eg fekk. Nú eri eg uppi hvønn dag, men eg blívi skjótt rætt­ iliga móður, og orkan er ikki stór, sigur hann. Petur Pólsson sigur tó, at hann følir, at tað gongur rætta vegin. – Tann drepandi høvuð­ pínan er ikki so sterk long­ur, og eg havi heldur ikki roykt í eini tvær vikur nú. Eg fekk sovorðin nikotin­plást­ur frá teimum her á sjúkra­hús­ inum, og tað hevur riggað bara heilt væl, sigur hann. Setir tankar í gongd At koma út fyri slíkum, sum Petur Pólsson júst hevur upp­livað, setur síni spor, og sjálvur sigur hann, at lívið verð­ur sett í perspektiv av eini slíkari uppliving. – At koma út fyri hesum, sum er nú fari ígjøgnum, setir veruliga tankar í gongd. Eg eigi eina dóttur, familju og ar­beiði, sum eg eri góður við. Ein slíkur umgangur ger, at man finnur út av, at man ikki er ósáriligur og ævigur, og man sær eitt sindur øðrvísi upp á lívsins viðurskifti, sigur hann. Hann dylur heldur ikki fyri, at hann verður noyddur at rað­festa eitt sindur øðrvísi í lív­inum framyvir. – Eg kann bara ásanna, at eg má skrúva niður. Eg kann ikki hava gongd í so nógvum ymiskum, sum eg til dømis hevði í fjør, tí tað er orkan ikki til, sigur hann. Rørdur av allari umsorganini Síðani Petur gjørdist sjúkur hava ómetaliga nógv fólk sent honum heilsanir og góð ynskir, og hann er sjálv­ur púra ov­farin av allari um­ sorg­an­ini. – Eg havi verið ófatiliga rørdur av tí nógvu upp­merk­ somheit, ið eg havi fingið serliga á Facebook. Tað hava verið nógvar heils­anir, og eg veit um bønar­bólk­ar, sum hava biðið fyri mær. Ein bólkur er eisini gjørd­ur, har eini 150 av mín­um vinfólkum eru við, og har sysktina­barn­ ið hjá mær skrivar dag­før­ ingar um støðuna hjá mær, greiðir Petur frá. Hann sigur, at hann er ómeta­liga rørdur av, at fólk ganga so høgt uppí heilsu­ støð­una hjá honum, og tað vil hann fegin takka teimum fyri. – Slíkt rakar mítt hjarta minst líka nógv sum nøkur virðisløn. Tað at fólk ganga upp í tína vælveru, sigur hann. Fegnast um FMA Sum áðurnevnt vann AVE fleiri virðislønir leygar­kvøld­ ið. Bólkurin vann bæði sum árs­ins nýggi bólkur og sum árs­ins bólkur. Petur Pólsson vann sjálvur virðislønina fyri árs­ins tekst fyri tekstin til lag­ið »Øskuhav«, meðan Benjamin Petersen bleiv vald­ ur til ársins sangara. Petur fegn­ast um allan heið­urin. – Tað er sjálvandi ótrúliga stuttligt. Eg haldi persónliga, at tað er serliga stuttligt at vinna fyri ársins tekst. Virðis­lønirnar eru ein viður­ kenn­ing, sum man sjálvandi er glaður fyri. Eg fari tó ongan­tíð í studio fyri at gera nakað, sum eg skal hava eina virðis­løn fyri, sigur hann. Petur Pólsson dylur tó ikki fyri, at hann fegnast um FMA-tiltakið, sum avgjørt er við til at varpa meiri ljós á før­oyskan tónleik. – Eg haldi, at FMA er eitt frálíkt tiltak. Konseptið er ógvu­liga passandi, og eg haldi, at man hevur rakt væl við eini skrá, ið er væl saman­ sett við góðum virðislønum. Hetta er eitt tiltak, har man fær víst, hvussu ríkur før­ oysk­ur tónleikur er. Tað góða við FMA er, at tað ikki er so lætt at spáa, hvør vinnur ein­ støku virðislønirnar, sigur hann. Hóast Petur var við til at vinna fleiri virðislønir leygar­kvøldið, so fekk hann ikki so nógv við av sjálvum til­tak­inum. – Pápi mín var hjá mær her á sjúkrahúsinum, og hann streamaði tiltakið á tele­fon­ini. Men eg lá og fekk anti­biotika-dropp, so eg fekk ikki so nógv við sjálvur, greið­ir hann frá. Ein av stóru sigursharrunum á FMA-tiltakinum leygarkvøldið var Petur Pólsson úr bólkinum AVE. Petur fekk tó ikki verið við til stóra tónleikatiltakið, tí hann seinastu tríggjar vikurnar hevur ligið á Ríkissjúkrahúsinum við bløðing á heilanum. Ein hending, sum sambært Peturi veruliga hevur sett lívið í perspektiv Lívið verður sett í perspektiv Bólkurin AVE hjá Peturi Pólsson og Benjamin Petersen gjørdist stóri sigursharrin á FMA leygarkvøldið