hósdagur 19. mars 2015síða 22

Fríggjadagur 20. mars 2015 sosialurin 33 22 kjak klumman Hilmar Jan Hansen Skúlin nógv eftir at læra Í vikuni hendi tað aftur, at Mentamálaráðið datt um beinini á sær sjálvum, tá PISA-roynd skuldi vera. Hesaferð vóru geymarnir ófullfíggjaðir, tí har vantaði ein týdningarmikil fíla, so teir kundu brúkast til royndirnar. Tað bleiv so rættað og riggaði fínt aftaná, men ikki skerst burtur, at feilurin hendi og enn einaferð fekk skúla-Føroyar at síggja út, sum var sólarmyrkingin longu komin. At royndir eru fongdar við feilum, er ikki nakað nýtt, tí seinnu árini er bæði komið fyri, at virus hevur verið á geymum, ið Mentamálaráðið hevur útflýggjað skúlum, og at royndir hava verið fullar í beinleiðis feilum og villum, so tær illa kundu brúkast. Ikki kann tað akkurát sigast at vera serliga álitisvekjandi, at hægsti skúlamyndugleiki í landinum ferð eftir ferð dumpar, júst tá onnur annars skulu standa sína roynd. Ferð eftir ferð verður so spurt, hvørjar avleiðing­ arnar eru og hvør skal standa til svars fyri, at hægsta stað innan føroyska skúlagátt ber seg at sum ein sibbi, men higartil hevur tað ongar avleiðingar fingið fyri nakran, uttan tey børn og teir lærarar, ið standa sum kánus uppi yvir teimum feilum, teimum verða sendir. Í Mentamálaráðnum siga tey, at tað er ikki øðrvísi enn hjá SEV, men tað er nú ein samanbering, ið veruliga vil nakað, tí fáur mundi grunað, at so illa stóð til. Tað skal eitast, at altavgerandi er, hvat úrslitið av PISA-royndini verður, men higartil vita vit so, at tað enn ongantíð hevur verið í nánd av at vera nøktandi, og tá er skjótt at stilla diagnosuna, at so hava vit snøgt sagt ov vánaligar næmingar. Og hava vit tað, slepst illa undan at peika eftir lærarunum fyri at staðfesta, at teir heldur ikki kunnu vera beinleiðis yvirdrivið dugnaligir. Jú, tað ber sjálvandi eisini til at peika víðari, tí í Mentamálaráðnum sær tað ikki mætari út, enn at øll høvdu lagt tað til merkis, um okkurt onkuntíð vendi rætt! Oman á tað heila bórust í vikuni so eisini tey tíðindi, at av meira enn 700 næmingum í níggj­ unda flokki vóru tað bara tveir, sum hildu seg til at senda ein tekst inn til eina skrivi­kapp­ing hjá Rithøvundafelagnum, Námi og Norður­landa­ húsinum. At tað eisini er ein feilur, at meira enn 700 næmingar ikki vilja vinna eina heila ókeypis viku í Stockholm, ivist eg ikki í, men tey í Mentamálaráðnum hava so opinbart ikki funnið hann enn… Ver við í kjakinum! Send teldupost til post@sosialurin.fo Meiningar og kjak Árni Dahl Í kvøld fekk eg ikki brúkt net­bankan, av tí at fram á skíggj­an kom ein val­mynd, har eg skuldi játta bankanum at brúka mítt p-tal til eina danska skipan, sum nevnist Nem-ID. Okkurt, sum kemur í gildi einaferð í summar. Eg bakkaði út úr skipanini, tí seinni skulu hesir upp­lýs­ ingar – sum skilst – brúkast, so eg skal skrásetast við donsk­ um CPR-nummari. Í undirskrivaðum sátt­ mála frá bankanum havi eg fingið heimild at brúka net­ bankatænastuna. Í fyrsta lagi havi eg hug at spyrja EIK-banka, um bankin, uttan at siga sáttmálan upp, hevur nakra heimild at forða mær at brúka skipanina fram til 10. mai. Síðani havi eg hug at minna bankarnar, sum eru við í hes­ um tiltaki, á, at føroyingar allir hava tikið í reyvina á bankum, eftir at teir av dugna­loysi eru farnir á heysin. Mong mistu bæði hús og heim og noyddust í útlegd. Mint verður eisini á, at stað­ fest er í fyrispurningi og svari á løgtingi, at tað hevur kostað bankunum og tí almenna nógvan pening – onkur hevur nevnt 150 til 200 milliónir – at allir føroyingar nú skulu hava danskt CPR-nummar og Nem- ID, samstundis sum vit avreiða KT- og vitanararbeiðspláss til Danmarkar. Og so seinni spurningurin: Lata hesir somu bank­ar seg nú brúka sum sam­bands­jarn­ brot, ið skulu tvinga okkum at gerast ein danskur útjaðari í uppaftur størri mun, enn vit longu eru?   18. mars 2015 Føroyskir peninga­stovnar sum sam­bandsjarnbrot? Høgni Hoydal Formaður í Tjóðveldi Fyri nøkrum døgum síð­ani varð oyggja­ ríkið Vanuatu í Kyrrahavinum rakt av eini ógvusligari náttúruvanlukku, har ein ódn legði nær um alt landið í oyði. Fólk hava latið lív og megin­parturin av tjóðini er vorðin heimleys. Upp í 90% av hús­unum í høvuðsstaðnum eru burtur, og alt infrakervið er í sorli. Í Vanuatu - sum gjørdist sjálvstøðug tjóð í 1980 - búgva góð 200.000 fólk. Talan er um eitt oyggjasamfelag við 85 oyggj­um, har fólk býr á 65 teirra. Landa­økið er tilsamans góðar 4.700 ferkilometrar - á leið tríggjar ferðir størri enn Føroyar. Lutfalsliga í mun til stødd og fólkatal er talan um eina ta størstu náttúruvanlukku fyri eina tjóð yvirhøvur, sum vit vita um. Ikki eigur at vera trupult hjá okkum í Føroyum at skilja, hvussu út av lagi ring støð­an er hjá fólkinum og myndug­ leikunum í Vanuatu, og hvussu stórur tørvur er á hjálp. Tí verður hervið heitt á Landsstýrið um beinanvegin at veita neyðhjálp til Vanuatu. Áheitan á landsstýrið um at veita neyðhjálp til oyggjaríkið Vanuatu