hósdagur 19. mars 2015síða 7

Fríggjadagur 20. mars 2015 sosialurin 33 7 Bárður Veihe fylgir upp og sigur: – Áðrenn ein sending her í húsinum fer í luftina, skal hon í gjøgnum fleiri lið. Fyrst ein tilrættisleggjara, so ein korrespondent, sum ofta hevur nøkur hugskot, síðani ein redaktør og er tað neyðugt, skal ein juristur eisini hyggja at sendingini fyri at tryggja, at alt, sum verður sagt í sendingini, er so juridiskt korrekt sum gjørligt, greið­ir hann frá. DR – óheft og korrekt DR, ið stendur fyri Danmarks Radio, er ein óheftur public service-stovnur, ið leggur seg eftir at framleiða aktuelt til­far til allar málbólkar innan stórt sæð allar sjangrur, sum tíðindi, mentan dokumentar og undirhald av ymiskum slag. Hvat viðvíkur tíðindadeildini, har okkara tríggir fotografar starvast, er tað umráðandi at vera á staðnum, tá tað leikar á, men tað er av minst líka stórum týdningi, at tíðindini verða borin rætt fram. – Tað verður gingið høgt upp í, at vit hava fakta uppá pláss, áðrenn vit fara í luftina. Til dømis við terror- álop­unum, sum vóru 14. februar. Tá var tað umráðandi fyri DR at bíða við tíðindunum, til talið av deyðum var stað­fest. Øvugt var TV2 fyrr úti við søguni, men mátti koma við eini rætt­ ing, tí talið av deyðum var ein í staðin fyri trý, sum so seinni út á dagin blivu til tvey. Og tann hugburðin, at okkara boðskapur skal vera so korrektur sum gjørligt, dámar mær væl, slær Bárður Thomsen fast. – Tað er eisini umráðandi fyri DR ikki at doypa ein mann terrorist, fyrr enn tað er váttað av løgregluni. Tí var hann fyrst umrøddur sum »formodet terrorist« í okkara tíðindasendingum, greiðir Jan frá. Umframt at vera partur av føstu manningini á 21 Søndag, tekur Jan nú eitt skeið, ið gevur loyvi og førleikar at filma við dronu, eitt nógv umtalað slag av upptøku-mannagongd við nógvum ivamálum. – Tað krevst eitt serloyvi fyri at sleppa at filma við dronu í Danmark. Tað er ymiskt við lóggávuni um dronu-upptøkur frá landi til land. Dronan gevur møguleika fyri at fáa myndir frá einum vinkli, ið er ógjør­ ligur at fáa frá jørðini, greiðir Jan frá. At filma við dronu er bert eitt av mongu skeiðunum og eftir­út­búgv­ ing­unum, starvsfólk hjá DR kunnu fáa. Hendan dagin hevur Bárður Thomsen eisini verið á skeið um hand­faring av ferðaútgerð í samband við upptøkur uttanlands. Sterk føroysk umboðan Meðan vit tosa, gerst tað týðiligt, at tað, at vera føroyingur í DR-býnum ikki er so sjáldsamt, sum ein kanska skuldi trúð. Teir koma bara ikki á skíggjan. Men hví er tað, at júst foto­ graf­arnir hava so sterka føroyska um­boðan? – Tað er ikki tí, at tað er so lætt at sleppa inn her. Fólk standa í kø fyri at fáa ein kjans sum hendan, sigur Bárður Thomsen. – Tá Jan og eg vóru til samrøðu, vóru vit væl yvir 100 umsøkjarar, 20 vóru boðin til samrøðu, har av vóru fýra føroyingar, sigur Bárður Veihe. Og tað má sigast at gangast væl hjá føroysku fotografunum, tí teir fáa góðar afturmeldingar frá starvs­ feløgunum. – Eg fái ofta at vita, at tað er ein ró yvir tí, eg geri. Onkur hevur spurt meg, um tað hevur okkurt við fjøll­ini í Føroyum at gera, men eg havi í hvørt­ fall ikki gingið og runnið í fjøll­unum, greiðir Jan frá og flennir. Bárður Veihe heldur kortini, at tað hevur nakað við upplæringina í Kring­varpinum at gera. – Tá man hevur arbeitt á eini so lítlari redaktión, sum teirri í Kring­ varpinum, hevur man verið væl runt um fakið, og eftir stuttari tíð hevur tú gjarna roynt alt, sum hevur við ar­beiðið sum fotografur at gera. At taka upp, klippa, framleiða osfr. Vit hava soleiðis verið víða um í fakinum saman­borið við teir fotografarnar, sum vit kappast við, greiðir hann frá. Kynstrið at fortelja Burtursæð frá støddini á miðlunum, er arbeiðiði í sær sjálvum tað sama. Tað snýr seg um at duga at fortelja eina søgu. Munurin í arbeiðnum gerst tó týðiligast í sjálvari til­rættis­ leggjanini av eini søgu. »Tað verður gingið høgt upp í, at vit hava fakta uppá pláss, áðrenn vit fara í luftina. Og tann hugburðin, at okkara boð­skapur skal vera so korrek­tur sum gjørligt, dámar mær væl« Bárður Thomsen ...framhald á síðu 8 Mynd: Allan Korsager Davidsen Bárður Veihe, Jan Macdonald Arnskov og Bárður Thomsen, hava sína dagligu gongd sum fotografar í DR-býnum í Keypmannahavn.