týsdagur 17. mars 2015síða 17

17 Mikudagur 12. februar 2014 · Nr. 18 Sosialurin Hugskot og viðmerkingar – send sms til 225000 Mikudagur 18. mars 2015 · Nr. 32 meldurin AVE eitt øgiliga persónligt projekt Bólkurin hjá Peturi og Benjamin Petersen, AVE, vann sum kunnugt virðisløn fyri árs­ins nýggja bólk. Hvør er søgan aftan fyri bólkin, spyrja vit Petur Pólsson. – Plátan hjá okkum er eitt øgiliga persónligt projekt hjá okkum báðum. Tað byrjaði við, at vit í 2012 á fyrsta sinni tosaðu um at gera eina fløgu, har vit áttu hvør sína síðu. Vit gjørdu konseptið fyrst, og løgini komu so aftaná. Vit tóku fløguna upp uppá eina viku í fjør. Tað var ótrúliga stuttligt, tí tað var altíð fult av fólki í upptøkuhølinum, greiðir Petur Pólsson frá. Teir báðir kendust tó framm­anundan og høvdu havt onkrar verkætlanir sam­an áður. – Eg havi altíð vitað, hvør Benjamin er, men okkara sam­starv byrjaði í 2010. Tá gjørdi eg ein sang, sum eitur »alt sum melur«. Vit báðir prátaðu saman til eitt singer/songwriter tiltak, og tað endaði so við, at vit báðir gjørdu lagið saman. Seinni stóð hann fyri framleiðsluni av mínari fløgu »Transit« í 2011, og seinni havi eg gjørt tekstir til onkur løg hjá honum. Hann sigur, at tað var ein heilt serlig tilgongd, ið teir brúktu í sambandi við upp­ tøk­urnar av fløguni hjá AVE. – Vit tóku bara upp, og tá ið vit so manglaðu tón­leik­ arar, so ringdu vit bara til fólk, sum vit kendu, at vita, um tey kundu veita eina hjálp­andi hond. Til dømis mangl­aðu vit klaverspælarar tann eina dagin, og tá komu bæði Teitur Lassen og Magnus Johannesen inn at hjálpa okkum. Tað er slíkt, sum ber til í Føroyum. Vit hava eitt ótrúligt út­boð av tónleikarum í Føroy­um, og tað, sum er so ótrúliga stutt­ ligt, er, at allir tón­leik­ararnir koma við gleði at spæla, sigur hann. Sjáldsamt samanhald innan føroyskan tónleik Sjálvur heldur Petur Pólsson, at føroyskur tónleikur er ómeta­liga ríkur bæði við­víkj­ andi tí breiða úrvali av tón­ leiki, ið verður smíðað, men so sanniliga eisini av teim­um fólkum, sum eru virkin í før­ oyskum tónleiki. – Allur tann føroyski tón­ leika­pallurin er eitt slag av einum vinarskara. Tá ið vit standa á pallinum, so hava vit kensluna av, at man stendur og framførir saman við sín­ um bestu vinum, og tað er altso tann besta kenslan, ið er til. Samanhaldið í før­ oysk­um tónleiki er heilt sjáld­samt, og tað siga eisini allir út­lendingar, ið koma til Føroya at spæla tónleik. Tað er í mínum hugaheimi einki at ivast í, at hetta samanhald er ein styrkur fyri føroyskan tón­leik, sigur hann. Petur Pólsson sigur, at tað at samanhaldið er so sterkt ger, at man ofta fær so góð ting burturúr, tá ið hesar skap­andi kreftir hittast. – Tónleikararnir eru her, og tá ið tú fært sovorðnar tónleikarar inn at hjálpa tær, so gevur tað ótrúliga nógv. Teir ríka um tónleikin, og tað ger tað so stuttligt, at teir kunnu koma inn, og so kunnu løgini blíva púra ham­skift. Tá tú ert um­gyrd­ ur av so nógvum kreativum og góðum fólkum, so blívur tað vakurt, men tú skalt vera opin fyri tí. Tá kenst eitt upp­tøkuhøli ikki sum eitt arbeiðspláss, men heldur sum eitt spælipláss, sigur Petur Pólsson. Ætlar sær í gongd aftur skjótt Um framtíðina sigur Petur Pólsson, at hann væntar sær góð boð í sambandi við kann­ingarnar hósdagin, og hann ætlar sær beinan vegin at fara spakuliga í gongd við tón­leikin aftur. – Nú eru vit í AVE komnir hartil, at vit eru byrjaðir at gera sangir saman. Kon­ septið broytist eitt sindur, tí nú skulu vit ikki hava hvør sína síðu á fløguni. Talan verður um meiri saman­spæl, har vit supplera hvønn­ann­ an. Higartil hava vit gjørt eini 10 sangir, og vit fara at seta okkum niður, tá ið vit hava fleiri løg. Vit sita ikki bein­leiðis saman og skriva, men gera ymiskt hvør sær, sum vit so seta saman, greið­ ir hann frá. Petur Pólsson er bjart­ skygdur, og hann vónar, at tað skjótt av álvara kemur gongd á næstu útgávuna hjá AVE. – Eg ímyndi mær, at vit fara í gongd aftur seinni í hes­um mánaðinum ella í kom­andi mánað, og kanska fer tað at bera til at fáa eina fløgu út í ár, sigur hann at enda. terji@sosialurin.fo Petur Pólsson hevur seinastu gott og væl tríggjar vikurnar ligið á Ríkissjúkrahúsinum í Keypmannahavn við bløðing á heilahinduni. Hann heldur, at tað gongur framá og vónar, at hann skjótt kemur so mikið fyri seg, at hann kann fara undir at gera tónleik aftur Myndir: Privat